12.04.2010 | 
Ուսանողական, Հասարակություն
ԵՊՀ-Ն ՑԱՎԱԿՑՈՒՄ Է ԼԵՀ ԺՈՂՈՎՐԴԻՆ
ԵՊՀ-Ն ՑԱՎԱԿՑՈՒՄ Է ԼԵՀ ԺՈՂՈՎՐԴԻՆ
ԵՊՀ ուսանողներն իրենց հարգանքի տուրքը մատուցեցին լեհական ինքնաթիռի ավիավթարի զոհերի հիշատակին:

ԵՊՀ ուսանողական խորհրդի նախաձեռնությամբ կենտրոնական մասնաշենքի բակից ուսանողները երթով շարժվեցին դեպի Հայաստանում Լեհաստանի դեսպանատուն: Առավոտյան զոհերի հիշատակին իրենց հարգանքի տուրքն են մատուցել ԵՊՀ ռեկտորը եւ պրոռեկտորները: Շենքի բակում ծաղիկներ դնելուց հետո ԵՊՀ ուսանողական խորհրդի ներկայացուցիչներն ուսանողների անունից ցավակցական խոսքեր հայտնեցին Լեհաստանի արտակարգ եւ լիազոր դեսպանին, սգո մատյանում գրառումներ կատարեցին:

 

«Հայերն էլ շատ ցավեր են տեսել, եւ այսօր մենք`ուսանողներս, մեր ցավակցությունն ենք հայտնում լեհ ժողովրդին»,- ասում է ԵՊՀ ուսանողական խորհրդի քարտուղար Հարություն Ազգալդյանը: Նշենք, որ Լեհաստանի նախագահ Լեխ Կաչինսկու ինքնաթիռն աղետի է ենթարկվել Սմոլենսկ ուղեւորվելիս, ինքնաթիռի բոլոր ուղեւորները՝ Լեհաստանի նախագահը եւ իր տիկինը, լեհական պաշտոնական պատվիրակության բոլոր անդամները եւ անձնակազմը, զոհվել են։

Այլ նորություններ
ԸՆՏՐՈՒԹՅՈՒՆՆԵՐԻ ԵՎ ՀԱՆՐԱՔՎԵՆԵՐԻ ՆԿԱՏՄԱՄԲ ՄԻՋԱԶԳԱՅԻՆ ՀՍԿՈՂՈՒԹՅՈՒՆԸ. ՍԵՄԻՆԱՐ ԵՊՀ-ՈՒՄ
ԵՊՀ իրավագիտության ֆակուլտետի նախաձեռնությամբ դասախոսությամբ է հանդես եկել ԱՊՀ միջխորհրդարանական վեհաժողովի խորհրդի քարտուղարության ղեկավարի տեղակալ, Ժողովրդավարության, պառլամենտարիզմի զարգացման և ԱՊՀ երկրների քաղաքացիների ընտրական իրավունքների պաշտպանության մոնիթորինգի միջազգային ինստիտուտի տնօրեն Մուշկետ Իվան Իլիչը։
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին: