Финансы, денежное обращение и кредит

ԵՊՀ մագիստրատուրայի 2024/2025 ուսումնական տարվա առկա և հեռակա ուսուցման ձևերով ընդունելությանը մասնակցելու հնարավորություն ունեն ՀՀ պետական և ըստ մասնագիտությունների հավատարմագրված (ինստիտուցիոնալ հավատարմագրում անցած) ոչ պետական այլ բուհերի բակալավրի, մագիստրոսի կամ դիպլոմավորված մասնագետի որակավորում ունեցող շրջանավարտները:

ԵՊՀ մագիստրատուրայի 2024/2025 ուսումնական տարվա առկա և հեռակա ուսուցման ձևերով ընդունելությունը կատարվելու է՝ համաձայն «ԵՊՀ մագիստրատուրայի (առկա և հեռակա ուսուցման ձևերով) ընդունելության կարգ»-ի պահանջների:

ԵՊՀ մագիստրատուրայի ընդունելությունը կատարվում է առցանց եղանակով՝ admission.ysu.am կայքէջի միջոցով (տե՛ս «Դիմում-հայտի լրացման կարգ» բաժինը):

Մագիստրատուրայի ընդունելության 1-ին փուլի փաստաթղթերն ընդունվում են ընթացիկ տարվա հունիսի 1-ից հունիսի 28-ը՝ մինչև ժամը 18:00-ն: 

Ընդունելության 1-ին փուլի քննություններն անցկացվելու են ս.թ․ հուլիսի 2-ին:

Վճարովի համակարգ ընդունված դիմորդների ուսման վարձը (2024/2025 ուսումնական տարվա յուրաքանչյուր կրթական ծրագրի համար նախատեսված 1-ին կիսամյակի ուսվարձի առնվազն 25%-ը) անհրաժեշտ է վճարել մինչև ս․թ․ հուլիսի 18-ը ներառյալ։

Ընդունելության 1-ին փուլում անվճար համակարգով ընդունված դիմորդների ցանկը կտեղադրվի ԵՊՀ կայքէջում։

Մագիստրատուրայի ընդունելության 2-րդ փուլի փաստաթղթերն ընդունվում են ընթացիկ տարվա հուլիսի 8-ից մինչև օգոստոսի 16-ը՝ ժամը 18:00-ն:

Ընդունելության 2-րդ փուլի քննություններն անցկացվելու են ս․թ․ օգոստոսի 22-ին և 23-ին:

Վճարովի համակարգ ընդունված դիմորդների ուսման վարձը (2024/2025 ուսումնական տարվա յուրաքանչյուր կրթական ծրագրի համար նախատեսված 1-ին կիսամյակի ուսվարձի առնվազն 25%-ը) անհրաժեշտ է վճարել մինչև ս.թ. օգոստոսի 30-ը ներառյալ:

Մագիստրատուրայի ընդունելության համար դիմորդները պետք է մուտքագրեն հետևյալ փաստաթղթերը (սքանավորված)․

ա. բարձրագույն կրթության դիպլոմը և դիպլոմի միջուկը* (միջուկի 1-ին էջը և գնահատականների միայն հայերեն հատվածը),
բ. լուսանկար (3X4 չափսի),
գ. զինվորական գրքույկի (առկայության դեպքում) բնօրինակը (անհրաժեշտ է ներբեռնել 1-4-րդ և 18-19-րդ էջերը),
դ. անձնագիրը (1-4-րդ էջերը) կամ նույնականացման քարտը (երկկողմանի),
ե. ընդունելության ծառայությունների համար գանձվող 5000 ՀՀ դրամի վճարման անդորրագիրը (ԵՊՀ «Արդշինբանկ» ՓԲԸ-ի 2470101276000001 հաշվեհամարին)։

Եթե փոխանցումը կատարված է առցանց տարբերակով, և անդորրագրի վրա չեն երևում վճարման նպատակը և դիմորդի անուն-ազգանունը, ապա անհրաժեշտ է դրանք ձեռագիր ավելացնել և սքանավորել։

*2024 թ. ԵՊՀ շրջանավարտները (դեռևս դիպլոմ չստացած) պետք է ներկայացնեն ակադեմիական տեղեկագիր՝ կնքված և ստորագրված ֆակուլտետի դեկանի կողմից, իսկ ՀՀ այլ բուհերի՝ 2024 թ. շրջանավարտները (դեռևս դիպլոմ չստացած)՝ տվյալ բուհի ռեկտորի ստորագրությամբ տեղեկանք բակալավրիատի շրջանավարտ լինելու մասին և ակադեմիական տեղեկագիր՝ կնքված ու ստորագրված:

*Դիմորդի կողմից ներկայացված դիպլոմի իսկությունը պարզելու նպատակով հանձնաժողովն իրավասու է ըստ անհրաժեշտության դիմորդից պահանջելու «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք՝ դիպլոմի իսկության մասին:

Արտասահմանյան բուհի դիպլոմ ներկայացնելու դեպքում դիմորդը դիպլոմի հետ պետք է ներկայացնի նաև «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք՝ դիպլոմի համարժեքության մասին:

