25.12.2019 | 
Հասարակություն
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂԱԿԱՆ ԽՈՐՀՐԴԻ ՀԱՅՏԱՐԱՐՈՒԹՅՈՒՆԸ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂԱԿԱՆ ԽՈՐՀՐԴԻ ՀԱՅՏԱՐԱՐՈՒԹՅՈՒՆԸ
Սույն թվականի դեկտեմբերի 24-ին իր աշխատասենյակից ձեռնաշղթաներով բերման է ենթարկվել ԵՊՀ ՈՒԽ նախագահ Դավիթ Ափոյանը:

Որպես ԵՊՀ իրավագիտության ֆակուլտետի ուսանողական խորհուրդ` թե՛ որպես ինքնակառավարվող կառույցի մաս և թե՛ որպես մասնագիտական կառույց, չենք կարող անտարբերության մատնել երեկ համալսարանում տեղի ունեցածը, մասնավորապես` ԵՊՀ ՈՒԽ նախագահի նկատմամբ դրսևորած հակաիրավական, հակաօրինական վարքագիծը, որով փորձ արվեց արատավորել թե՛ վերջինիս պատիվն ու արժանապատվությունը և թե՛ առհասարակ Ուսանողական խորհրդի և համալսարանի բարի համբավը:

Բացի դատավարական մի շարք սկզբունքների խախտումից` ընդգծենք, որ ԵՊՀ ՈԻԽ նախագահին որպես վկա բերման ենթարկելու օրենքով նախատեսված բոլոր ընթացակարգերը կոպտորեն խախտվել են, նաև արատավորվել է վերջինիս ՀՀ Սահմանադրությամբ երաշխավորված պատիվն ու արժանապատվությունը, որոնք պաշտպանվում են ոչ միայն ներպետական մակարդակով, այլև Մարդու իրավունքների համընդհանուր հռչակագրով, ինչպես նաև Մարդու իրավունքների և հիմնարար ազատությունների մասին կոնվենցիայով, սրանով իսկ փորձ է արվել հեղինակազրկել Մայր բուհը և արատավորել Ուսանողական խորհրդի` որպես ուսանողների միակ ներկայացուցչական կառույցի բարի համբավը:

Ուշագրավ է նաև այն հանգամանքը, որ նորանկախ պետության ստեղծումից ի վեր նման հակաօրինական գործելաոճ համալսարանի և հատկապես ուսանողի նկատմամբ երբևէ չի դրսևորվել պետական մարմինների կողմից:

Հիմք ընդունելով վերոշարադրյալը` Իրավագիտության ֆակուլտետի ուսանողական խորհուրդը խստորեն դատապարտում է իրավապահ մարմինների նման գործելաոճը, հակաօրինական գործողությունները, որով ակնհայտ անհարգալից վերաբերմունք է դրսևորվել ինչպես համալսարանի` որպես Մայր բուհի, այնպես էլ ՈԻԽ-ի` որպես ուսանողների միակ ներկայացուցչական մարմնի նկատմամբ, ինչպես նաև արատավորվել են ՈԻԽ նախագահի բարի համբավը և արժանապատվությունը:

Այսպիսով՝ պահանջում ենք իրավասու մարմինների (դատախազություն, ոստիկանություն, քննչական մարմիններ) պատշաճ իրավական գնահատականը տեղի ունեցած անօրինական գործողությունների առթիվ:

ԵՊՀ իրավագիտության ֆակուլտետի ուսանողական խորհուրդ

Այլ նորություններ
«ԺԱՄԱՆԱԿԱԿԻՑ ԱՇԽԱՐՀՈՒՄ ՄՐՑԱԿՑՈՒԹՅԱՆ ԴՈՄԻՆԱՆՏ ԱՌԱՐԿԱՆ ԱՅԼԵՎՍ ՆՅՈՒԹԱԿԱՆ ՀԻՄՔԸ ՉԷ». ԼԻԼԻԹ ՇԱՔԱՐՅԱՆ
ԵՊՀ սոցիալական աշխատանքի և սոցիալական տեխնոլոգիաների ամբիոնի դասախոս Լիլիթ Շաքարյանը հրատարակել է իր երկրորդ՝ «Հաղորդակցության մարտահրավերները տեղեկատվական հասարակությունում» գիրքը, որտեղ դիտարկվել են տեղեկատվական հեղափոխության դերն ու նշանակությունը մարդկության և հասարակական ոլորտների զարգացման գործընթացում: Տիկին Շաքարյանի հետ զրուցել ենք գրքի, դրանում արծարծված թեմաների ու առաջիկա ծրագրերի մասին:
«ԱՐՑԱԽԸ ԵՎ ՄԻՋԱԶԳԱՅԻՆ ՔՐԵԱԿԱՆ ԴԱՏԱՐԱՆԸ. ՆՈՐ ՀԵՌԱՆԿԱՐՆԵՐ». ԱՌՑԱՆՑ ՍԵՄԻՆԱՐ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի ՈՒԳԸ-ի նախաձեռնությամբ տեղի է ունեցել «Արցախը և միջազգային քրեական դատարանը. նոր հեռանկարներ» խորագրով առցանց սեմինար, որը վարել է Միջազգային քրեական դատարանի ավագ դատական ծառայող Էդուարդո Տոլեդոն։