01.06.2021 | 
Հասարակություն
«ՀԻՄՆԱՐԱՐ ԵՎ ԿԻՐԱՌԱԿԱՆ ՖԻԶԻՈԼՈԳԻԱ» ՄԱԳԻՍՏՐՈՍԱԿԱՆ ԾՐԱԳԻՐԸ ՀԱՅՏԱՐԱՐՈՒՄ Է ԸՆԴՈՒՆԵԼՈՒԹՅՈՒՆ
«ՀԻՄՆԱՐԱՐ ԵՎ ԿԻՐԱՌԱԿԱՆ ՖԻԶԻՈԼՈԳԻԱ» ՄԱԳԻՍՏՐՈՍԱԿԱՆ ԾՐԱԳԻՐԸ ՀԱՅՏԱՐԱՐՈՒՄ Է ԸՆԴՈՒՆԵԼՈՒԹՅՈՒՆ
ԵՊՀ կենսաբանության ֆակուլտետի մարդու և կենդանիների ֆիզիոլոգիայի ամբիոնում գործում է «Հիմնարար և կիրառական ֆիզիոլոգիա» մագիստրոսական կրթական ծրագիրը, որը հայտարարում է 2021-2022 ուստարվա մագիստրատուրայի ընդունելություն:

Մարդու և կենդանիների ֆիզիոլոգիայի ամբիոնը սերտորեն համագործակցում է հանրապետության առաջատար բժշկական կենտրոնների հետ, և հենց այդ բժշկական կենտրոններում իրականացվում է ծրագրի մի շարք առարկաների դասավանդումը, այդ թվում՝ «Վերարտադրողական տեխնոլոգիաներ» («Աստղիկ» բժշկական կենտրոն), «Մասնավոր հյուսվածքաբանություն» (Հիստոժեն պաթոլոգիայի հայ-գերմանական գիտագործնական կենտրոն), «Արյունաբանություն» (Ռ․ Հ․ Յոլյանի անվան արյունաբանական Կենտրոն), «Կլինիկական իմունոլոգիա» (Ռ․ Հ․ Յոլյանի անվան արյունաբանական Կենտրոն):

 

 

Ծրագրի նպատակն է զարգացնել ուսանողների մասնագիտական կարողություններն ախտաբանական ֆիզիոլոգիայի, հյուսվածքաբանության, իմունոլոգիայի, արյունաբանության, հոգեֆիզիոլոգիայի, նյարդաֆիզիոլոգիայի, մարդու սաղմնաբանության, բարձրագույն նյարդային գործունեության ֆիզիոլոգիայի բնագավառներում՝ հետազոտական և լաբորատոր աշխատանքներ կատարելու համար:

 

Ծրագրի շրջանակում փոխկապակցվում են տեսական և գործնական բաղադրիչները մասնագիտական ոլորտում շրջանավարտների գործունեություն ծավալելու պատրաստվածությունն ապահովելու նպատակով:

 

 

«Հիմնարար և կիրառական ֆիզիոլոգիա» ծրագրի շրջանավարտները կարող են իրենց հետագա մասնագիտական գործունեությունը ծավալել բժշկական ախտորոշիչ լաբորատորիաներում, գիտահետազոտական ինստիտուտներում, միջին և բարձրագույն մասնագիտական ուսումնական հաստատություններում և այլն:

 

Մարդու և կենդանիների ֆիզիոլոգիայի ամբիոնի գործունեության մասին առավել մանրամասն կարելի է տեղեկանալ այստեղ:

Այլ նորություններ
«ԺԱՄԱՆԱԿԱԿԻՑ ԱՇԽԱՐՀՈՒՄ ՄՐՑԱԿՑՈՒԹՅԱՆ ԴՈՄԻՆԱՆՏ ԱՌԱՐԿԱՆ ԱՅԼԵՎՍ ՆՅՈՒԹԱԿԱՆ ՀԻՄՔԸ ՉԷ». ԼԻԼԻԹ ՇԱՔԱՐՅԱՆ
ԵՊՀ սոցիալական աշխատանքի և սոցիալական տեխնոլոգիաների ամբիոնի դասախոս Լիլիթ Շաքարյանը հրատարակել է իր երկրորդ՝ «Հաղորդակցության մարտահրավերները տեղեկատվական հասարակությունում» գիրքը, որտեղ դիտարկվել են տեղեկատվական հեղափոխության դերն ու նշանակությունը մարդկության և հասարակական ոլորտների զարգացման գործընթացում: Տիկին Շաքարյանի հետ զրուցել ենք գրքի, դրանում արծարծված թեմաների ու առաջիկա ծրագրերի մասին:
«ԱՐՑԱԽԸ ԵՎ ՄԻՋԱԶԳԱՅԻՆ ՔՐԵԱԿԱՆ ԴԱՏԱՐԱՆԸ. ՆՈՐ ՀԵՌԱՆԿԱՐՆԵՐ». ԱՌՑԱՆՑ ՍԵՄԻՆԱՐ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի ՈՒԳԸ-ի նախաձեռնությամբ տեղի է ունեցել «Արցախը և միջազգային քրեական դատարանը. նոր հեռանկարներ» խորագրով առցանց սեմինար, որը վարել է Միջազգային քրեական դատարանի ավագ դատական ծառայող Էդուարդո Տոլեդոն։