03.05.2021 | 
Հասարակություն
ՓՈՐՁՆԱԿԱՆ ՔՆՆՈՒԹՅՈՒՆ ԱՊԱԳԱ ԴԻՄՈՐԴՆԵՐԻ ՀԱՄԱՐ՝ ԸՆԴՈՒՆԵԼՈՒԹՅԱՆ ՔՆՆՈՒԹՅՈՒՆՆԵՐԻՆ ԸՆԴԱՌԱՋ
ՓՈՐՁՆԱԿԱՆ ՔՆՆՈՒԹՅՈՒՆ ԱՊԱԳԱ ԴԻՄՈՐԴՆԵՐԻ ՀԱՄԱՐ՝ ԸՆԴՈՒՆԵԼՈՒԹՅԱՆ ՔՆՆՈՒԹՅՈՒՆՆԵՐԻՆ ԸՆԴԱՌԱՋ
ԵՊՀ աշխարհագրության և երկրաբանության ֆակուլտետի ՈՒԳԸ-ն այսօր «Աշխարհագրություն» առարկայից փորձնական քննություն էր կազմակերպել աշակերտների համար՝ ընդունելության քննություններին ընդառաջ:

Տարիներ շարունակ մասնագիտական կողմնորոշման նպատակով կազմակերպված միջոցառումները նպաստում են դիմորդների՝  նախընտրած ֆակուլտետին և կրթական ծրագրերին ծանոթացմանը:

 

Ըստ էության, միջոցառման այսօրինակ ձևաչափն իր բնույթով նոր էր ԵՊՀ-ում:

 

Մեզ հետ զրույցում ԵՊՀ աշխարհագրության և երկրաբանության ֆակուլտետի փոխդեկան Սարգիս Քելյանը նշեց, որ միջոցառման կազմակերպման համար նախապես տարածվել է հայտարարություն, որին արձագանքել են ինչպես Երևանի, այնպես էլ մարզերի դպրոցները:

 

Ս. Քելյանը տեղեկացրեց, որ փորձնական քննության հարցաշարը մշակվել  և կազմվել է ոլորտի մասնագետների կողմից, որոնք էլ երեք օրվա ընթացքում ստուգելու և ներկայացնելու են քննության արդյունքները:

 

 

Միջոցառման պատասխանատուներից Մարիամ Տաշյանը, որը ԵՊՀ աշխարհագրության և երկրաբանության ֆակուլտետի ՈՒԳԸ նախագահի ժամանակավոր պաշտոնակատարն է, նշեց, որ միջոցառման հիմնական նպատակն  ընդունելության քննություններից առաջ ապագա դիմորդների լարվածությունը թուլացնելը և ինքնավստահությունը բարձրացնելն է:

 

«Ցանկացած դիմորդի համար շատ կարևոր է ընդունելության քննություններից առաջ ունենալ որոշակի փորձ. այս ամենը կնպաստի նրանց ինքնավստահության բարձրացմանը և կուտակած գիտելիքների հմուտ արտահայտմանը»,- ասաց Մարիամ Տաշյանը:

 

Նրա խոսքով, «Աշխարհագրություն» առարկայի փորձնական քննությանը մասնակցում են ոչ միայն Աշխարհագրության և երկրաբանության ֆակուլտետի ապագա դիմորդները, այլև այն աշակերտները, որոնք մեծ  հետաքրքրություն ունեն առարկայի նկատմամբ:

 

«Փորձնական քննությանը մասնակցող աշակերտներից  մեծ մասը մեր ֆակուլտետի ապագա դիմորդներ են. սա լավ հնարավորություն է ծանոթանալու նախընտրած ֆակուլտետի կառուցվածքին, կրթական ծրագրերին և գործառույթներին: Կարծում եմ՝ այս ծրագիրը շարունակական բնույթ է կրելու»,- նշեց ՈՒԳԸ նախագահի ժամանակավոր պաշտոնակատարը:

 

Այլ նորություններ
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին:
ԵՊՀ ՈՒՍԱՆՈՂԸ ՄԱՍՆԱԿՑԵԼ Է ՄԻՋԱԶԳԱՅԻՆ ՍԵՄԻՆԱՐԻ ԵՎ ԴՐԱ ՇՐՋԱՆԱԿՈՒՄ ԻՐԱԿԱՆԱՑՎԱԾ ՄՐՑՈՒՅԹԻՆ ԶԲԱՂԵՑՐԵԼ ԱՌԱՋԻՆ ՏԵՂԸ
ԵՊՀ աշխարհագրության և երկրաբանության ֆակուլտետի ֆիզիկական աշխարհագրության և ջրաօդերևութաբանության ամբիոնի 4-րդ կուրսի ուսանող Գոռ Խաչատրյանն իր գիտական ղեկավարի հետ մասնակցել է որակավորման բարձրացման սեմինարի և դրա շրջանակում տեղի ունեցած մրցույթին զբաղեցրել առաջին հորիզոնականը: