Հայաստանի բուհերի կենսաբազմազանության կոալիցիա
Կենսաբազմազանության պահպանությունը պահանջում է տարբեր գիտակարգերի, հետազոտական փորձի և կրթական ներուժի համադրում։ Այս գաղափարի շուրջ Երևանի պետական համալսարանի նախաձեռնությամբ ձևավորվել է Հայաստանի բուհերի կենսաբազմազանության կոալիցիան (Armenian University Coalition for Biodiversity՝ AUCB), որը միավորում է Հայաստանի 15 բարձրագույն ուսումնական հաստատություն։
Կոալիցիայի նպատակն է զարգացնել միջբուհական համագործակցությունը, նպաստել համատեղ հետազոտությունների և կրթական նախաձեռնությունների իրականացմանը, ինչպես նաև գիտական գիտելիքն առավել հասանելի դարձնել հանրությանը և որոշումներ կայացնողներին։
COP17-ը համագործակցության մեկնակետերից է. կոալիցիան միտված է երկարաժամկետ գործընկերությունների ձևավորմանը և համատեղ աշխատանքի շարունակությանը նաև համաժողովից հետո։
Կոալիցիան՝ թվերով
Ինչպե՞ս ստեղծվեց կոալիցիան
Հայաստանի բուհերի կենսաբազմազանության կոալիցիայի ստեղծման նախաձեռնությունը ներկայացրել է Երևանի պետական համալսարանը՝ COP17-ին ընդառաջ համախմբելով տարբեր մասնագիտացումներ ունեցող բարձրագույն ուսումնական հաստատությունների ներուժը։
2026 թվականի սեպտեմբերի 12-ին Հայաստանի ամերիկյան համալսարանում տեղի է ունեցել կոալիցիայի ստեղծման հուշագրի ստորագրման արարողությունը։
Համագործակցության հիմքում այն մոտեցումն է, որ կենսաբազմազանության պահպանությունը միայն կենսաբանության կամ բնապահպանության խնդիր չէ։ Այն առնչվում է նաև տնտեսագիտությանը, տեխնոլոգիաներին, կրթությանը, մշակույթին և հանրային կառավարմանը։ Համալսարանների համագործակցությունը հնարավորություն է տալիս այս տարբեր ուղղությունները միավորելու համատեղ նախագծերում։
15 համալսարան համագործակցային մեկ հարթակում
Կոալիցիան միավորում է Հայաստանի տարբեր մարզերում և Երևանում գործող պետական և ոչ պետական բուհեր՝ ստեղծելով գիտելիքի, փորձի և հետազոտական հնարավորությունների փոխանակման միասնական հարթակ։
Անդամ բուհերի պաշտոնական ցանկը
1. Երևանի պետական համալսարան
2. Հայաստանի ամերիկյան համալսարան
3. Հայաստանում ֆրանսիական համալսարան
4. Հայաստանի պետական տնտեսագիտական համալսարան
5. Հայաստանի ազգային պոլիտեխնիկական համալսարան
6. Հայաստանի ազգային ագրարային համալսարան
7. Գորիսի պետական համալսարան
8. Ռուս-հայկական համալսարան
9. Շիրակի Մ. Նալբանդյանի անվան պետական համալսարան
10. Գավառի պետական համալսարան
11. Խաչատուր Աբովյանի անվան հայկական պետական մանկավարժական համալսարան
12. Երևանի թատրոնի և կինոյի պետական ինստիտուտ
13. Եվրասիա միջազգային համալսարան
14. ՀՀ պետական կառավարման ակադեմիա
15. Հայաստանի գեղարվեստի պետական ակադեմիա
