1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում են «Երևանի պետական համալսարան» հիմնադրամի (այսուհետ՝ ԵՊՀ) ՍԹԵՄ դպրոցում (այսուհետ՝ դպրոց, կամ ՍԹԵՄ դպրոց) սովորողին առնչվող այն հարա­բե­րությունները, որոնք պարունակում են առանձնահատկություններ ու կարգավորման բնույ­թով տարբերվում են ՀՀ կրթության և գիտության նախարարի 2012 թվականի մայիսի 3-ի N 388-Ն հրամանով հաստատված «Հանրակրթական ուսումնական հաստատության սովորողների կողմից կրթական ծրագրերի յուրացման ամփոփիչ ստուգման կամ ատեստավորման անցկացման, սովորողների փոխադրման, ավարտման և ուսումնական տարվա ընթացքում բացակայած սովորողի՝ հաջորդ դասարան կամ հանրակրթության հաջորդ աստիճան փոխադրման կարգից»:

2. ՍՈՎՈՐՈՂԻ ԴԱՍԱՐԱՆԻՑ ԴԱՍԱՐԱՆ ՓՈԽԱԴՐՈՒՄԸ, ԱՎԱՐՏՈՒՄՆ ՈՒ ԱՏԵՍՏԱՎՈՐՄԱՆ ԱՆՑԿԱՑՈՒՄԸ

2. ՍԹԵՄ դպրոցի սովորողները փոխադրվում են հաջորդ դասարան տարեկան գնահատականների ու փոխադրական քննությունների միջոցով։ Փոխադրական քննություններն անցկացվում են գրա­վոր կամ բանավոր՝ ըստ դպրոցի մանկավարժական խորհրդի որոշման ու սահմանած ժամանակացույցի։ Յուրաքանչյուր ուսումնական տարվա դեկտեմբեր-հունվար ամիսներին 10-12-րդ դասարնների սովորողները հանձնում են նաև կիսամյակին քննություններ այն առարկաներից, որոնք հանձնելու են որպես փոխադրական քննություններ։

(2-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

3. Քննական առաջադրանքները մշակվում են դպրոցի կողմից: 

4. Փոխադրական և կիսամյակային քննությունները գնահատվում են 20-միավորային համակարգով:

(4-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

5. 10-րդ դասարանում Սովորողը կարող է շարունակել ուսումը կիսամյակային և/կամ փոխադրական յուրաքանչյուր քննությունից 8 և ավելի միավոր գնահատվելու դեպքում։ 11-րդ և 12-րդ դասարաններում Սովորողը կարող է շարունակել ուսումը, եթե նպատակային ծրագրով առարկաների քննությունից ստացել է 10 և ավելի, իսկ մյուս քննություններից՝ 8 և ավելի միավոր։

(5-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

6. Այն սովորողը, ում՝ տվյալ ուսումնական տարվա բոլոր առարկաների տարեկան միջին գնահատականը 1-4 միավոր է, ազատվում է դպրոցից։

(6-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

7. 10-րդ դասարանում սովորողները հանձնում են կիսամյակային և փոխադրական հետևյալ քննությունները՝

- Բնագիտամաթեմատիկական ուղղությամբ սովորողները՝

1) «Հայոց լեզու և գրականություն», 

2) «Մաթեմատիկա» (Հանրահաշիվ, Երկրաչափություն),

3) «Անգլերեն» (կամ այլ օտար լեզու՝ բացառությամբ ռուսաց լեզվի):

- Հասարակագիտական (հումանիտար) ուղղությամբ սովորողները՝

1) «Հայոց լեզու և գրականություն»,

2) «Պատմություն» (Հայաստանի պատմություն, Համաշխարհային պատմություն),

3) «Անգլերեն» (կամ այլ օտար լեզու՝ բացառությամբ ռուսաց լեզվի)։

(7-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

8. 10-րդ դասարանի ավարտին աշակերտը կատարում է առնվազն երկու առարկայի և/կամ ևս մեկ օտար լեզվի (անգլերեն/ռուսերեն/չինարեն/ֆրանսերեն/գերմաներեն) ընտրություն՝ հաջոր­դող երկու տարում նպատակային ծրագրով ուսանելու համար։

9. 11-րդ դասարանում սովորողները հանձնում են կիսամյակային և փոխադրական հետևյալ քննությունները՝

- Բնագիտամաթեմատիկական ուղղությամբ սովորողները՝ 

1) «Հայոց լեզու և գրականություն», 

2) «Անգլերեն» (կամ այլ օտար լեզու՝ բացառությամբ ռուսաց լեզվի),

3) «Նպատակային (խորացված) ծրագրով առարկա - 1»,

4) «Նպատակային (խորացված) ծրագրով առարկա - 2»։

- Հասարակագիտական (հումանիտար) ուղղությամբ սովորողները՝

1) «Հայոց լեզու և գրականություն»,

2) «Պատմություն» (Հայաստանի պատմություն, Համաշխարհային պատմություն),

3) «Անգլերեն» (կամ այլ օտար լեզու՝ բացառությամբ ռուսաց լեզվի),

4) «Նպատակային (խորացված) ծրագրով առարկա - 1»,

5) «Նպատակային (խորացված) ծրագրով առարկա - 2»։

(9-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

10. 12-րդ դասարանում սովորողները հանձնում են կիսամյակային և ավարտական հետևյալ քննությունները՝

- Բնագիտամաթեմատիկական ուղղությամբ սովորողները՝ 

1) «Հայոց լեզու և գրականություն», 

2) «Անգլերեն» (կամ այլ օտար լեզու՝ բացառությամբ ռուսաց լեզվի),

3) «Նպատակային (խորացված) ծրագրով առարկա - 1»,

4) «Նպատակային (խորացված) ծրագրով առարկա - 2»:

- Հասարակագիտական (հումանիտար) ուղղությամբ սովորողները՝

1) «Հայոց լեզու և գրականություն»,

2) «Պատմություն» («Հայաստանի պատմություն», «Համաշխարհային պատմություն»),

3) «Անգլերեն» (կամ այլ օտար լեզու՝ բացառությամբ ռուսաց լեզվի),

4) «Նպատակային (խորացված) ծրագրով առարկա - 1»,

5) «Նպատակային (խորացված) ծրագրով առարկա - 2»։

(10-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

11. Եթե սովորողի՝ 11-12-րդ դասարաններում նպատակային (խորացված) ծրագրով դասընթացը «Հայոց լեզու», «Հայ գրականություն», «Հայաստանի պատմություն» կամ «Համաշխարհային պատմություն» (Հասարակագիտական ուղղության դեպքում), «Անգլերեն» (2 ուղղության դեպքում) առարկաներից որևէ մեկն է կամ երկուսը, ապա նա ազատվում է «Նպատակային (խորացված) ծրագրով առարկա-1-ի» և/կամ «Նպատակային (խորացված) ծրագրով առարկա 2»-ի քննություն(ներ)ից: Եթե սովորողը չի ուսումնասիրում «Անգլերեն» առարկան, ապա կիսամյակային և փոխադրական քննություն է հանձնում այն օտար լեզվից, որն ուսումնասիրում է (բացառությամբ ռուսաց լեզվի)։

(11-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

12. Ուսումնական առարկաներից կիսամյակային գնահատականներ նշանակվում են «Մուդլ» կամ դպրոցի կողմից ընդունված այլ կրթական հարթակում ինքնաշխատ եղանակով տվյալ կիսամյակում առկա և կիսամյակային քննությունների (սահմանված լինելու դեպքում) գնահատականների հիման վրա: Տարեկան գնահատման համար հաշվի են առնվում սովորողի կիսամյակային և փոխադրական քննությունների գնահատականները։

(12-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

13. 10-րդ և 11-րդ դասարաններում սովորողը առավելագույնը 2 ուսումնական առարկայից տարեկան 1-3 (գնահատման 10-միավորային սանդղակից) միավոր գնահատված լինելու դեպքում վերաքննություն է հանձնում տվյալ ուսումնական տարվա հուլիսի 2-8-ը կամ օգոստոսի 20-25-ն ընկած ժամանակահատվածում։ Վերաքննությունների առաջադրանքները մշակվում են դպրոցի կողմից: Վերաքննություններին չներկայանալու կամ վերաքննությունները հանձնելուց հետո առնվազն մեկ առարկայից 1-3 միավոր ստանալու դեպքում սովորողն ազատվում է դպրոցից։

(13-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

14. Կիսամյակային, փոխադրական և ավարտական քննությունները կազմակերպվում և անցկացվում են քննական հանձնաժողովների կողմից, որոնց կազմը հաստատում է դպրոցի տնօրենը։ Բոլոր քննական առաջադրանքները կազմվում են դպրոցի կողմից։

(14-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

15. Կիսամյակային քննություններից 1-7 (Նպատակային ծրագրի դեպքում՝ 1-9) միավոր գնահատված լինելու կամ քննության օրը չներկայանալու դեպքում սովորողը վերաքննություն է հանձնում տվյալ ուսումնական տարվա հունվար-փետրվար, իսկ փոխադրական քննությունների դեպքում՝ հունիս-օգոստոս ամիսներին: Վերաքննություններին չներկայանալու կամ վերաքննությունները հանձնելուց հետո առնվազն մեկ առարկայից 1-3 (գնահատման 10-միավորային սանդղակից) կամ 1-7 (Նպատակային ծրագրի դեպքում՝ 1-9՝ գնահատման 20-միավորային սանդղակից) միավոր ստանալու դեպքում Սովորողը հանձնում է 2-րդ վերաքննությունը՝ հետևյալ ժամկետներում՝ կիսամյակային քննությունների դեպքում՝ փետրվարի 23-28-ը, փոխադրական քննությունների դեպքում՝ օգոստոսի 20-30-ն ընկած ժամանակահատվածում։ 2-րդ վերաքննություններին չներկայանալու կամ վերաքննությունները հանձնելուց հետո առնվազն մեկ առարկայից 1-7 (Նպատակային ծրագրի դեպքում՝ 1-9՝ գնահատման 20-միավորային սանդղակից) միավոր ստանալու դեպքում սովորողն ազատվում է դպրոցից։

(15-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):

15․1․ Եթե սովորողի տարեկան անբավարար գնահատական/ները այն առարկայից/ներից է, որը հանձելու է որպես փոխադրական քննություն, ապա վերջինս չի հանձնում տվյալ առարկայից վերաքննություն, և փոխադրական քննության արդյունքը համարվում է որպես տարեկան գնահատական՝ ստացած գնահատականը համապատասխանեցնելով 10-միավորային սանդղակին։

(15.1-րդ կետը լրացվել է ԵՊՀ գիտական խորհրդի 16.10.2025 թ. N 2/5 որոշմամբ):

16. «Ֆիզկուլտուրա», «Նախնական զինվորական պատրաստություն» առարկաների պարապմունքներից առողջական վիճակի պատճառով սովորողի ազատված լինելը չի ազդում նրա` հաջորդ դասարան փոխադրվելու կամ դպրոցն ավարտելու վրա:

17. 12-րդ դասարանում ուսումնական բոլոր առարկաներից տարեկան 4-10 և պետա­կան ավարտական բոլոր քննություններից 8-20 միավոր գնահատված սովորողը ստանում է միջնակարգ կրթության ատեստատ:

18. Պետական ավարտական քննություններից 1-7 միավոր գնահատված լինելու կամ քննության օրը չներկայանալու դեպքում սովորողը վերաքննություն է հանձնում դպրոցում տվյալ ուսումնական տարվա հուլիսի 2-8-ը կամ օգոստոսի 20-25-ն ընկած ժամանակահատվածում: Առաջադրանքները կազմվում են Գնահատման և թեստավորման կենտրոնի կողմից։

19. Սովորողը 12-րդ դասարանի ավարտին ավարտական քննություններից կարող է չհանձնել այն առարկաների քննությունները, որոնք հանձնելու է բուհական ընդունե­լության շրջանակում։

20. Բոլոր առարկաները, բացի «Նախնական զինվորական պատրաստություն» առարկայից, ամփոփվում են 12-րդ դասարանի 1-ին կիսամյակի ավարտին։ 12-րդ դասարանի 1-ին կիսամյակի մինչև դեկտեմբերի 1-ը յուրաքանչյուր սովորող ընտրում է առնվազն 3 առարկա՝ 2-րդ կիսամյակում ուսումնասիրելու նպատակով։

21. Յուրաքանչյուր կիսամյակ սովորողները կամ սովորողների խմբերը (խմբում՝ մինչև 7 անդամ), ըստ դպրոցի կողմից հաստատված ժամանակացույցի, ներկայացնում են նախագծային/հետազո­տա­կան աշխատանքները, որոնք գնահատվում են հանձնաժողովի կողմից ու գրանցվում սովորողի առար­կայական թղթապանակում որպես ձևավորող գնահատականի բաղադ­րիչ։

(21-րդ կետը փոփոխվել է ԵՊՀ գիտական խորհրդի 16.10.2025 թ. N 2/5 որոշմամբ):