Сентября 20, 2024 | 16:16
Общество
Права человека
В ЕГУ прошел семинар, посвященный правам беженцев из Нагорного Карабаха
В зале имени Палеанов ЕГУ прошел семинар на тему «Права беженцев из Нагорного Карабаха», в рамках которого с докладами выступили как представители профессорско-преподавательского состава разных факультетов ЕГУ, так и приглашенные докладчики.
Աշխատաժողովում ներկայացված և գիտական կարևորություն ունեցող թեմաներն ընդգրկուն էին: Դրանք վերաբերում էին խաղաղության գաղափարին, ցանցային տարածքում ԼՂ-ի բանահյուսության պահպանմանը, արդի փուլում մշակութային պահպանության հիմախնդիրներին, ԼՂ փախստականների խնդրի միջազգայնացման կարևորությանը: Զեկուցումներ հնչեցին Լեռնային Ղարաբաղից բռնի տեղահանված երեխաների հոգեբանական վիճակի գնահատման մեքենայական ուսուցման գործիքի մշակման ու կիրառման, սոցիալ-տնտեսական մարտահրավերների, ինտեգրման, փախստականության մտահոգությունների և ակնկալիքների, ինչպես նաև այլ թեմաների շուրջ:
ԵՊՀ զարգացման և նորարարությունների գծով պրոռեկտոր Միքայել Հովհաննիսյանը, ընդգծելով աշխատաժողովի կարևորությունը, նշեց, որ այսօրինակ գիտական միջոցառումներ անցկացնելը սկզբունքային նշանակություն ունի:
«Մեկ տարի առաջ Լեռնային Ղարաբաղի բնակչությունը բռնի տեղահանվեց, և այսօր մենք անհրաժեշտություն ունենք իրավիճակը ճիշտ գնահատելու, ուսումնասիրություններ կատարելու, հետևություններ անելու և հետագա անելիքներ կանխամտածելու: Ուրախ եմ, որ աշխատաժողովի օրակարգում տարբեր հայեցակետերից է դիտարկվում խնդիրը»,- ասաց պրոռեկտորը և հավելեց, որ ԵՊՀ-ն իր հնարավորությունների սահմաններում ձեռնարկում է անհրաժեշտ բոլոր քայլերը՝ ԼՂ-ից բռնի տեղահանված մեր հայրենակիցներին օգնելու համար:
«Մենք աջակցում ենք Լեռնային Ղարաբաղից բռնի տեղահանված ուսանողներին վարձավճարների, ինչպես նաև միջավայրին արդյունավետ ինտեգրվելու խնդիրների լուծման հարցերում, իսկ դասախոսներին և հետազոտողներին հնարավորություն ենք ընձեռում համալսարանում շարունակելու իրենց գործունեությունը: Անցյալ տարի ԵՊՀ ներքին դրամաշնորհների մի մասն ուղղվեց ԼՂ-ից բռնի տեղահանված հայերի խնդիրների լուծմանը, և հուրախություն մեզ՝ տարբեր ֆակուլտետների մեր գործընկերները շատ արագ արձագանքեցին՝ ներկայացնելով հետազոտական հետաքրքիր առաջարկներ»,- մատնանշեց Միքայել Հովհաննիսյանը:
ԵՊՀ գիտական քաղաքականության վարչության պետ Երանուհի Մանուկյանը, խոսելով աշխատաժողովի կազմակերպման և արծարծված թեմաների մասին, նշեց. «Այս ձևաչափով աշխատաժողով առաջին անգամ չէ, որ անցկացնում ենք․ համալսարանում անցկացվել են նաև տարբեր քննարկումներ՝ նվիրված Փախստականների համաշխարհային օրվան: Այս աշխատաժողովի շրջանակում քննարկվեցին թեմաներ, որոնք շատ կարևոր են, քանի որ բարձրաձայնում են արդիական հիմնախնդիրներ։ Մասնակիցներից շատերը այդ խնդիրները ներկայացրին ականատեսի աչքերով»:
«Լեռնային Ղարաբաղի փախստականների իրավունքները» խորագրով աշխատաժողովը դարձավ հարթակ, որտեղ քննարկվեցին Լեռնային Ղարաբաղից բռնի տեղահանվածների իրավունքների կարևորության մասին բազմաբովանդակ հարցեր:
Նշենք, որ աշխատաժողովին ներկա էին պրոֆեսորադասախոսական կազմի ներկայացուցիչներ, ուսանողներ:
