Ոսկրածուծի բջջային ազդանշանային համակարգերի կարգավորման դերը կրծքագեղձի քաղցկեղի զարգացման և կանխարգելման գործընթացներում

Ոսկրածուծի բորբոքային պատասխանները, մետաբոլիտների փոփոխությունները, իմունային դիսռեգուլյացիան և բջջային ազդանշանային ուղիների խանգարումները կարևոր դեր ունեն քաղցկեղի պրոգրեսավորման և բուժման դիմադրության մեջ։ Այս ուսումնասիրությունը կենտրոնանում է կրծքագեղձի քաղցկեղի ժամանակ ոսկրածուծի ազդանշանային համակարգերի փոփոխությունների վրա՝ օգտագործելով in vitro և in vivo մոդելներ։ Հատուկ ուշադրություն է դարձվում PI3K/Akt/mTOR, COX-2 և MMP-2 ուղիներին, ինչպես նաև VEGFa և TGF-β գործոնների ազդեցությանը։ Արդյունքները կբացահայտեն մոլեկուլային մեխանիզմներ, որոնք կարող են ծառայել որպես նոր ախտորոշիչ և թերապևտիկ թիրախներ՝ ուղղված մետաստազավորման, իմունային խուսափման և անգիոգենեզի կանխարգելմանը։