1. Անվանական և իրական ՀՆԱ: Գների ինդեքսները, դրանց տեսակները
2. Առաջարկ և պահանջարկ․ առաջարկի և պահանջարկի ոչ գնային գործոնները, առաձգականությունը
3. Խնայողությունների, ներդրումների և ընթացիկ հաշվի ֆորմալ վերլուծությունը: Ընթացիկ հաշիվը և միջազգային առևտուրը: Առևտրային հաշվեկշիռ
4. Փողի տեսակները և ֆունկցիաները: Փողի առաջարկը: Փողի բազա և զանգված
5. Ինֆլյացիա. էությունը, տեսակները, հետևանքները
6. Ֆինանսական համակարգ և ֆինանսական միջնորդներ
7. Արժեթղթերի շուկայի էությունը, տեսակները և ֆունկցիաները
8. Արժեթղթերի շուկայի անհատական և ինստիտուցիոնալ մասնակիցները
9. Ֆոնդային բորսա. խնդիրները, մասնակիցները և գործունեության մեխանիզմը
10. Արժույթի շուկա. ֆունկցիաները և գործարքները շուկայում
11. Փոխարժեքի ձևավորման վրա ազդող հիմնական գործոնները
12. Արժեթղթի հասկացությունը, տեսակները և տիպերը
13. Արժեթղթերի արժեքի և եկամտաբերության գնահատումը
14. Բաժնետոմսի և պարտատոմսի արժեքի գնահատման հիմնական մոտեցումները
15. Ապահովագրական համակարգ. էությունը, դերը տնտեսական համակարգում
16. Ներդրումային և կենսաթոշակային ֆոնդեր. գործունեության մեխանիզմները
17. Հարկաբյուջետային քաղաքականություն․ գործիքները
18. ՀՀ հարկման համակարգերը և հարկերի տեսակները, դրույքաչափեր
19. Ֆինանսական հաշվարկների իրականացում, տոկոսադրույքներ, զեղչադրույքներ
20. Անվերջ և ժամկետային անուիտետներ․ անուիտետի աճած և բերված արժեքներ
21. Անվանական և իրական տոկոսադրույքներ, Ֆիշերի բանաձև
22. Ֆինանսական վերլուծության նպատակը և հիմնական տեսակները
23. Ֆինանսական վերլուծություն․ կարճաժամկետ իրացվելիության և ակտիվների կառավարման գործակիցներ
24. Ֆինանսական վերլուծություն․ պարտքի կառավարման (կապիտալի) և շահութաբերության գործակիցներ
25. Կապիտալ բյուջետավորման էությունը և մեթոդները
26. Ռիսկի գնահատման հավանական պարամետրերը և պորտֆելային ռիսկի հաշվարկ
27. Ֆինանսական հաշվետվությունների էությունը և ձևերը
28. Հիմնական ֆինանսական հաշվետվությունների կառուցվածքը
29. Աուդիտի էությունը և հիմնարար սկզբունքները
30. Բանկային համակարգ. կառուցվածքը, ֆունկցիաները, գործունեության և կարգավորման առանձնահատկությունները
31. Դրամավարկային քաղաքականություն, նպատակները, գործիքները և փոխանցումային մեխանիզմը
32. Դրամավարկային և հարկաբյուջետային քաղաքականությունների համադրումը
33. ՀՀ մաքսային համակարգը․ մաքսատուրքեր և մաքսավճարներ

Գրականության ցանկ

1. Մենքյու Գ., Մակրոտնտեսագիտություն, Երևան, 1997։
2. Մնացականյան Հ., Սահակյան Գ., Ֆինանսների կառավարման հիմունքներ, Երևան, 2016։
3. Սարգսյան Ա. Զ. և ուրիշներ, Հաշվապահական հաշվառում, ուս. ձեռն., Երևան, «Տնտեսագետ», 2007։
4. Ասատրյան Բ. և ուրիշներ, «Բանկային գործ», ուս. ձեռն., Երևան, 2004։
5. Թորոսյան Թ., Միջազգային տնտեսագիտություն. առևտուր և ֆինանսներ, Երևան, 2005։
6. Макконел К. П., Брю С. Л., Макроэкономика (ցանկացած հրատ․)․
7. Сакс Дж., Ларрен Ф., Макроэкономика: глобальный подход, Москва, 1996.
8. Тарасевич Л. С., Гребенников П. И., Леусский А. И., Макроэкономика (ցանկացած հրատ․)․
9. Халл Вариан, Микроэкономика. Промежуточный уровень. Современный подход․
10. Ломакин В. К., Мировая экономика, М., 2007.
11. Роуз П., Банковский менеджмент., М., ''Дело'', 1997.
12. Стояновой Е. С., Финансовый менеджмент (теория и практика) под ред., М., 2003.
13. Брейли Ф., Майерс С., Принципы корпоративных финансов, М., ''Олимп Бизнес'' (ցանկացած հրատ.).
14. Мескон М. Х. и др., Основы менеджмента. Пер. с англ., М., “Дело”, 1994.
15. Котлер Ф., Управление маркетингом, М., 1989.
16. Девид Дж. Речмен, Майкл Х. Мексон и др., Современный бизнес в 2-х томах. Изд. ''Республика", М., 1995.
17. Экономика предприятия. Под ред. Волкова, М., 2003.
18. Стиглиц Дж., Экономика государственного сектора. М., 1997.