05.10.2020 | 
Հասարակություն
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ԱՅՍՕՐ ՆԱԽԱՏԵՍՎԱԾ ՆԻՍՏԸ ՀԵՏԱՁԳՎԵՑ
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ԱՅՍՕՐ ՆԱԽԱՏԵՍՎԱԾ ՆԻՍՏԸ ՀԵՏԱՁԳՎԵՑ
Օրակարգային 8 հարցից բաղկացած Հոգաբարձուների խորհրդի այսօրվա նիստը քվորում չունենալու պատճառով հետաձգվեց:

ԵՊՀ հոգաբարձուների խորհրդի նախագահ Գևորգ Մուրադյանը ներկաներին տեղեկացրեց, որ չկա իրավական կարգավորում նիստերը ներկայիս պայմաններում հետաձգելու վերաբերյալ, այդ պատճառով ամեն դեպքում հրավերն ուղարկվել է:

 

Նա շնորհակալություն հայտնեց ռազմաճակատում գտնվող բոլոր զինվորներին, մասնավորապես ԵՊՀ կամավորական դասակին: Գևորգ Մուրադյանը փաստեց, որ դասախոսներից շատերն այս պահին այնտեղ են, և բոլորին բարի ծառայություն մաղթեց:

 

Հոգաբարձուների խորհրդի նախագահը տեղեկացրեց, որ այս օրերին համալսարանի խնդիրներին առնչվող հարցերը քննարկելու համար հավանաբար կհրավիրվեն առցանց նիստեր:

 

Տեղեկացնենք, որ այսօրվա նիստի օրակարգում ներառված էին ԵՊՀ ռեկտորի և Իջևանի մասնաճյուղի տնօրենի մրցույթների կազմակերպման և անցկացման հարցերը:

 

Քնար Միսակյան

 


Այլ նորություններ
«ԺԱՄԱՆԱԿԱԿԻՑ ԱՇԽԱՐՀՈՒՄ ՄՐՑԱԿՑՈՒԹՅԱՆ ԴՈՄԻՆԱՆՏ ԱՌԱՐԿԱՆ ԱՅԼԵՎՍ ՆՅՈՒԹԱԿԱՆ ՀԻՄՔԸ ՉԷ». ԼԻԼԻԹ ՇԱՔԱՐՅԱՆ
ԵՊՀ սոցիալական աշխատանքի և սոցիալական տեխնոլոգիաների ամբիոնի դասախոս Լիլիթ Շաքարյանը հրատարակել է իր երկրորդ՝ «Հաղորդակցության մարտահրավերները տեղեկատվական հասարակությունում» գիրքը, որտեղ դիտարկվել են տեղեկատվական հեղափոխության դերն ու նշանակությունը մարդկության և հասարակական ոլորտների զարգացման գործընթացում: Տիկին Շաքարյանի հետ զրուցել ենք գրքի, դրանում արծարծված թեմաների ու առաջիկա ծրագրերի մասին:
«ԱՐՑԱԽԸ ԵՎ ՄԻՋԱԶԳԱՅԻՆ ՔՐԵԱԿԱՆ ԴԱՏԱՐԱՆԸ. ՆՈՐ ՀԵՌԱՆԿԱՐՆԵՐ». ԱՌՑԱՆՑ ՍԵՄԻՆԱՐ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի ՈՒԳԸ-ի նախաձեռնությամբ տեղի է ունեցել «Արցախը և միջազգային քրեական դատարանը. նոր հեռանկարներ» խորագրով առցանց սեմինար, որը վարել է Միջազգային քրեական դատարանի ավագ դատական ծառայող Էդուարդո Տոլեդոն։