03.11.2006 | 
Հասարակություն
ԲԱՑՎԵՑ ՆՈՐԱՅՐ ՄԱՐՈՒԹՅԱՆԻ ԱՆՎԱՆ ԼՍԱՐԱՆԸ
ԲԱՑՎԵՑ ՆՈՐԱՅՐ ՄԱՐՈՒԹՅԱՆԻ ԱՆՎԱՆ ԼՍԱՐԱՆԸ
Նոյեմբերի 3-ին ԵՊՀ ժուռնալիստիկայի ֆակուլտետում բացվեց լրագրող-ազատամարտիկ Նորայր Մարությանի անվան լսարանը:

Ժապավենը կտրելուց առաջ հյուրերը ազատամարտիկի մոր հետ միասին ծաղիկներ դրեցին ԵՊՀ զոհված ազատամարտիների հուշաքարին:

«Հավատացած եմ, որ այս լսարան մտնող ցանկացած ուսանող կզգա Նորայրի շունչը, կհասկանա, որ մենք ապրում ենք մեր հայրենիքը ծաղկեցնելու, եւ անհրաժեշտության պահին կյանքի գնով անգամ այն պաշտպանելու համար»,- ասաց ժուռնալիստիկայի ֆակուլտետի դեկան Գառնիկ Անանյանը:

Լսարանի բացումն օրվա միակ առիթը չէր: Նորայր Մարությանի անվան «Ժուռնալիստները ազատամարտիկների հիշատակին» հիմնադրամը ամփոփեց նախօրոք հայտարարված ակնարկների մրցույթի արդյունքները: Այս տարի բացառության կարգով ազատամարտիկների մասին ներկայացված 10 ակնարկներից 1-ին կարգի մրցանակ շնորհվեց երկուսին: Երեք մրցանակային տեղերից բացի տրվեցին նաեւ խրախուսական մրացանակներ, բոլոր մասնակիցները ստացան մասնակցության համար վկայականներ:

«Մրցանակաբաշխությունը միջոց է այսօրվա ուսանողին հասցնելու այն, ինչով ապրում ու գործում էր Նորայրը: Մասնակիցներից պիտի խնդրեմ, որ պահպանելով իրենց ինքնուրույն ձեռագիրը` ներկայացվող աշխատանքներում հնարավորինս հասու դարձնեն մարությանական շունչն ու աշխարհընկալումը»,- ասաց Նորայր Մարությանի անվան «Ժուռնալիստները ազատամարտիկների հիշատակին» հիմնադրամի նախագահ, ազատամարտիկի ռազմական ընկեր Աշոտ Սարգսյանը:

ԵՊՀ ժուռնալիստիկայի ֆակուլտետի դեկանը տեղեկացրեց, որ ամենամյա մրցանակաբաշխության լավագույն ակնարկներները կտպագրվեն: ԵՊՀ արեւելագիտության դեկան Գուրգեն Մելիքյանը իր ղեկավարած հիմնադրամի անունից պատրաստակամություն հայտնեց հոգալու մատենաշարի տպագրության ծախսերը:

Այլ նորություններ
ԸՆՏՐՈՒԹՅՈՒՆՆԵՐԻ ԵՎ ՀԱՆՐԱՔՎԵՆԵՐԻ ՆԿԱՏՄԱՄԲ ՄԻՋԱԶԳԱՅԻՆ ՀՍԿՈՂՈՒԹՅՈՒՆԸ. ՍԵՄԻՆԱՐ ԵՊՀ-ՈՒՄ
ԵՊՀ իրավագիտության ֆակուլտետի նախաձեռնությամբ դասախոսությամբ է հանդես եկել ԱՊՀ միջխորհրդարանական վեհաժողովի խորհրդի քարտուղարության ղեկավարի տեղակալ, Ժողովրդավարության, պառլամենտարիզմի զարգացման և ԱՊՀ երկրների քաղաքացիների ընտրական իրավունքների պաշտպանության մոնիթորինգի միջազգային ինստիտուտի տնօրեն Մուշկետ Իվան Իլիչը։
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին: