ԵՊՀ աշխարհագրության և երկրաբանության ֆակուլտետի նախաձեռնությամբ 2026 թվականի մայիսի 4-7-ը կանցկացվի «Հիդրոօդերևութաբանության և շրջակա միջավայրի մոնիթորինգի արդի հիմնախնդիրները փոփոխվող կլիմայի պայմաններում. հարմարվողականություն, կայունություն և արտադրական գործընթաց» խորագրով միջազգային գիտաժողով՝ նվիրված Անտառագետի, ջրաբանի և օդերևութաբանի մասնագիտական և Երկրի օրերին:

Գիտաժողովի նպատակն է քննարկել հիդրոօդերևութաբանության, շրջակա միջավայրի մոնիթորինգի և էկոլոգիական անվտանգության ապահովման բնագավառում հիմնարար և կիրառական գիտական ​​հետազոտությունների զարգացման ձեռքբերումներն ու հեռանկարները, բացահայտել և վեր­հա­նել հիդրոօդերևութաբանության ոլորտում ծառացած գերակա խնդիրները, զարգացման օրինաչափությունները և հեռանկարները, գնահատել վերջինիս դերը տարածաշրջանի սոցիալ-տնտեսական խնդիրների լուծման մեջ, վերլուծել և գնահատել շրջակա միջավայրի արդի վիճակը, կլիմայի փոփոխության հիմնահարցերը: Գիտաժողովի ընթացքում կքննարկվեն նաև ժամանակակից հասարակության զարգացման և էկոհամակարգի իրավական կարգավորման տնտեսակառավարման հիմնախնդիրները, ինչպես նաև բնապահպանական և հիդրոօդերևութաբանական կրթության գերակա խնդիրները:

Գիտաժողովի շրջանակում նախատեսվում է կազմակերպել գիտական նիստեր, կլոր սեղան-քննարկումներ, վահանակային քննարկումներ և երիտասարդական գիտական աշխատանքների մրցույթ։

Գիտաժողովի ծրագիրը կներառի պլենար նիստեր, բանավոր և պաստառային զեկույցների նստաշրջաններ հետևյալ գիտական ուղղություններով․

ԳԻՏԱԿԱՆ ՈՒՂՂՈՒԹՅՈՒՆՆԵՐ

            Շրջակա միջավայրի մոնիթորինգը և էկոլոգիական խնդիրները, տարածքային զարգացումը

• Շրջակա միջավայրի, բնական և անթրոպոգեն օբյեկտների ու երևույթների մոնիթորինգ
• Լանդշաֆտային հետազոտություններ, լանդշաֆտային պլանավորում և նախագծում
• Հաշվողական և տեղեկատվական տեխնոլոգիաներ շրջակա միջավայրի գիտություններում
• Շրջակա միջավայրի արդյունավետ օգտագործում, կառավարում և էկոլոգիական խնդիրներ
• Ժամանակակից էկոլոգիական խնդիրներ և ռիսկեր
• Տարածաշրջանային սոցիալ-տնտեսական հետազոտություններ և տարածքային պլանավորում
• Հանքարդյունաբերությունը և դրա ազդեցությունը շրջակա միջավայրի վրա
• Ջրակլիմայական ռեսուրսների ռեկրեացիոն գնահատում, տարածաշրջանային ուսումնասիրություններ և զբոսաշրջություն
• Ջրաօդերևութաբանության և էկոլոգիայի գիտակրթական խնդիրներ
• Անտառի ջրակլիմայական ռեժիմ, անտառային հրդեհներ, մոնիթորինգ
• Տեխնոլոգիական անվտանգություն և տարածքային զարգացում
• Երկրատեղեկատվական տեխնոլոգիաներ և հեռազննում երկրի մասին գիտություններում
• Գեոինֆորմատիկա

• Հիդրոօդերևութաբանների պատրաստման արդի հիմնախնդիրներ

  Կլիմա, կլիմայի փոփոխություն, հարմարվողականություն, կայուն զարգացում, ածխածնային պոլիգոններ

• Կլիմայի փոփոխության ազդեցությունը շրջակա միջավայրի և առողջության վրա
• Օդային ավազանի արդի վիճակը և էկոլոգիական անվտանգություն
• Կլիմայի գլոբալ և տարածաշրջանային փոփոխություն, սոցիալ-տնտեսական հետևանքներ, խոցելիություն և հարմարվողականություն
• Կլիմայի փոփոխության ազդեցությունը բնական և սոցիալ-տնտեսական պայմանների վերափոխման վրա
• Կենսաբազմազանություն և կլիմայի փոփոխություն
• Ստորին և միջին մթնոլորտի կլիմայի ու քիմիական կազմի միաժամանակյա փոփոխություններ, մոդելավորում
• Կլիմայի փոփոխության դրսևորումը գյուղատնտեսության ոլորտում և պարենի անվտանգությունը
• Քաղաքների կլիմա և կայուն զարգացման հիմնախնդիր

           Ջրային ռեսուրսների կառավարում, ջրաէկոլոգիական խնդիրներ

• Ջրային ռեսուրսների օգտագործման և պահպանման խնդիրներ
• Ջրային ռեսուրսների կարգավորում և կառավարում
• Ջրային օբյեկտների սառցային ռեժիմ
• Ջերմային ռեժիմը և սառցե պրոցեսները գետերում
• Ջրային օբյեկտների ջրաէկոլոգիական գնահատում
• Ջրային կենսաբանություն, մոնիթորինգ, առկա խնդիրներ
• Հիդրոլոգիական կանխատեսում և մոդելավորում
• Հիդրոլոգիական հաշվարկներ
• Վտանգավոր ջրաօդերևութաբանական երևույթներ և աղետներ, դրանց ռիսկերը, նախազգուշացման համակարգ
• Ջրային էկոհամակարգերի էվոլյուցիայի բնական, կլիմայական և մարդածին գործոնները
• Ջրաօդերևութաբանություն և տնտեսություն
• ԱՏՀ տեխնոլոգիաները ջրաօդերևութաբանությունում

Գիտաժողովի պաշտոնական լեզուներն են՝ հայերեն, ռուսերեն, անգլերենը։