Обновление и переоснащение лабораторий ЕГУ – стимул для развития научно-образовательной жизни

ЕГУ предпринимает действенные шаги по обновлению, оснащению и переоборудованию лабораторий в целях постоянного совершенствования сферы образования и науки, создания благоприятной и инновационной среды для исследований.

Հիմնովին վերանորոգվել են ԵՊՀ ֆիզիկայի գիտահետազոտական ինստիտուտի կիսահաղորդչային սարքերի և նանոտեխնոլոգիաների կենտրոնի հինգ լաբորատորիաներ: Կենտրոնի ևս չորս լաբորատորիաներ վերանորոգվել են 2021-2022 թթ․:

Կիսահաղորդչային սարքերի և նանոտեխնոլոգիաների կենտրոնի՝ 2023 թ․ կարևոր ձեռքբերումներից էր ԵՊՀ ֆինանսավորմամբ կառուցված մոդուլյար ISO-7 դասի «մաքուր սենյակը»: Պանելային «մաքուր սենյակների» առկայությունը չափազանց կարևոր է նանոտեխնոլոգիաներով զբաղվող գիտական կենտրոնների համար, քանի որ նանոկառուցվածքների, նանոչափերի բարակ թաղանթների և դրանց հիման վրա կառուցված գերճշգրիտ աշխատող սարքավորումների պատրաստման ժամանակ անգամ մեկ միկրո կամ նանոչափեր ունեցող փոշեհատիկը կարող է խաթարել սարքավորման ամբողջ կառուցվածքը և աշխատանքը:

Օդի մաքրությունը ISO-7 դասի մոդուլյար «մաքուր սենյակներում» ապահովվում է երեք գերհզոր օդազտման համակարգերով, իսկ մաքրության ու օդի որակի մշտական վերահսկումը կատարվում է սենյակին կցված սենսորային համակարգերով: Սենյակի լիարժեք մաքրությունն ապահովելու համար կպատրաստվեն նաև հատուկ նախասրահներ:

Մոտ ապագայում նախատեսվում է «մաքուր սենյակը» համալրել նաև հատուկ լաբորատոր կահույքով և տեղադրել նանոթաղանթների ստացման՝ պուլսային լազերային նստեցման (PLD) կայանք՝ հնարավորություն ստեղծելով նանոթաղանթներն աճեցնելու գերմաքուր միջավայրում, որոնք կարող են հետագայում ծառայել որպես սենսորներ, օպտիկական սարքավորումներ և այլն:

Վերոնշյալ սարքավորումը ձեռք կբերվի ՀՀ ԿԳՄՍՆ բարձրագույն կրթության և գիտության կոմիտեի հայտարարած «Գիտական ստորաբաժանումների նյութատեխնիկական բազայի արդիականացման համար ֆինանսական աջակցություն տրամադրելու հայտերի ընտրության» մրցույթի շրջանակում:

ԵՊՀ ֆիզիկայի գիտահետազոտական ինստիտուտի կիսահաղորդչային սարքերի և նանոտեխնոլոգիաների կենտրոնը 2023 թ․ մասնակցել է ԿԳՄՍՆ բարձրագույն կրթության և գիտության կոմիտեի հայտարարած երեք դրամաշնորհային մրցույթի և հաղթող ճանաչվել՝ հնարավորություն ստանալով ձեռք բերելու հինգ խոշորագույն սարքավորումներ, որոնք նոր որակ կհաղորդեն լաբորատորիաներում կատարվող գիտահետազոտական աշխատանքներին: