ԵՊՀ արհեստակցական կազմակերպությունը գլխավորում է բուհական արհմիությունների լավագույն եռյակը:
Հայաստանի բուհերի արհեստակցական կազմակերպությունների ճյուղային հանրապետական միությունը հրապարակել է վարկանիշային աղյուսակ, որում արտացոլված է բուհական համակարգում գործատու-արհմիություն հարաբերությունների արդյունավետությունը:
«Տարին ամփոփվում է, և բնականաբար արհմիությունները ևս փորձում են ճշգրտել իրենց ձեռքբերումները, հաջողությունները և հարաբերությունները գործատուների հետ սոցիալական գործընկերության շրջանակներում»,- նշում է Հայաստանի բուհերի արհեստակցական կազմակերպությունների ճյուղային հանրապետական միության նախագահ Գառնիկ Վաղարշակյանը:
Ըստ արհմիությունների չափորոշիչների` սոցիալական գործընկերության շրջանակներում առաջատար եռյակում են Երևանի պետական համալսարանը, Խ. Աբովյանի անվան պետական մանկավարժական համալսարանը, Հայաստանի պետական ճարտարագիտական համալսարանը:
Այս բուհերում ռեկտորատները և արհեստակցական կազմակերպությունները աշխատում են համագործակցված՝ պաշտպանելով սոցիալական գործընկերության ձևաչափում նախանշված տարրերը և գործառույթները: