06.11.2006 | 
Հասարակություն
ԵՊՀ-Ն ԱՌԱՋԻՆ ՏԵՂՈՒՄ Է
ԵՊՀ-Ն ԱՌԱՋԻՆ ՏԵՂՈՒՄ Է
Հոկտեմբերի 4-ին ԵՊՀ-ում անցկացվեց ACM ICPC ծրագրավորման ուսանողական թիմային միջազգային օլիմպիադայի հայաստանյան քառորդ եզրափակիչ փուլը:

Առաջին եւ երկրորդ տեղում ԵՊՀ-ի թիմերն են, երրորդ տեղում է Ռուս-հայկական (Սլավոնական) համալսարանի թիմը:

«Անդրկովկասի եւ ոչ մի թիմ դեռ չի անցել եզրափակիչ: Մենք ամեն ինչ կանենք, որ Հայաստանի որեւէ թիմ ճանաչվի Անդրկովկասի ամենաուժեղ թիմը. այդ հաղթանակը առայժմ այն հիմնական նպատակն է, որին մենք ձգտում ենք»,- ասաց ԵՊՀ ծրագրավորողների թիմերի մարզիչ Արմեն Անդրեասյանը:

Արդեն 31-րդ անգամ անցկացվող ACM ICPC ծրագրավորողների ուսանողական միջազգային մրցույթին Հայաստանը մասնակցում է 6-րդ անգամ: Այս տարի տեղի քառորդ եզրափակիչ փուլին մասնակցում էին 22 թիմեր, որոնցից 8-ը ԵՊՀ-ից էին:

Հաղթող թիմերը հնարավորություն ստացան մասնակցելու կիսաեզրափակիչ փուլին, որը անցկացվելու է նոյեմբերի 27-29-ը: Հայաստանն ընդգրկված է հյուսիս-եվրոպական կիսաեզրափակիչ գոտում: Այս գոտու կիսաեզրափակիչի երեք հիմնական կենտրոններց մեկն էլ ԵՊՀ-ն է. Անդրկովկասի բոլոր թիմերն այստեղ են մասնակցելու մրցույթին:

«Նախորդ տարիների հաշվարկներով Թբիլիսիի պետական համալսարանի թիմը հայաստանյան թիմերի ամենաուժեղ մրցակիցն է: Ընդունելով վրացական համար մեկ թիմի ուժը` մենք հավատացած ենք, որ հայաստանյան թիմերն ունեն հնարավորություն արժանի մրցակցություն ցույց տալու եւ, ինչու չէ, նաեւ հաղթելու»,- ասաց Ռուս-հայկական (Սլավոնական) պետական համալսարանի ծրագրավորողների թիմերի մարզիչ Տիգրան Փիլիպոսյանը:

Այլ նորություններ
ԸՆՏՐՈՒԹՅՈՒՆՆԵՐԻ ԵՎ ՀԱՆՐԱՔՎԵՆԵՐԻ ՆԿԱՏՄԱՄԲ ՄԻՋԱԶԳԱՅԻՆ ՀՍԿՈՂՈՒԹՅՈՒՆԸ. ՍԵՄԻՆԱՐ ԵՊՀ-ՈՒՄ
ԵՊՀ իրավագիտության ֆակուլտետի նախաձեռնությամբ դասախոսությամբ է հանդես եկել ԱՊՀ միջխորհրդարանական վեհաժողովի խորհրդի քարտուղարության ղեկավարի տեղակալ, Ժողովրդավարության, պառլամենտարիզմի զարգացման և ԱՊՀ երկրների քաղաքացիների ընտրական իրավունքների պաշտպանության մոնիթորինգի միջազգային ինստիտուտի տնօրեն Մուշկետ Իվան Իլիչը։
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին: