Методы и содержание преподавания истории с поле зрения специалистов. Международная конференция в ЕГУ

По инициативе исторического факультета ЕГУ была организована международная конференция под названием «Теоретические и методические вопросы преподавания истории», в центре внимания которой находятся теоретические и методические вопросы преподавания истории и различных гуманитарных дисциплин в высших учебных заведениях.

Կարևորելով ՀՀ ակադեմիական, հանրակրթական, ՀՀ ԿԳՄՍՆ ենթակայությամբ գործող այլ կառույցների ներկայացուցիչների, ինչպես նաև արտերկրից ժամանած պրոֆեսորների ու փորձագետների մասնակցությունը՝ Պատմության ֆակուլտետի դեկան Մխիթար Գաբրիելյանը նշեց, որ գիտաժողովը միտված է ոլորտի կարևոր մի շարք հարցադրումների պատասխանները ստանալուն. «Պատմության ֆակուլտետի՝ որպես կրթական ծառայություններ առաջարկող հիմնական միավորներից մեկի համար առաջնահերթություն պետք է լինի վերլուծելն այն, թե ինչ ենք դասավանդում, որն է մեր կրթական առաջարկի հիմնական բովանդակությունը, ինչ հայեցակարգային մոտեցումների հիման վրա են առաջարկվում կրթական ծառայությունները, և որն է այն մեթոդաբանությունը, որը դրվում է տարբեր մակարդակների մոտեցումների հիմքում»:

Մխիթար Գաբրիելյանն ընդգծեց, որ ԽՍՀՄ փլուզումով լուրջ խնդիրներ առաջադրվեցին հումանիտար գիտությունների ոլորտում, որովհետև այն, ինչ արվում էր տեսական և մեթոդաբանական մակարդակում, հանկարծ շատ կարճ ժամանակում հիմնական մասով դարձավ անկարևոր ու անընդունելի. «Այդ ժամանակ հիմնական խնդիրներից մեկը դարձավ, թե ինչպես պետք է անել, որովհետև ինչ անելը պատմագիտության, հնագիտության, ազգագրության, մշակութաբանության, արվեստաբանության, կովկասագիտության և այլ կրթական դասընթացների համար չխաթարվեց, բայց ինչպեսը դարձավ ամենակարևոր հարցադրումներից մեկը, որը որոշ ոլորտներում հաղթահարվեց հաջողությամբ, իսկ որոշ ոլորտներում՝ խնդիրներով»։

Պատմության ֆակուլտետի դեկանի խոսքով՝ գիտաժողովի շրջանակում ծավալվող կառուցողական քննարկումները, բանավեճերը ոլորտում առկա խնդիրները լուծելու և առաջ շարժվելու հնարավորություն են. «Մենք ակնկալում ենք, որ գիտաժողովին ներկայացված զեկուցումները, հնչած մտքերը պետք է նպաստեն կրթական արդյունքները վերանայելուն ու կատարելագործելուն, ինչպես նաև ավելի համագործակցային դառնալուն»։

Մխիթար Գաբրիելյանը տեղեկացրեց նաև, որ գիտաժողովի արդյունքները կհրատարակվեն «Պատմություն և մշակույթ» հանդեսի հատուկ համարում։

Միջազգային գիտաժողովին մասնակցում են ինչպես Հայաստանի, այնպես էլ Վրաստանի, Ռուսաստանի, Ֆրանսիայի, Գերմանիայի, Հունգարիայի, Նիգերիայի և այլ երկրների գիտահետազոտական առաջատար կառույցների ներկայացուցիչներ։

Բանախոսներն իրենց զեկուցումներում անդրադարձան ՀՀ բուհերի պատմության ֆակուլտետներում «Վանի թագավորություն (Ուրարտու)» դասընթացի կարևորությանն ու առաջնահերթությանը, «Հայ սփյٳռքի պատմٳթյան դասավանդٳմը վաղ ժամանակակից աշխարհٳմ․ հայեցակարգային մարտահրավերներ և պատմագրական լարվածٳթյٳններ» թեմային, խոսեցին «Հայոց պատմության հիմնահարցեր» առարկայի դասավանդման առանձնահատկություններից, ներկայացվեց «Հայոց պատմության մատուցման ժամանակակից մեթոդի կիրառումը Երևանի պատմության թանգարանում» թեման։

Գիտաժողովի ծրագրում ներառված են տարաբնույթ թեմաներով զեկուցումներ։

Նշենք, որ միջազգային գիտաժողովը կշարունակվի դեկտեմբերի 12-ին։