Цель – способствовать повышению эффективности образовательного процесса

В рамках гранта, предоставленного Комитетом высшего образования и науки МНОКС РА, профессор Орегонского университета науки и здоровья, д. м. н. Алина Малоян прочитала лекцию на тему «Основные источники развития здоровья и болезней» на биологическом факультете ЕГУ. По окончании лекции профессор вручила сертификаты на получение именной стипендии «Малоян-Хачатрян» двум студентам ЕГУ.

Ալինա Մալոյանի դասախոսությունը վերաբերում էր հղիության ժամանակ ճարպակալման հետևանքով առաջացող վտանգներին և դրա հետևանքներին։ Դասախոսությունը միտված էր թեմայի վերաբերյալ ուսանողների ունեցած գիտելիքների խորացմանը։

«Ոչ առողջ հղիությունից ծնված երեխան գտնվում է մետաբոլիկ, սրտանոթային և այլ հիվանդություններ ձեռք բերելու բարձր ռիսկի գոտում»,- բացատրեց Ա․ Մալոյանը։ Նա նշեց, որ նմանօրինակ հղիությունների հետևանքով երեխայի մոտ առաջացած հիվանդությունները տեսանելի են դառնում միայն հասուն տարիքում։

Դասախոսության ավարտին ամփոփվեցին 2023 թվականի հունիսի 1-ին հայտարարված «Մալոյան-Խաչատրյան» անվանական կրթաթոշակի մրցույթի արդյունքները։ Կրթաթոշակին դիմած ԵՊՀ կենսաբանության ֆակուլտետի և ֆիզիկայի ինստիտուտի 20 ուսանողներից ընտրվել էին երկուսը։ Ընտրությունը կատարվել է ուսանողների մոտիվացիոն նամակների, ինքնակենսագրականների և միջին որակական գնահատականի հիման վրա։

Ալինա Մալոյանը նշեց, որ ծրագրի միջոցով նպատակ ունեն բարձրացնելու ուսանողների հետաքրքրվածությունը գիտության հանդեպ։

«Տրամադրված կրթաթոշակը կարող է մոտիվացնել ուսանողներին՝ գիտության բնագավառում ունեցած իրենց հմտություններն ու իմացությունները խորացնելու գործում։ Կրթաթոշակի միջոցով փորձում ենք ուսանողներին վստահեցնել, որ գիտությունը կարող է նպաստել և՛ հոգևոր, և՛ նյութական ապահովվածությանը»,- ասաց նա։

ԵՊՀ կենսաբանության ֆակուլտետի հիմնարար և ախտաբանական կենսաքիմիայի լաբորատորիայի վարիչ, կ․գ․թ․ Նիկոլայ Ավթանդիլյանը մեզ հետ զրույցում նշեց, որ կրթաթոշակն առաջին անգամ է տրամադրվում, սակայն Ա․ Մալոյանի հետ պայմանավորվածություն է ձեռք բերվել այն շարունակական դարձնելու, ինչպես նաև շահառուների թիվն ավելացնելու։

Ֆիզիկայի ինստիտուտի ուսանող Վռամ Մարտիրոսյանը կրթաթոշակին դիմելու հնարավորության մասին իմացել է համալսարանական էլհասցեով ստացած հայտարարության միջոցով։ Նա վստահեցրեց, որ ստացած կրթաթոշակն ուղղելու է անգլերենի բնագավառում ունեցած գիտելիքները խորացնելուն։

Կենսաբանության ֆակուլտետից կրթաթոշակի արժանացավ Արփինե Գրիգորյանը։

Ուսանողները շնորհակալություն հայտնեցին նախաձեռնության հեղինակներին՝ վստահեցնելով, որ նմանօրինակ ծրագրերը նպաստում են ուսումնառության արդյունավետության բարձրացմանը։