Забота о себе и здоровое общество: День материнства и Всемирный день здоровья начались в ЕГУ с открытого занятия йогой

В ЕГУ состоялся открытый урок йоги, посвященный Дню материнства и красоты, а также Всемирному дню здоровья. Мероприятие было организовано совместными усилиями ЕГУ, Фонда народонаселения ООН и Посольства Индии в Армении.

Միջոցառման կազմակերպիչները կարևորեցին երկու տոների խորհրդանշական զուգադիպությունը՝ շեշտելով, որ կնոջ առողջությունը և ինքնախնամքը առանցքային նշանակություն ունեն առողջ հասարակության ձևավորման գործում:

ԵՊՀ միջազգային կապերի, զարգացման և նորարարությունների գծով պրոռեկտոր Միքայել Հովհաննիսյանը նշեց, որ ակադեմիական միջավայրում առողջության պահպանմանն ուղղված միջոցառումները չափազանց կարևոր դերակատարում ունեն։ Նա ընդգծեց, որ Հայաստանում ավանդաբար ապրիլի 7-ը ամփոփում է կանանց միամսյակը, ինչը ևս մեկ առիթ է ԵՊՀ-ում վերաիմաստավորելով այդ տոնը՝ գնահատելու կատարված աշխատանքը թե՛ այդ միամսյակում, թե՛ տարվա ընթացքում՝ շարունակելով իրականացնել ծրագրեր՝ ուղղված առողջության պահպանմանը և հավասարության ապահովմանը:

Հայաստանում Հնդկաստանի արտակարգ և լիազոր դեսպան Նիլակշի Սահա Սինհան ընդգծեց, որ յոգան սկիզբ է առել հենց Հնդկաստանում։ Ըստ նրա՝ յոգան անձին հնարավորություն է տալիս բացահայտելու ինքն իրեն և զգալու բնության հետ իր միասնությունը:

«Այսօրվա միջոցառումը նպատակաուղղված է բարձրացնելու կանանց առողջության վերաբերյալ իրազեկվածությունը և խրախուսելու նրանց վարել առողջ ապրելակերպ ու հոգ տանել սեփական անձի մասին: Կանայք հաճախ մոռանում են իրենց առողջության մասին՝ հոգ տանելով միայն ուրիշների մասին: Այս խնդիրն առավել արտահայտված է աշխատող կանանց դեպքում, որոնք հաճախ ստիպված են համատեղել աշխատանքային պարտականությունները տնային պարտականությունների հետ»,- ասաց դեսպանն ու նշեց, որ այս մարտահրավերը հաղթահարելու համար պետք է օգտվել առողջ կյանք վարելու հին և ավանդական մեթոդներից, որոնից մեկը յոգան է։

ՄԱԿ-ի մշտական համակարգող Ֆրանսուազ Ժակոբը կարևորեց այն հանգամանքը, որ երեխաները հետևում են ծնողների օրինակին՝ կրկնօրինակելով նրանց վարքագիծը։

«Եթե դուք վարում եք առողջ ապրելակերպ, ձեր երեխաները նույնպես ապրելու են այդ ռիթմով։ Սա ամենահեշտ ճանապարհն է երկար ապրելու համար։ Իհարկե, ավելի երկար ապրելուց զատ՝ մենք ուզում ենք նաև առողջ մնալ: Յոգան հիանալի միջոց է պահպանելու ֆիզիկական ճիշտ վիճակ, ապահովելու հոգեկան և ֆիզիկական առողջության հավասարակշռությունը»,- ասաց նա՝ մատնանշելով, որ յոգան ապահովում է թե՛ ֆիզիկական լավ կազմվածք, թե՛ մտքի խաղաղություն։

Առողջապահության համաշխարհային կազմակերպության ներկայացուցիչ և հայաստանյան գրասենյակի ղեկավար Սիդարթա Սանկար Դատտան, ընդգծելով, որ ֆիզիկական առողջությունը կարևոր է և չի կարող պարզապես մնալ դասագրքերում, ասաց․ «Առողջությունը պետք է սկսվի մարդկանցից և կյանքի մաս դառնա մեր ամենօրյա ընտրություններում»։

Յոգայի դասին մասնակցում էին թե՛ փորձառու յոգեր, թե՛ սկսնակներ։ ԵՊՀ ՍԹԵՄ ավագ դպրոցի 12-րդ դասարանի աշակերտ Միլենա Հայրապետյանը նշեց, որ սա իր առաջին փորձն է և ցանկանում է ծանոթանալ յոգայի մշակույթին ու մեդիտացիայի ճիշտ ձևերին: ԵՊՀ աշխատակից, յոգայի երկար տարիների փորձ ունեցող Սեդա Գրիգորյանը պատմեց, որ յոգան վարժությունների միջոցով օգնում է կենտրոնանալու մարմնի վրա՝ հանգստացնելով միտքը։ Համալսարանի տարեց աշխատակիցներից մեկն էլ փաստեց յոգայի բուժիչ հատկությունների մասին՝ նշելով, որ պարապմունքների շնորհիվ հաղթահարել է շնչառական խնդիրներն ու ասթմատիկ երևույթները, ինչպես նաև նվազեցրել հոդացավերը։

Միջոցառմանը ներկա էին նաև ՄԱԿ-ի բնակչության հիմնադրամի հայաստանյան գրասենյակի ղեկավար Լուսինե Սարգսյանը, հայ անվանի ծանրամարտիկ, աշխարհի չեմպիոն, «Առողջ ապրելակերպի դեսպան» Նազիկ Ավդալյանը, ինչպես նաև արտերկրից ժամանած հյուրեր:

Միջոցառման ավարտին մասնակիցներն ստացան առողջապահական տեղեկատվական նյութեր, մասնավորապես՝ տեղեկատվական թերթիկներ կրծքագեղձի, արգանդի պարանոցի քաղցկեղների կանխարգելման վերաբերյալ։