03.11.2009 | 
Կրթություն, Հասարակություն
ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ԴԱՍԸՆԹԱՑՆԵՐ
ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ԴԱՍԸՆԹԱՑՆԵՐ
Մասնագիտություն ընտրելու հարցում դիմորդներին օգնում են համալսարանականների կարդացած դասախոսությունները:

ԵՊՀ դիմորդների հետ տարվող աշխատանքների բաժինը պարբերաբար հանրակրթական դպրոցներում կազմակերպում է մասնագիտական կողմնորոշման դասընթացներ, որի ժամանակ ավարտական դասարանների աշակերտներին ներկայացվում են նաեւ Մայր բուհում դասավանդվող մասնագետների հայտնագործություններն ու գիտական հետազոտությունները:

 

Նոյեմբերի 3-ին Ջոն Կիրակոսյանի անվան թիվ 20 միջնակարգ դպրոցի ավագ դասարանների աշակերտների համար դասախոսությամբ հանդես եկավ ԵՊՀ ֆիզիկայի ֆակուլտետի դասախոս, ֆիզմաթ գիտությունների թեկնածու Սամվել Գեւորգյանը: Երեւանի պետական համալսարանի ֆիզիկայի ֆակուլտետում դասախոսների ու ուսանողների ուժերով ստեղծվում են միաշերտ հարթ կոճեր, որոնց հիման վրա էլ ստեղծված է թույլ հզորության գեներատոր:

 

Գեներատորը փորձարկվել է ինչպես մեր հանրապետությունում, այնպես էլ աշխարհի մի շարք այլ երկրներում: Սարքավորումն օգտագործվում է առողջապահական, ռազմական, սեյսմիկ եւ այլ բնագավառներում: Պարոն Գեւորգյանն ամենայն մանրամասնությամբ աշակերտներին ներկայացրեց սարքի աշխատանքային պրոցեսը: Դասընթացի մասնակիցները հետաքրքրությամբ էին ունկնդրում ֆիզիկային առնչվող մասնագիտական դասախոսությանը: 10-րդ դասարանի աշակերտ Րաֆֆի Նաջարյանը որոշել է ապագայում իրավաբան դառնալ. այս դասընթացից նա մի շարք նոր գիտելիքներ էր ստացել, հատկապես հետաքրքրել էր նշված սարքավորման կիրառությունը ռազմական ոլորտում:

 

Դիմորդների հետ տարվող աշխատանքների բաժնի ավագ տեսուչ Սաթենիկ Աբրահամյանն ասում է, որ ավարտական դասարանների աշակերտները հաճախ մասնագիտություն ընտրելու հարցում որոնումների մեջ են ընկնում, եւ այս դասընթացներն ապագա ուսանողների համար կողմնորոշիչ նշանակություն են ունենում: Դասախոսության վերջում պարոն Գեւորգյանն աշակերտներին հրավիրեց ԵՊՀ ֆիզիկայի ֆակուլտետի լաբորատորիա` գործնական փորձեր իրականացնելու:

Այլ նորություններ
ԸՆՏՐՈՒԹՅՈՒՆՆԵՐԻ ԵՎ ՀԱՆՐԱՔՎԵՆԵՐԻ ՆԿԱՏՄԱՄԲ ՄԻՋԱԶԳԱՅԻՆ ՀՍԿՈՂՈՒԹՅՈՒՆԸ. ՍԵՄԻՆԱՐ ԵՊՀ-ՈՒՄ
ԵՊՀ իրավագիտության ֆակուլտետի նախաձեռնությամբ դասախոսությամբ է հանդես եկել ԱՊՀ միջխորհրդարանական վեհաժողովի խորհրդի քարտուղարության ղեկավարի տեղակալ, Ժողովրդավարության, պառլամենտարիզմի զարգացման և ԱՊՀ երկրների քաղաքացիների ընտրական իրավունքների պաշտպանության մոնիթորինգի միջազգային ինստիտուտի տնօրեն Մուշկետ Իվան Իլիչը։
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին: