29.09.2009 | 
Հասարակություն
ՖՈՒՐՄԱՆ ՇԱՀՈՒՄՅԱՆՑԻ. ՀԻՇԱՏԱԿԻ 17 ՏԱՐԻ
ՖՈՒՐՄԱՆ ՇԱՀՈՒՄՅԱՆՑԻ. ՀԻՇԱՏԱԿԻ 17 ՏԱՐԻ
«Զոհուեց 92-ի Սեպտեմբերի 29-ին, յատուկ առաջադրանքի ուղարկուած ուղղաթիռի վթարից նահատակուած ընկերների` Ժորայի, Մայիսի, Մաքսիմի հետ»:

Այս տողերը ԵՊՀ տնտեսագիտության ֆակուլտետի ուսանող-ազատամարտիկ Ֆուրման Շահումյանցուն (Գեորգյան) նվիրված նյութից է: Վ. Պետրոսյանի ակնարկը տպագրվել է դեռեւս 1993 թ-ի օգոստոսին «Երկիր» թերթում: Այսօր էլ համալսարանական զոհված ազատամարտիկին հիշում են ու սիրում:

 

ԵՊՀ «Վարդանանք» ռազմահայրենասիրական դաստիարակության ակումբի սաներն այսօր այցելել են Եռաբլուր` հարգանքի տուրք մատուցելու զոհված ազատամարտիկի վառ հիշատակին: Համալսարանականները Ֆուրմանի հարազատների հետ հիշեցին շահումյանցի երիտասարդի անցած կարճ, բայց եւ անհատույց ուղին, նրա նպատակներն ու երազանքները: «… Պիտի գնամ, մամ, գրապահարանիս մեջ` իմ նկարի աջ ու ձախ կողմերում, Անդրանիկի ու Գեւորգ Չաուշի նկարներն են. չեմ կարող թողնել գերության մեջ: Պիտի գնամ, ես Արտակին պիտի փոխարինեմ:

 

Արտակն իմ դասընկերն էր, զոհվեց 92-ի մայիսի 2-ին, Էրքեջի մոտ: Նրա զոհվելուց հետո համալսարանի միջանցքները ինձ խեղդում են»,- պարտիզաններին միանալու համար մոր օրհնությունն էր խնդրում 20-ը դեռ չբոլորած Ֆուրմանը: «Վարդանանք»-ի նախագահ Սաթենիկ Աբրահամյանը տեղեկացրեց, որ ակումբը կազմակերպել է Ֆուրման Շահումյանցի հիշատակին նվիրված միջոցառում: Հոկտեմբեր ամսվա սկզբին նախատեսվող ցերեկույթը կանցկացվի համալսարանական ազատամարտիկի անունը կրող լսարանում:

Այլ նորություններ
ԵՊՀ-Ն ՈՒ ՀԱՆՐԱՅԻՆ ՌԱԴԻՈՆ ՀՈՒՇԱԳԻՐ ԵՆ ՍՏՈՐԱԳՐԵԼ
ԵՊՀ ռեկտորի պաշտոնակատար Գեղամ Գևորգյանն ու Հայաստանի հանրային ռադիոյի տնօրեն Գարեգին Խումարյանն այսօր համագործակցության հուշագիր են ստորագրել:
«ԿԱՌԱՎԱՐՈՒԹՅԱՆ ՈՐՈՇՈՒՄՆ ԱՆԸՆԴՈՒՆԵԼԻ Է ԻՐԱՎԱԿԱՆ ԵՎ ԲԱՐՈՅԱԿԱՆ ՆՈՐՄԵՐԸ ԽԱԽՏԵԼՈՒ ՏԵՍԱՆԿՅՈՒՆԻՑ». ԵՊՀ ԳԻՏԱԿԱՆ ԽՈՐՀՈՒՐԴԸ ԴԱՏԱՊԱՐՏՈՒՄ Է ԿԱՌԱՎԱՐՈՒԹՅԱՆ ՈՐՈՇՈՒՄԸ
ԵՊՀ գիտական խորհրդի նիստերի դահլիճում այսօր տեղի է ունեցել գիտական խորհրդի արտահերթ նիստ, որի ընթացքում քննարկվել են մայիսի 4-ին կառավարության ընդունած որոշումը և դրա վերաբերյալ հայտարարության տեքստի նախագիծը։