Գիտական համագործակցության նոր կամուրջներ․ միջազգային աշխատաժողով ԵՊՀ-ում Երևանի պետական համալսարանում անցկացվում է «Օպտիկա և դրա կիրառությունները» խորագրով աշխատաժողովը՝ միավորելով «Օպտիկա» միջազգային 15-րդ սիմպոզիումը և «COST» աշխատաժողովը։ Գիտական միջոցառումը նպատակ ունի մեկ հարթակում համախմբելու օպտիկայի ոլորտում գործունեություն ծավալող փորձառու և երիտասարդ գիտնականների, ինչպես նաև ներգրավելու ուսանողներին՝ ստեղծելով գիտական քննարկումների և փորձի փոխանակման համար նպաստավոր միջավայր։
Դասընթաց, որը միավորում է տարբեր մասնագիտություններ մեկ թեմայի և գաղափարի շուրջ «Դասախոսություն» բառը այլևս չի սահմանափակվում միայն դասախոսի խոսելով, իսկ ուսանողը չի սահմանափակվում միայն լսելով․ ԵՊՀ հայագիտական հետազոտությունների ինստիտուտի և գերմանական «Ֆրիդրիխ Էբերտ» հիմնադրամի հայաստանյան գրասենյակի համատեղ նախաձեռնությունը չորրորդ տարին անընդմեջ միավորում է տարբեր բուհերի ուսանողներին՝ հնարավորություն տալով նրանց ոչ միայն հասկանալու տարածաշրջանային ու եվրոպական գործընթացները, այլև դառնալու դրանց գիտակցված վերլուծողը։ «Հարավային Կովկասը և ԵՄ քաղաքականության ու որոշումների կայացման գործընթացի հիմնական սկզբունքները» թեմայով դասընթացը հենց այդպիսի միջավայր է ստեղծում՝ կրթությունը վերածելով կենդանի քննարկման, փորձի փոխանակման և համագործակցության հարթակի։
Հիդրոօդերևութաբանական մոնիթորինգ և ածխածնային չեզոքություն. միջազգային գիտաժողով՝ ԵՊՀ-ում ԵՊՀ-ում մեկնարկեց «Հիդրոօդերևութաբանության և շրջակա միջավայրի մոնիթորինգի արդի հիմնախնդիրները փոփոխվող կլիմայի պայմաններում. հարմարվողականություն, կայունություն և արտադրական գործընթաց» խորագրով միջազգային գիտաժողովը: Այն նպատակ ունի համակողմանիորեն քննարկելու և վերհանելու հիդրոօդերևութաբանության ոլորտում առկա առաջնահերթ խնդիրները, բացահայտելու դրանց զարգացման օրինաչափություններն ու հեռանկարները, ինչպես նաև գնահատելու ոլորտի դերը տարածաշրջանի սոցիալ-տնտեսական խնդիրների լուծման գործում՝ անդրադառնալով նաև ջրակլիմայական ռեսուրսների արդյունավետ օգտագործման և կառավարման ոլորտում կուտակված միջազգային փորձին։
«ԵՊՀ դասավանդման մեթոդները ոչ միայն արդիական են, այլև ունեն գիտականորեն հիմնավորված խոր արմատներ». Կոլորադոյի Բոուլդերի համալսարանի ուսանող Կոլորադոյի Բոուլդերի համալսարանի (ԱՄՆ) ուսանող Միխայիլ Ցարևսկին շուրջ մեկ տարի ուսումը շարունակել է ԵՊՀ ռուս բանասիրության ֆակուլտետում՝ խորապես ուսումնասիրելով ռուսաց լեզուն: Նա ԵՊՀ էր ժամանել «Ռուսաց լեզվի և տարածաշրջանային ուսումնասիրություններ» ծրագրի շրջանակում:
ԵՊՀ-ից Կադիս․ հայ-իսպանական ակադեմիական երկխոսություն Միջազգային ակադեմիական համագործակցությունը շարունակում է մնալ ժամանակակից բարձրագույն կրթության զարգացման առանցքային ուղղություններից մեկը՝ ձևավորելով գիտելիքի փոխանակման և մշակութային երկխոսության նոր հարթակներ։ Երևանի պետական համալսարանի և Կադիսի համալսարանի միջև ձևավորված գործընկերությունը վերջին տարիներին ձեռք է բերել համակարգված և բազմաշերտ բնույթ։
Արևելքի ձայնը. քննարկում՝ Էդուարդ Ու. Սայիդի «Արևելաբանություն» գրքի հայերեն հրատարակության շուրջ ԵՊՀ-ում տեղի ունեցավ նշանավոր գրականագետ, գրաքննադատ Էդուարդ Ու. Սայիդի «Արևելաբանություն» գրքի հայերեն հրատարակության քննարկումը։ Միջոցառումը կազմակերպվել էր ԵՊՀ Սարգիս և Մարի Իզմիրլյանների անվան գրադարանի և «ԱՐԻ» գրականության հիմնադրամի համագործակցությամբ:
Հայաստանը՝ բարձր արտադրողականությամբ հաշվարկային ենթակառուցվածքների առաջատար երկրների շարքում Հայաստանում արհեստական բանականության ենթակառուցվածքների զարգացման ուղղությամբ իրականացվում է ռազմավարական նշանակության ծրագիր։ ՀՀ Կառավարությունը «Firebird.ai» ընկերությունից ձեռք է բերել 25 միլիոն ԱՄՆ դոլարի բարձր արտադրողականությամբ հաշվողական ռեսուրսներ, որոնք հասանելի են դառնալու հայկական ստարտափներին, գիտահետազոտական խմբերին, համալսարաններին և անհատ մասնագետներին։
Ինչպե՞ս է փոխվում բուհական կրթությունը․ հայկական և եվրոպական փորձը՝ մեկ հարթակում ԵՊՀ համակարգմամբ իրականացվող «Erasmus+» ծրագրի «eCAMPUS» նախագծի շրջանակում ս․թ․ ապրիլի 22–ին և 23-ին Ջենովայի համալսարանում անցկացվեց երկօրյա սեմինար՝ նվիրված Հայաստանի բուհերում ժամանակակից թվային և տեխնոլոգիական կրթության զարգացմանը։
Գիտական հանրույթը նշեց պրոֆեսոր Մանվել Ասատրյանի 100-ամյակը Երևանի պետական համալսարանի հայ բանասիրության ֆակուլտետում տեղի ունեցավ հանրապետական գիտաժողով՝ նվիրված անվանի լեզվաբան, բ.գ.դ., պրոֆեսոր Մանվել Ասատրյանի ծննդյան 100-ամյակին։ Գիտաժողովի նպատակն էր վերհանել Մանվել Ասատրյանի գիտական վաստակը և քննարկել նրա հիմնարար աշխատությունների դերը ժամանակակից հայագիտության մեջ։ Սա հիանալի առիթ էր՝ գիտական լույսի ներքո դիտարկելու պրոֆեսորի մշակած տեսություններն ու մեթոդաբանությունը։
Միջոցառում` նվիրված Արմեն Թռչունյանի 70-ամյակին. երբ հիշողությունը դառնում է գիտության շարունակություն ԵՊՀ կենսաբանության ֆակուլտետում նշվեց անվանի գիտնական, կենսաբանական գիտությունների դոկտոր, պրոֆեսոր Արմեն Թռչունյանի ծննդյան 70-ամյակը։ Գիտական և ակադեմիական երկարամյա գործունեության ընթացքում երջանկահիշատակ պրոֆեսորը նշանակալի ներդրում է ունեցել կենսաբանության զարգացման, գիտական դպրոցի ձևավորման և երիտասարդ հետազոտողների պատրաստման գործում՝ թողնելով մասնագիտական հարուստ ժառանգություն և լուսավոր հիշատակ։
