04.05.2021 | 
Հասարակություն
ՈՒՍԱՆՈՂՆԵՐԸ ՀԱՆԴԵՍ ԵՆ ԳԱԼՈՒ ՕՐԵՆՍԴՐԱԿԱՆ ՆԱԽԱՁԵՌՆՈՒԹՅՈՒՆՆԵՐՈՎ. ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ն ԻՐԱԿԱՆԱՑՆՈՒՄ Է ՆՈՐ ԾՐԱԳԻՐ
ՈՒՍԱՆՈՂՆԵՐԸ ՀԱՆԴԵՍ ԵՆ ԳԱԼՈՒ ՕՐԵՆՍԴՐԱԿԱՆ ՆԱԽԱՁԵՌՆՈՒԹՅՈՒՆՆԵՐՈՎ. ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ն ԻՐԱԿԱՆԱՑՆՈՒՄ Է ՆՈՐ ԾՐԱԳԻՐ
ԵՊՀ իրավագիտության ֆակուլտետի ՈՒԽ-ն նախաձեռնել է նոր ձևաչափ ունեցող «Creation and law» (Իրավաստեղծագործում են ուսանողները) ծրագիրը, որի առաջին՝ դասընթացների փուլի մեկնարկը տրվել է «Իրավաստեղծ գործընթաց» խորագիրը կրող սեմինար-քննարկմամբ:

Մեզ հետ զրույցում ԵՊՀ իրավագիտության ֆակուլտետի ՈՒԽ նախագահ Գոհար Ավագյանը նշեց, որ ծրագրի շրջանակում շուրջ 50 ուսանող հանդես է գալու օրենսդրական նախաձեռնություններով:

 

Նրա խոսքով, դասընթացների փուլի ավարտին ուսանողները ներկայացնելու են օրենսդրական փոփոխությունների բանավոր առաջարկներ, հաղթահարելով հարցազրույցների փուլը՝ երկօրյա արտագնա կոնֆերանսի ընթացքում ուսումնասիրելու են իրավական ակտերի կազմման տեխնիկական լուծումները՝ մշակելով իրենց իսկ կողմից առաջարկված իրավական ակտերի նախագծերը։

 

 

«Բացի դրանից՝ ծրագրի ավարտին ուսանողների մասնակցությամբ իրականացվելու է ԱԺ նիստ, որի ընթացքում քննարկվելու են կազմված նախագծերը՝ ոլորտի լավագույն մասնագետների հետ միասին»,- փաստեց ՈՒԽ նախագահը։

 

Գոհար Ավագյանն ընդգծեց, որ ֆակուլտետի ՈւԽ-ն պարբերաբար կազմակերպել է միջոցառումներ՝ միտված ուսանողների գործնական հմտությունների զարգացմանը, բայց այս ծրագիրն առանձնահատուկ կարևորություն ունի, քանի որ պետության ապագան կախված է իրենց ոլորտում լավագույն հմտություններն ունեցող մասնագետների առկայությունից. «Այս ծրագիրը հնարավորություն է տալիս պատրաստելու ապագա օրենսդիրներ»:

 

Պատրաստեց Քնար Միսակյանը

Այլ նորություններ
ԵՊՀ-Ն ԿՏՐԱԿԱՆԱՊԵՍ ԴԵՄ Է ՆՇՎԱԾ ԳՈՒՅՔԻ ՕՏԱՐՄԱՆԸ. ՀԱՅՏԱՐԱՐՈՒԹՅՈՒՆ
Երեկ մամուլում տարածվեց ՀՀ պետական գույքի կառավարման կոմիտեի մի հարցման պատասխան, որով Կոմիտեն տեղեկացնում էր, որ «Երևանի պետական համալսարան» հիմնադրամի՝ Աբովյան 52 հասցեում գտնվող գույքի (ավտոկայանատեղի, 197.27 մ2) օտարման վերաբերյալ ունեն առաջարկ, որը քննարկում են շահագրգիռ կողմերի հետ։
ԺԱՌԱՆԳՈՒԹՅԱՆ ԵՎ ՄՇԱԿՈՒՅԹԻ ՎՐԱ ՀԻՄՆՎԱԾ ՓՈՐՁԱՌԱԿԱՆ ԶԲՈՍԱՇՐՋՈՒԹՅԱՆ ԽԹԱՆՄԱՆՆ ՈՒՂՂՎԱԾ ՔՆՆԱՐԿՈՒՄ ԵՊՀ-ՈՒՄ
ԵՊՀ աշխարհագրության և երկրաբանության ֆակուլտետը Միջազգային համագործակցության վարչության հետ «PRO EXTOUR» նախագծի շրջանակում կազմակերպել էր կոնֆերանս-քննարկում «Սևծովյան ավազանում ժառանգության և մշակույթի վրա հիմնված փորձառական զբոսաշրջության խթանում» խորագրով: