Октября 06, 2026 | 12:15
Наука
Образование
Общество
Университет вновь объединил юных геологов: стартовал второй этап программы «Школа юного геолога»
В рамках сотрудничества между факультетом географии и геологии Ереванского государственного университета и Капанским горно-обогатительным комбинатом стартовал второй этап курсов Школы юного геолога. В течение последующих 11 недель 63 школьника из разных регионов Республики Армения получат возможность углубить свои знания в области геологии, приобрести практические навыки, познакомиться с различными областями профессии, принять участие в экспедициях, а также в ознакомительной и экспериментальной работе.
Ծրագրի երկրորդ փուլին մասնակցելու ցանկություն նախապես հայտնել էր 76 աշակերտ։ Նրանց հետ անցկացվել է առցանց ծանոթություն-հարցազրույց, որի ընթացքում աշակերտները տեղեկացել են դասընթացի բովանդակությանը, ձևաչափին և առաջիկա աշխատանքներին։
Ծրագրի առանձնահատկությունն այն է, որ ուսուցումը կազմակերպվում է միաժամանակ տարբեր վայրերից՝ դասընթացներին մասնակցելու հնարավորություն տալով Հայաստանի տարբեր մարզերի աշակերտներին։
Երևանից և հարակից մարզերից գրանցված աշակերտները դասընթացներին մասնակցում են ԵՊՀ աշխարհագրության և երկրաբանության ֆակուլտետի «GEO LAB» կենտրոնում։ Սյունիքի մարզի մասնակիցները դասընթացին առցանց միանում են Կապանի լեռնահարստացման կոմբինատի ուսումնական կենտրոնից, իսկ Լոռու մարզի աշակերտները՝ Շնողի Հ. Մելիքսեթյանի անվան միջնակարգ դպրոցից։
Դասընթացի առաջին օրը մասնակիցները նախ ծանոթացել են ծրագրի նպատակներին, կառուցվածքին և դասընթացի կազմակերպման առանձնահատկություններին։ Այնուհետև ԵՊՀ ռեգիոնալ երկրաբանության և օգտակար հանածոների հետախուզման ամբիոնի դոցենտ Շահեն Խաչատրյանը ներկայացրել է ««Երկրաբանություն» մասնագիտության առանձնահատկությունները, երկրաբանների դերն աշխարհում․ կարիերա, մոտիվացիա» թեմայով դասախոսություն։
Առաջին դասընթացին տարբեր հարթակներից մասնակցել է ընդհանուր առմամբ 63 աշակերտ․ ԵՊՀ «GEO LAB» կենտրոնում՝ 22, Կապանում՝ 14, իսկ Շնողում՝ 27 աշակերտ։
Պատանի երկրաբանի դպրոցը մասնագիտական կողմնորոշման և գիտաճանաչողական կրթության հարթակ է, որի հիմնական նպատակն է 9-12-րդ դասարանների աշակերտների շրջանում խորացնել երկրաբանության վերաբերյալ գիտելիքները՝ համադրելով տեսական ուսուցումն ու գործնական աշխատանքը։
Դպրոցը միտված է ձևավորելու հետաքրքիր, գիտաճանաչողական և փորձառական կրթական միջավայր, որտեղ աշակերտները հնարավորություն կունենան ճանաչելու շրջակա միջավայրը, բացահայտելու բնության օրենքները, զարգացնելու հետազոտական մտածողությունը և ձեռք բերելու նոր գիտելիքներ երկրագիտության ու հարակից ոլորտների վերաբերյալ։
Ծրագրի կարևոր ուղղություններից է նաև աշակերտների մասնագիտական կողմնորոշումը։ Դասընթացների միջոցով մասնակիցները հնարավորություն են ստանում ավելի լավ պատկերացնելու երկրաբանի մասնագիտությունը, դրա կիրառական նշանակությունը, մասնագիտական գործունեության հնարավորությունները և հետագա կրթական ու մասնագիտական ուղիները։
Նշենք նաև, որ ծրագրի ավարտին մասնակիցներին կտրամադրվեն մասնակցության վկայականներ։
Պատանի երկրաբանի դպրոցի երկրորդ փուլի իրականացումը ևս մեկ կարևոր քայլ է ԵՊՀ-ի և գործարար համայնքի համագործակցության զարգացման, դպրոցականների մասնագիտական կողմնորոշման և երիտասարդների շրջանում երկրաբանության նկատմամբ հետաքրքրության խթանման ուղղությամբ։
