Программа бакалавриата
Հեռակա ուսուցում իրականացնող բուհերում ըստ մասնագիտությունների (կրթական ծրագրերի) ընդունելությունը կատարվում է ՀՀ ԿԳՄՍ նախարարի հրամանով՝ համաձայն տվյալ տարվա հրամանով հաստատված բակալավրի կրթական ծրագրով հեռակա ուսուցման ընդունելության տեղերի։
ՀՀ բուհեր հեռակա ուսուցմամբ ընդունվելու հնարավորություն ունեն առնվազն միջնակարգ, նախնական մասնագիտական կամ միջին մասնագիտական կրթություն ունեցող անձինք` առանց տարիքային սահմանափակման:
ՀՀ Կառավարության՝ 2017 թվականի նոյեմբերի 30-ի N 1521-Ն որոշման համաձայն՝ ծրագրի դիմորդները ընդունելության համար պետք է հանձնեն հետևյալ միասնական քննությունները՝
Մինչև դիմում-հայտ լրացնելը ԵՊՀ հեռակա ուսուցման դիմորդը այցելում է ԵՊՀ ընդունող հանձնաժողով սահմանված օրերին և ժամերին, ստանում է ԳԹԿ անձնական համար, ինչից հետո dimord.am կայքում գրանցվում և լրացնում է դիմում-հայտը:
ԳԹԿ անձնական համար ստանալու նպատակով դիմորդը ԵՊՀ պարտադիր ընդունող հանձնաժողով է ներկայացնում անձը հաստատող փաստաթուղթը և քննություններին մասնակցելու համար վճարված գումարի անդորրագիրը (քննություններ հանձնելու դեպքում): Քննությունների համար սահմանված գումարից ազատված դիմորդները ներկայացնում են համապատասխան հիմքերը (կանոնների 41, 42 և 43-րդ կետեր):
ԵՊՀ հեռակա ուսուցման ընդունելության քննության և մասնագիտությունների հայտագրման դիմում-հայտը դիմորդները dimord.am կայքէջի միջոցով ԳԹԿ են ուղարկում էլեկտրոնային (առցանց) եղանակով՝ ս.թ. սեպտեմբերի 5-ից մինչև սեպտեմբերի 25-ը ներառյալ, սեպտեմբերի 25-ին՝ մինչև ժամը 18։00-ն։
Դիմում-հայտը լրացնելիս դիմորդը կարող է նշել մեկ բուհի մինչև երեք մասնագիտություն, ընդ որում՝ առաջին հայտը գերակայություն ունի մյուս հայտերի նկատմամբ։ Մյուս հայտերի մրցույթին դիմորդը մասնակցում է միայն այդ մասնագիտություններում թափուր տեղերի առկայության դեպքում:
ԵՊՀ դիմորդները մասնագիտությունների լրացման հետ կապված խորհրդատվություն կարող են ստանալ հեռախոսազանգի միջոցով սահմանված օրերին և ժամերին (հեռ.՝ (+374 60) 710 777):
Հեռակա ուսուցման ընդունելության քննություններին մասնակցող դիմորդները պետք է յուրաքանչյուր քննության համար սահմանված 1500 ՀՀ դրամը փոխանցեն միայն ԳԹԿ հաշվեհամարին` նշելով ստորև ներկայացված տվյալները.
| Ստացող | «Գնահատման և թեստավորման կենտրոն» ՊՈԱԿ |
| Հաշվեհամար | 900018003401 |
| Նպատակ | Ընդունելության քննության վճար ՊԱՐՏԱԴԻՐ ՆՇԵԼ ՆԱԵՎ դիմորդի անուն-ազգանունը և հայրանունը |
ՈՒՇԱԴՐՈՒԹՅՈՒՆ
Վերոնշյալ տվյալների բացակայության դեպքում (հատկապես՝ դիմորդի անուն-ազգանունը, հայրանունը) վճարման կտրոնը կհամարվի անվավեր:
Հեռակա ուսուցման ընդունելության միասնական քննությունները ԳԹԿ-ն կանցկացնի ս.թ. հոկտեմբերի 20-ից մինչև հոկտեմբերի 27-ն ընկած ժամանակահատվածում:
Քննության օրվա, ժամի և վայրի մասին տեղեկություններ կուղարկվեն դիմորդների էլեկտրոնային հասցեներին: Այն պետք է տպել, և անձը հաստատող փաստաթղթով քննության օրը մոտենալ համապատասխան քննական կենտրոն:
Դիմորդը պետք է ուշադիր և հետևողական լինի դիմում-հայտում նշած իր էլեկտրոնային հասցեին։
Դիմում-հայտը լրացնելուց սկսած մինչև ընդունելության ցուցակների հրապարակումը, ցանկացած տեղեկություն դիմորդին տրամադրվելու է էլեկտրոնային փոստով, ինչը համարվում է պաշտոնական իրազեկում։
1. ավարտական փաստաթուղթ (ատեստատ կամ դիպլոմ` միջուկի հետ),
2. 1 լուսանկար (3x4 չափսի),
3. անձը հաստատող փաստաթուղթ,
4. հեռակա ուսուցման ընդունելության կանոնների 41-րդ, 42-րդ և 43-րդ կետերից օգտվող դիմորդները՝ համապատասխան փաստաթղթերի բնօրինակները,
5. միասնական քննության դրական գնահատականը հավաստող փաստաթուղթ (ԳԹԿ վկայագիր):
