Январь 27, 2025 | 16:27
Партнеры
Общество
Подписан меморандум о взаимопонимании между ЕГУ и Фондом ООН в области народонаселения
Ректор ЕГУ Оганнес Оганнисян и руководитель армянского офиса Фонда ООН в области народонаселения (ЮНФПА) Лусине Саркисян подписали сегодня меморандум о взаимопонимании с целью объединения усилий и ресурсов организаций в областях, представляющих взаимный интерес.
Հուշագրի կնքմամբ կողմերը նպատակ ունեն գործադրելու իրենց բոլոր ջանքերը` երկարաժամկետ համագործակցություն և գործընկերություն հաստատելու համար կայուն զարգացման օրակարգի՝ մասնավորապես ժողովրդագրական դիմակայունության, երիտասարդների զորացման, գենդերային հարցերի, տվյալների ու հետազոտության շրջանակում կորպորատիվ սոցիալական պատասխանատվության առաջխաղացման գործում:
Ակադեմիական և ինստիտուցիոնալ կարողությունների ամրապնդում ժողովրդագրական դիմակայունության ոլորտում, կարողությունների զարգացում, տվյալների կառավարում և բնակչության կանխատեսումների իրականացում, ՄԱԲՀ գիտելիքի և փորձագիտության ինտեգրում, նոր դասընթացների մշակում և առկա դասընթացների կատարելագործում, այդ թվում` ԵՊՀ կրթական ծրագրերի շրջանակում հեռավար ուսուցման դասընթացների և քաղաքացիական ծառայողների շարունակական մասնագիտական վերապատրաստման ծրագրերի ներառում. հենց այս ուղղություններով է իրականացվելու համագործակցությունը։
Համատեղ գործունեության շրջանակում կողմերը մշակելու և իրականացնելու են համագործակցությունը, գիտելիքի փոխանակումը խթանող համատեղ միջոցառումներ և նախաձեռնություններ: Դրանք ներառելու են և՛ սեմինարներ, և՛ աշխատաժողովներ, և՛ համաժողովներ՝ նվիրված ժողովրդագրական դիմակայունությանը, կատարված հետազոտությունների արդյունքներին և քաղաքականության մշակման միջազգային լավագույն փորձին։
ԵՊՀ ռեկտոր Հովհաննես Հովհաննիսյանն ընդգծեց, որ այսօր մի կարևոր քայլ է կատարվում կրթական և գիտահետազոտական բնագավառներում նոր նախագծերի իրականացման ուղղությամբ:
«Ինչպես գիտեք, մենք ստեղծել ենք Ժողովրդագրական հետազոտությունների կենտրոն, որտեղ նախատեսում ենք իրականացնել խոր, համապարփակ և բազմաբովանդակ աշխատանքներ։ Մեր հիմնական գործընկեր կառույցներն են լինելու ՄԱԿ-ի Բնակչության հիմնադրամը, ՀՀ աշխատանքի և սոցիալական հարցերի նախարարությունը, այսինքն՝ այս նախաձեռնությունը վերածվելու է եռակողմ համագործակցության։ Այսպիսով մենք դնում ենք այն գործընթացի անկյունաքարը, որը, վստահաբար կարող ենք ասել, հետագայում կտա իր պտուղները»,- ասաց ԵՊՀ ռեկտորը։
Խոսելով հուշագրի կարևորության մասին՝ ՄԱԿ-ի Բնակչության հիմնադրամի գրասենյակի ղեկավար Լուսինե Սարգսյանը նշեց. «Մեծ ուրախություն և պատասխանատվություն է ԵՊՀ-ի հետ հուշագիր կնքելը, քանի որ սկիզբ ենք դնում մի նոր համագործակցության, որն ունի հսկայական ներուժ։ Այն անհրաժեշտ է ինչպես մեզ՝ ծրագրերի իրականացմանն աջակցելու, այնպես էլ պետությանը՝ իր նախաձեռնությունները կյանքի կոչելու և մարդկանց կյանքը դեպի լավը փոխելու հարցում։ Կարծում ենք, որ մենք կարող ենք օգտակար լինել՝ առաջարկելով այն, ինչը կարող է ավելացնել այդ ներուժը»։
Ըստ Լուսինե Սարգսյանի՝ ակնկալվում է, որ համատեղ աշխատանքը կօգնի բարելավելու հանրային ծառայությունները, քանի որ այդ ոլորտի մասնագետների մեծագույն մասը ԵՊՀ շրջանավարտներ են։
Համագործակցության արդյունքում ուսանողների, հետազոտողների համար կստեղծվեն գիտելիքի փոխանակման և կապերի ստեղծման ու ամրապնդման հնարավորություններ ընդհանուր հետաքրքրություն ներկայացնող բնագավառներում։
