ԵՊՀ-ում անցկացվեց «ԲանՈՒԳործ. ԵՊՀ էքսպո-2024» ցուցահանդեսը՝ նվիրված ԵՊՀ հիմնադրման 105-ամյակին Ցուցահանդեսը մեկ հարկի տակ համախմբեց դիմորդներին, ուսանողներին, շրջանավարտներին, համալսարանական ստորաբաժանումների ներկայացուցիչներին և գործատուներին։ «ԲանՈՒԳործ»-ի շրջանակում դիմորդները հնարավորություն ստացան ծանոթանալու մրցունակ կրթական ծրագրերին, ուսանողները` հանդիպելու իրենց ապագա գործատուներին, իսկ գործատուները՝ ներկայացնելու իրենց գործունեությունն ու ընձեռած աշխատանքային հնարավորությունները։
ԵՊՀ-ի և AMAA-ի միջև ստորագրվել է պայմանագիր՝ աջակցելու բռնի տեղահանված արցախցի ուսանողներին ԵՊՀ ռեկտոր Հովհաննես Հովհաննիսյանը և Ամերիկայի Հայ Ավետարանչական ընկերակցության (AMAA) Հայաստանի մասնաճյուղի տնօրեն Արեն Դեյիրմենջյանն այսօր ստորագրել են գումարի նվիրաբերության պայմանագիր, որի համաձայն՝ ընկերակցությունը բռնի տեղահանված արցախցի 100 ուսանողների ուսման վարձի մի մասը փոխհատուցելու նպատակով տրամադրում է 21.281.900 ՀՀ դրամ։
Գործակցության նոր հեռանկարներ Մադրիդի Կոմպլուտենսե համալսարանի հետ ԵՊՀ եվրոպական լեզուների և հաղորդակցության ֆակուլտետի թարգմանության տեսության և պրակտիկայի ամբիոնի դոցենտ, բ.գ.թ. Իշխան Դադյանը «Էրազմուս+» փոխանակման ծրագրի շրջանակում ութ ժամ դասախոսել է Մադրիդի Կոմպլուտենսե համալսարանում (Իսպանիա): Նրա հետ զրուցել ենք ձեռք բերված փորձառության և ապագա պլանների մասին:
ԻԻՀ մշակույթի և իսլամական կապերի կազմակերպության ղեկավարը հանդիպել է ԵՊՀ դասախոսների և ուսանողների հետ Պաշտոնական այցով Հայաստան է ժամանել Իրանի Իսլամական Հանրապետության մշակույթի և իսլամական կապերի կազմակերպության նախագահ Մոհամմադ-Մեհդի Իմանիփուրի գլխավորած պատվիրակությունը:
Աշխատանքի առաջարկ՝ ԵՊՀ-ում «BostonGene» ընկերության դասընթացներին մասնակից լավագույն ուսանողներին ԵՊՀ-ում բանախոսություն անցկացրեց «BostonGene» ամերիկյան կենսատեխնոլոգիական ընկերության լաբորատորիայի տնօրեն, Բժշկական գենետիկայի և գենոմիկայի ամերիկյան քոլեջի անդամ, բ.գ.թ. Հայկ Հովհաննիսյանը: Հանդիպման նպատակն էր ուսանողներին ներկայացնել մասնագիտական հնարավորություններն ու աշխատանքային ոլորտները:
ԵՊՀ դոցենտն ուսումնասիրել է վաղմիջնադարյան քանդակները և առաջ քաշել գիտական նոր տեսակետ ԵՊՀ պատմության ֆակուլտետի հայ արվեստի պատմության և տեսության ամբիոնի դոցենտ Զարուհի Հակոբյանի ուսումնասիրության տիրույթում են միջնադարյան քանդակներն ու մոնումենտալ գեղանկարչությունը, մասնավորապես վաղ և զարգացած միջնադարի ժամանակաշրջանի գործերը։ Նրա հետազոտությունները վերաբերում են ինչպես պատկերագրությանը, այնպես էլ հուշարձանների գեղարվեստական ոճին։
Մելինե Մանուշյանի կյանքը և ստեղծագործությունը. բանախոսություն ԵՊՀ-ում ԵՊՀ պատմության թանգարանում անցկացվեց ֆրանսահայ գործիչ Մելինե Մանուշյանի կյանքին և գործունեությանը նվիրված հանդիպում-զրույց, որի նպատակն էր վերարժևորել նրա անհատականությունն ու ԵՊՀ-ի հետ կապված նրա կենսագրական դրվագները։ Բանախոսությունը ներկայացրեց լրագրող, հետազոտող Արփինե Հարոյանը:
Հանդիպում «Քեն Կակոսյան ընտանիք» կրթաթոշակին արժանացած ԵՊՀ ուսանողների հետ ԵՊՀ գիտական խորհրդի նիստերի դահլիճի նախասրահում տեղի ունեցավ հանդիպում ԵՊՀ ուսանողների հետ, որոնք արժանացել են «Քեն Կակոսյան ընտանիք» կրթաթոշակին։ Հանդիպմանը ուսանողները ներկայացրին կրթաթոշակի շրջանակում իրենց իրականացրած գաղափարները և կատարած աշխատանքները՝ ուղղված մարզերի և համայնքների զարգացմանը:
ԵՊՀ-ն մասնակցեց «ICPC» ծրագրավորման միջազգային օլիմպիադայի եզրափակիչ փուլին՝ գրանցելով աննախադեպ արդյունք ԵՊՀ թիմը, մասնակցելով Եգիպտոսի Լուքսոր քաղաքում անցկացված «ICPC» ծրագրավորման համաշխարհային ուսանողական 46-րդ օլիմպիադայի եզրափակիչ փուլին, լուծել է առաջադրված 11 խնդիրներից 7-ը և գրանցել բացառիկ արդյունք՝ մասնակից 124 թիմերի շարքում զբաղեցնելով 21-րդ հորիզոնականը: Սա ԵՊՀ թիմերի գրանցած լավագույն արդյունքն է «ICPC» օլիմպիադայում։
Շվեդիայի Թագավորության արտակարգ և լիազոր դեսպանը դասախոսություն կարդաց ԵՊՀ-ում Հայաստանում Շվեդիայի Թագավորության արտակարգ և լիազոր դեսպան Պատրիկ Սվենսոնը համալսարանում անցկացրած դասախոսության շրջանակում ներկայացրեց Շվեդիայի և Հայաստանի դիվանագիտական հարաբերությունների պատմությունն ու համագործակցության ուղիները, ինչպես նաև Շվեդիայի արտաքին քաղաքական մոտեցումը աշխարհաքաղաքական ներկայիս իրավիճակում։