19.05.2021 | 
Մշակույթ
ԵՊՀ-Ի ՈՒ ՀՊՄՀ ԿՈՒԼՏՈՒՐԱՅԻ ՖԱԿՈՒԼՏԵՏԻ ՄԻՋԵՎ ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ ՍՏՈՐԱԳՐՎԵՑ
ԵՊՀ-Ի ՈՒ ՀՊՄՀ ԿՈՒԼՏՈՒՐԱՅԻ ՖԱԿՈՒԼՏԵՏԻ ՄԻՋԵՎ ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ ՍՏՈՐԱԳՐՎԵՑ
ԵՊՀ մշակույթի կենտրոնի դահլիճում այսօր տեղի է ունեցել «Քանոն և պոեզիա» համերգային ծրագիրը, որը նվիրված էր ԵՊՀ հիմնադրման 102-ամյակին:

Մինչ համերգային ծրագրի մեկնարկը՝ ԵՊՀ մշակույթի կենտրոնն ու ՀՊՄՀ կուլտուրայի ֆակուլտետը համագործակցության հուշագիր կնքեցին:


Հյուրերին ողջունելով՝ Մշակույթի կենտրոնի տնօրեն Կարինե Դավթյանը նշեց. «ԵՊՀ մշակույթի կենտրոնը, հավատարիմ մնալով իր որդեգրած ավանդույթներին, Մայր բուհի 102-ամյակը նշանավորում է ևս մեկ նոր համագործակցության մեկնարկով: Այս միջոցառման միջոցով մենք ազդարարում ենք մեր համատեղ գործունեության սկիզբը՝ հույս հայտնելով, որ այն կարևոր հիմք կհանդիսանա հետագա բազմաբնույթ միջոցառումների համար»:

 


ՀՀ ժողովրդական արտիստ, ՀՊՄՀ պրոֆեսոր Հասմիկ Լեյլոյանը կարևորեց Մայր բուհի մշակույթի կենտրոնի հետ համագործակցությունը և նշեց, որ այն լավ առիթ է ապագա սերունդներին ծանոթացելու ազգային գործիքներին: Այնուհետև պրոֆեսորը փոխգործակցության հուշագիրը հանձնեց ԵՊՀ միջազգայի համագործակցության և հասարակայնության հետ կապերի գծով պրոռեկտոր Արթուր Իսրայելյանին:

 


Պրոռեկտոր Արթուր Իսրայելյանը շնորհավորեց ներկաներին և կողմերին արդյունավետ համագործակցություն մաղթեց:


Համերգային ծրագրի մեկնարկը տրվեց «Զվարթնոց» և ԵՊՀ մշակույթի կենտրոնի «Համալսարանական» թատրոն-ստուդիայի (ռեժիսոր Կարինե Դավթյան) համատեղ համարով: Միջոցառման մասնակիցներին քանոնահարների անսամբլի կատարմամբ ներկայացվեց Կոմիտասի «Տե՛ր, ողորմյա»-ն, իսկ Պարույր Սևակի «Եղիցի լույս» ստեղծագործությունից հատված կարդաց «Համալսարանական» թատրոն-ստուդիայի սան Ալբերտ Սաֆարյանը:

 

Այլ նորություններ
«ԲԵՄԸ ՍԻՐՈՒՄ Է ՄՏԱԾՈՂ ՄԱՐԴԿԱՆՑ, ԻՍԿ ՄԱՐԻՑԱՆ ԱՅԴՊԻՍԻՆՆ Է». ԵՊՀ ՄՇԱԿՈՒՅԹԻ ԿԵՆՏՐՈՆԻ ՍԱՆԸ ՀԱՂԹԵԼ Է ՄԻՋԱԶԳԱՅԻՆ ՄՐՑՈՒՅԹՈՒՄ
Լիտվայում հուլիսի 2-4-ը տեղի է ունեցել «Baltic Voice 2021» միջազգային մանկական և երիտասարդական մրցույթը, որտեղ Հայաստանը ներկայացրել է ԵՊՀ մշակույթի կենտրոնի մեներգչուհի Մարիցա Թիլիքյանը և արժանացել ոսկե «Grand Prix» մրցանակին։ ԵՊՀ մշակույթի կենտրոնի ղեկավար Կարինե Դավթյանի և Մարիցա Թիլիքյանի հետ զրուցել ենք մրցույթի, դրան մասնակցելու գաղափարի, նախապատրաստական աշխատանքների, հաղթանակի ու հետագա անելիքների մասին:
ԵՊՀ ՄՇԱԿՈՒՅԹԻ ԿԵՆՏՐՈՆԸ 15 ՏԱՐԵԿԱՆ Է
ԵՊՀ մշակույթի կենտրոնի դահլիճում այսօր տեղի է ունեցել ԵՊՀ մշակույթի կենտրոնի հիմնադրման 15-ամյակին նվիրված հոբելյանական միջոցառումը: