Сентября 10, 2026 | 15:00
Образование
Международное сотрудничество
Студенческий
Одна цифровая карта: от ЕГУ до более чем 130 стран мира. Студенты первого курса получили карты ISIC
Начиная с этого года, студенты первого курса ЕГУ получат ещё один цифровой инструмент в своей студенческой жизни: им будут выданы цифровые студенческие удостоверения ISIC (International Student Identity Card). Они предоставляют возможность воспользоваться некоторыми услугами, доступными в ЕГУ, а также за его пределами - для подтверждения студенческого статуса на международном уровне и получения доступа к студенческим предложениям и привилегиям, действующим в разных странах мира.
Ի՞նչ է ISIC-ը
ISIC-ը ստեղծվել է 1953 թվականին, իսկ 1968 թվականից պաշտոնապես հավանության է արժանացել ՅՈՒՆԵՍԿՕ-ի կողմից։ Այն միջազգայնորեն ընդունված քարտ է, որը հաստատում է ուսանողի կարգավիճակը աշխարհի ավելի քան 130 երկրներում։
ISIC քարտապանները միանում են միջազգային համակարգին և ստանում հասանելիություն ուսանողական հազարավոր առաջարկների ու ծառայությունների ինչպես իրենց երկրում, այնպես էլ արտերկրում։
Ի՞նչ հնարավորությունների մասին է խոսքը
ISIC միջազգային համակարգի առաջարկները ներառում են ուսանողական կյանքի բազմաթիվ ուղղություններ՝
ճանապարհորդություն և տրանսպորտ՝ ավիատոմսեր, ավտոբուսային և տրանսպորտային այլ ծառայություններ, ճամփորդական առաջարկներ,
կացություն՝ հյուրանոցներ և ուսանողական կացարաններ,
կրթություն և մասնագիտական զարգացում՝ կրթական ծառայություններ, լեզուների ուսուցում, քննությունների և մասնագիտական ծրագրերի հետ կապված առաջարկներ,
մշակույթ և ժամանց՝ թանգարաններ, ցուցահանդեսներ, տեսարժան վայրեր, միջոցառումներ և ժամանցային ծառայություններ,
տեխնոլոգիաներ և գնումներ՝ տեխնիկա, թվային ծառայություններ, առցանց խանութներ և այլ ապրանքներ,
սնունդ, սպորտ և առօրյա ծառայություններ, ուսանողների համար նախատեսված հատուկ պայմաններ ու զեղչեր։
ISIC-ի միջազգային գործընկերների և առաջարկների ցանցում ներկայացված են, օրինակ, «FlixBus»-ը, «Samsung»-ը, «Booking.com»-ը, «Emirates»-ը, «British Council»-ը, «McDonald’s»-ը, «Intrepid»-ը և մի շարք այլ հայտնի կազմակերպություններ ու բրենդներ։
Կոնկրետ առաջարկները, զեղչերի չափերը և դրանց կիրառման պայմանները կարող են տարբեր լինել՝ ըստ երկրի և ժամանակահատվածի։ Այդ պատճառով տվյալ պահին հասանելի հնարավորություններն առավել նպատակահարմար է ստուգել հենց ISIC բջջային հավելվածի միջոցով։
Բոլոր առաջարկները՝ հեռախոսում
ԵՊՀ առաջինկուրսեցիներին տրամադրված ISIC քարտերը թվային են և հասանելի են ISIC բջջային հավելվածում։
Հավելվածը հնարավորություն է տալիս հեռախոսում ունենալու թվային ուսանողական քարտը և որոնելու տարբեր երկրներում հասանելի ուսանողական առաջարկները։ Ուսանողները կարող են քարտեզի միջոցով գտնել մոտակայքում գործող առաջարկները, դիտել դրանք՝ ըստ կատեգորիաների, պահպանել նախընտրած տարբերակները, օգտվել հատուկ վաուչերներից և տեղեկանալ նոր կամ սահմանափակ ժամկետով առաջարկների մասին։
Թվային քարտի միջոցով հնարավոր է հաստատել ուսանողի կարգավիճակը նաև առանց ինտերնետային կապի։
Այս հնարավորությունը հատկապես օգտակար է միջազգային շարժունության ծրագրերի, ուսանողական փոխանակումների, պրակտիկաների, գիտաժողովների կամ պարզապես արտերկիր ճանապարհորդելու ընթացքում, երբ անհրաժեշտ է արագ հաստատել ուսանողի կարգավիճակը և օգտվել տվյալ երկրում գործող ուսանողական պայմաններից ու առաջարկներից։
Իսկ ի՞նչ է տալիս քարտը հենց ԵՊՀ-ում
ISIC-ը միաժամանակ դառնում է նաև համալսարանական թվային գործիք։
Քարտերը ներառում են ուսանողի նույնականացման համար անհրաժեշտ տվյալներն ու անհատական կոդը։ Դրա միջոցով ԵՊՀ առաջինկուրսեցիներն արդեն կարող են օգտվել Սարգիս և Մարի Իզմիրլյանների անվան գրադարանի ծառայություններից։
Նախատեսվում է աստիճանաբար ընդլայնել քարտի կիրառությունը՝ այն ինտեգրելով ԵՊՀ այլ թվային համակարգերին ու ծառայություններին։
ԵՊՀ ուսանողական քարտը՝ ավելի լայն հնարավորություններով
ISIC-ի ներդրմամբ առաջինկուրսեցու թվային քարտը միայն համալսարանում ուսանողին նույնականացնելու միջոց չէ։
Մի կողմից՝ այն ԵՊՀ ներքին ծառայություններից օգտվելու գործիք է, մյուս կողմից՝ միջազգային ուսանողական նույնականացման քարտ, որը հնարավորություն է տալիս հաստատելու ուսանողի կարգավիճակը նաև համալսարանից դուրս՝ Հայաստանում և աշխարհի տարբեր երկրներում։
Քարտն ակտիվացնելու համար առաջինկուրսեցիները ստանում են անհրաժեշտ տեղեկություններն ու անհատական տվյալները, որոնց միջոցով կարող են գրանցվել ISIC բջջային հավելվածում։
Հավելվածում հասանելի առաջարկները շարունակաբար թարմացվում և համալրվում են, իսկ ուսանողները կարող են ցանկացած պահի ստուգել տվյալ պահին և տվյալ վայրում իրենց համար հասանելի հնարավորությունները։
Մեկ թվային քարտ՝ համալսարանական ծառայություններից օգտվելու, միջազգային ուսանողական կարգավիճակը հաստատելու և աշխարհի տարբեր երկրներում ուսանողական հնարավորություններից օգտվելու համար։
