Иранский кинорежиссер Ферейдун Джейран посетил ЕГУ

Կարևորելով այսօրինակ հանդիպումների դերն ու նշանակությունը հարևան երկրների բազմադարյա մշակութային կապերի ամրապնդման առումով՝ ԵՊՀ արևելագիտության ֆակուլտետի դեկան, պ.գ.դ, պրոֆեսոր Ռուբեն Մելքոնյանն ընդգծեց, որ իրանական մշակույթին առնչվող ցանկացած միջոցառում նպաստում է ուսանողների գիտելիքների հարստացմանն ու աշխարհայացքի ընդլայնմանը։

ԵՊՀ արևելագիտության ֆակուլտետի պրոֆեսոր Գուրգեն Մելիքյանը, խոսելով իրանական հարուստ գրականության մասին, նշեց, որ իրանական կինոն և գրականությունը, սերտորեն կապված լինելով միմյանց, կատարում են մշակութային մեծ առաքելություն՝ կրթելով բազում սերունդների։

Կինոռեժիսոր Ֆերեյդուն Ջեյրանին հանդես եկավ «Իրանցի կնոջ պատկերը իրանական կինոյում» խորագրով դասախոսությամբ: Խոսելով դերասանական կազմի մասին՝ նա նշեց, որ դերասանուհիների հիմնական կազմում հայեր են։

Միջոցառմանը ներկա էր նաև ճարտարապետ Արմեն Մինասյանը, որը պատմեց իր մայրիկի՝ իրանական կինոյի ու թատրոնի մեծանուն դերասանուհի, երջանկահիշատակ Լորիկ Մինասյանի և Ֆերեյդուն Ջեյրանիի մասին հետաքրքիր դրվագներ՝ ներկայացնելով արխիվային ուշագրավ փաստեր և լուսանկարներ:

Միջոցառման ավարտին պրոֆեսոր Մելիքյանը խորհրդանշական հուշանվեր տվեց հյուրին:

Նշենք, որ միջոցառմանը ներկա էին արևելագիտության ամբիոնի պրոֆեսորադասախոսական անձնակազմի ներկայացուցիչներ, ուսանողներ և հրավիրյալ այլ անձինք: