Маркетинг

ԵՊՀ մագիստրատուրայի 2026/2027 ուսումնական տարվա առկա և հեռակա ուսուցման ձևերով ընդունելությանը հնարավորություն ունեն դիմելու ՀՀ պետական և ըստ մասնագիտությունների հավատարմագրված/ինստիտուցիոնալ հավատարմագրում անցած ոչ պետական այլ բուհերի՝ բակալավրի, մագիստրոսի կամ դիպլոմավորված մասնագետի որակավորում ունեցող շրջանավարտները:

ԵՊՀ մագիստրատուրայի 2026/2027 ուսումնական տարվա առկա և հեռակա ուսուցման ձևերով ընդունելությունը կատարվելու է համաձայն «ԵՊՀ մագիստրատուրայի (առկա և հեռակա ուսուցման ձևերով) ընդունելության կարգ»-ի պահանջների:

ԵՊՀ մագիստրատուրայի ընդունելությունը կատարվում է առցանց եղանակով՝ admission.ysu.am կայքէջի միջոցով («Դիմում-հայտի լրացում» բաժին):

Մագիստրատուրայի ընդունելության համար դիմորդները պետք է մուտքագրեն հետևյալ փաստաթղթերը (սքանավորված).

ա. բարձրագույն կրթության դիպլոմը և դիպլոմի միջուկը* (միջուկի 1-ին էջը և գնահատականների միայն հայերեն հատվածը),
բ. լուսանկար (3X4 չափսի),
գ. զինվորական գրքույկի (առկայության դեպքում) բնօրինակը (անհրաժեշտ է ներբեռնել 1-4-րդ և 18-19-րդ էջերը),
դ. անձնագիրը (1-4-րդ էջերը) կամ նույնականացման քարտը (երկկողմանի),
ե. ընդունելության ծառայությունների համար գանձվող 5000 ՀՀ դրամի վճարման անդորրագիրը (ԵՊՀ «Արդշինբանկ» ՓԲԸ 2470101276000001 հաշվեհամարին)։

*2026 թ. ՀՀ այլ բուհերի շրջանավարտները (դեռևս դիպլոմ չստացած) պետք է ներկայացնեն բակալավրիատի շրջանավարտ լինելու մասին տեղեկանք և ակադեմիական տեղեկագիր՝ կնքված և ստորագրված տվյալ բուհի ռեկտորի կողմից:

* Հանձնաժողովն իրավասու է դիմորդից պահանջելու «Ակադեմիական փոխճանաչման և շարժունության ազգային տեղեկատվական կենտրոնից» տրամադրվող խորհրդատվական տեղեկանք:

* Արտասահմանյան բուհի դիպլոմ ներկայացնելու դեպքում դիմորդը դիպլոմի հետ պետք է ներկայացնի նաև «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք՝ դիպլոմի համարժեքության մասին:

Մագիստրատուրայի ընդունելության 1-ին փուլի փաստաթղթերն ընդունվում են ընթացիկ տարվա հունիսի 1-26-ը՝ մինչև ժամը 18:00-ն: 

Ընդունելության 1-ին փուլի քննություններն անցկացվելու են ս.թ. հուլիսի 1-ին:

Վճարովի համակարգ ընդունված դիմորդների ուսման վարձը (2026/2027 ուսումնական տարվա յուրաքանչյուր կրթական ծրագրի համար նախատեսված 1-ին կիսամյակի ուսվարձի առնվազն 25%-ը) անհրաժեշտ է վճարել մինչև ս.թ. հուլիսի 17-ը ներառյալ (վճարումն անհրաժեշտ է կատարել բացառապես բանկային փոխանցման միջոցով: Ուսման վարձավճարի վճարման անդորրագրի վավերապայմաններին հնարավոր է ծանոթանալ՝ անցնելով հղումով): 

Մագիստրատուրայի ընդունելության 2-րդ փուլի փաստաթղթերն ընդունվում են ընթացիկ տարվա հուլիսի 6-ից մինչև օգոստոսի 17-ը՝ ժամը 18:00-ն:

Ընդունելության 2-րդ փուլի քննություններն անցկացվելու են ս.թ. օգոստոսի 25-ին:

Վճարովի համակարգ ընդունված դիմորդների ուսման վարձը (2026/2027 ուսումնական տարվա յուրաքանչյուր կրթական ծրագրի համար նախատեսված 1-ին կիսամյակի ուսվարձի առնվազն 25%-ը) անհրաժեշտ է վճարել մինչև ս.թ. օգոստոսի 29 ներառյալ (հաշվեհամար՝ 2470100009060000):

ԵՊՀ հիմնադրամի 2025-2026 ուսումնական տարվա բակալավրիատի և մագիստրատուրայի ուսման վարձի չափն ըստ մասնագիտությունների հաստատելու մասին. որոշում N8/2

Ընդունելության քննությունը` գրավոր:

1. Առաջարկ և պահանջարկ. առաջարկի և պահանջարկի ոչ գնային գործոնները, առաձգականություն
2. Փողի տեսակները և գործառույթները․ փոխարժեքի և գների մակարդակի ընդհանուր հավասարակշռու­թյունը
3. Բանկային համակարգ. կառուցվածքը, գործառույթները, գործունեության և կարգավորման առանձնահատկությունները
4. Ձեռնարկատիրական գործունեության էությունը, գործառույթները և խնդիրները
5. Ձեռնարկատիրական գործունեության պլանավորումը և կազմակերպումը. բիզնես պլան
6. Ձեռնարկատիրական գործունեության ռազմավարական կառավարման տրամաբանու­թյունը և փուլերը
7. Հարկերի էությունը և տեսակները
8. Կազմակերպության աշխատանքային, ֆինանսական և նյութական ռեսուրսների կառավարում
9. Կազմակերպության եկամուտները և ծախսերը․ արտադրանքի ինքնարժեքը
10. Կազմակերպության շահույթը, շահութաբերության ցուցանիշները
11. Ռիսկերի էությունը, գնահատումը և նվազեցման եղանակները
12. Մենեջմենթի դասական և ժամանակակից ուղղությունները
13. Կառավարման էությունը և գործառույթները
14. Կազմակերպությունների ներքին և արտաքին միջավայրի վերլուծություն
15. Շուկայի ուսումնասիրություն և SWOT վերլուծություն
16. Մ. Պորտերի մրցակցային ուժերը և ռազմավարությունները
17. Կառավարչական որոշումների ընդունման գործընթացը և փուլերը
18. Առաջնորդությունը և իշխանության դրսևորման ձևերը կազմակերպությունում
19. Հաղորդակցության ուղիները և դրանց արդյունավետության բարձրացման եղանակները
20. Թիմեր, թիմերի տեսակներ, թիմերի արդյունավետության բարձրացման եղանակները
21. Մոտիվացիայի տեսությունները
22. Շուկայի սեգմենտավորումը, սկզբունքները և չափանիշները
23. Շուկայագիտության գործունեության ոլորտները․ մարքեթինգային ռազմավարություններ
24. Մարքեթինգային տեղեկատվության վերլուծության համակարգը
25. Իրացման խթանման միջոցառումները․ գնային քաղաքականություն․ գովազդ
26. Հոգեբանության ուսումնասիրման օբյեկտը և առարկան, հոգեբանության խնդիրների շրջանակը
27. Հոգեբանության հիմնական բնագավառները՝ հիմնարար և կիրառական․ հոգեբանության բնագավառների զարգացումը և ձևավորումը
28. Հոգեբանության զարգացման պատմական պարբերացում
29. Հոգեբանության մեթոդաբանությունը և հոգեբանական ուսումնասիրման հիմնական մեթոդները
30. Փորձարարական հոգեբանության հիմնախնդիրները․ գիտափորձը հոգեբանական հետազոտություններում
31. Հոգեկանի կառուցվածքը (հոգեկան գործընթացներ, հոգեկան վիճակներ, հոգեկան հատկություններ)
32. Անձի տեսություններ

33. Սոցիալական դերերի տեսությունը

     

ԳՐԱԿԱՆՈՒԹՅՈՒՆ

1. Ավանեսյան Հ. Մ., Հովհաննիսյան Ս. Վ., Հովհաննիսյան Հ. Ռ., Ասրիյան Է. Վ., Հոգեբանություն (դեմքեր, փաստեր): Ուսումնամեթոդական ձեռնարկ, ԵՊՀ հրատ., Երևան, 2010 թ․:
2. Արզումանյան Ս. Ջ. և հ/հ., Կիրառական հոգեբանության պրակտիկում, Երևան, 2002 թ․:
3. Խաչատրյան Ն., Սահակյան Ն., Ձեռնարկատիրության հիմունքներ․ ուսումնական ձեռնարկ, Երևան, 2018 թ․:
4. Մենքյու Գ., Մակրոտնտեսագիտություն, Երևան, 1997 թ.։
5. Նալչաջյան Ա., Հոգեբանության հիմունքներ, Երևան, 1998 թ․:
6. Макконел К. П., Брю С. Л., Макроэкономика, 21-е издание, 2021.
7. Экономика предприятия. Под ред. Гришина В. И., Силина Я. П., М., 2019.
8. Daft L. Richard, Management, Tenth edition, 2015․
9. Kotler F., Keller K., Marketing Management, 15th edition, 2014.
10. Kotler F., Arstrong G., Principles of Marketing, 13th edition, 2020.