Ծրագրի դիմորդը պետք է ունենա առնվազն ՀՀ եռաստիճան միջնակարգ ընդհանուր կամ դրան համարժեք այլ կրթություն:

Ընդունելությունը կատարվում է «ՀՀ պետական և ոչ պետական բարձրագույն ուսումնական հաստատություններ ընդունելության (ըստ բակալավրի կրթական ծրագրի) կարգը հաստատելու և ՀՀ  Կառավարության՝ 2011 թվականի ապրիլի 28-ի N 686-Ն որոշումն ուժը կորցրած ճանաչելու մասին» ՀՀ Կառավարության՝ 2012 թվականի ապրիլի 26-ի N 597-Ն որոշման համաձայն: ՀՀ Կառավարության՝ 2017 թվականի նոյեմբերի 30-ի N 1521-Ն որոշման համաձայն՝ ծրագրի դիմորդները ընդունելության համար պետք է հանձնեն հետևյալ միասնական քննությունները՝

1. մաթեմատիկա (գրավոր),
2. հայոց լեզու և գրականություն (գրավոր) կամ օտար լեզու (գրավոր)։

ԵՊՀ կայքէջի «Ընդունելություն» բաժնում ներկայացված են ընդունելության վերաբերյալ ամբողջական տեղեկություններ, այդ թվում՝ ընդունելության կարգը, առկա մասնագիտությունները, տեղերի քանակը և վարձաչափերը, դիմորդների հայտերի շարժը, նախորդ տարիների անցողիկ շեմերը և կատարված փոփոխությունները։

Դիմում-հայտի լրացման հետ կապված խորհրդատվություն ստանալու համար զանգահարել (+374 60) 710 777 հեռախոսահամարին կամ գրել dimord@ysu.am էլհասցեին։

Նշված կապի միջոցները գործում են միայն դիմում-հայտերի ընդունման համար ստորև նշված ժամկետներում և սահմանված աշխատանքային օրերին ու ժամերին։

Բակալավրիատի ընդունելության 1-ին փուլով (ընդունելության կարգի 15-րդ կետ) դիմորդներն ընդունելության քննությունների և մասնագիտության հայտագրման դիմում-հայտը www.dimord.am կայքէջի միջոցով ԳԹԿ են ուղարկում առցանց եղանակով ապրիլի 15-ից մինչև մայիսի 10 ներառյալ (մայիսի 10-ին՝ մինչև ժամը 18։00-ն):

2-րդ փուլով (ընդունելության կարգի 16-րդ կետ)՝ հունիսի 26-ից մինչև հուլիսի 1-ը ներառյալ (հուլիսի 1-ին՝ մինչև ժամը 17։00-ն)։

Հիմնական փուլի մրցույթի արդյունքները կհրապարակվեն հուլիսի 18-ին։ Ընդունելության քննությունից դրական միավոր ստացած, սակայն հիմնական մրցույթից դուրս մնացած դիմորդները թափուր տեղերի առկայության դեպքում կարող են մասնակցել լրացուցիչ (թափուր) փուլի մրցույթին (ընդունելության կարգի 17-րդ կետ)։ Լրացուցիչ (թափուր) փուլի մրցույթին մասնակցելու համար մեկ կամ ավելի բուհերի մինչև 6 մասնագիտությունների նշումով նոր դիմում-հայտը դիմորդները dimord.am կայքէջի միջոցով ԳԹԿ են ուղարկում առցանց եղանակով՝  հուլիսի 20–26-ը ներառյալ (հուլիսի 26-ին՝ մինչև ժամը 18։00-ն)։

Հիմնական փուլով ընդունված դիմորդները չեն կարող մասնակցել լրացուցիչ փուլի մրցույթին։

Լրացուցիչ փուլի մրցույթի արդյունքները կհրապարակվեն հուլիսի 30-ին։

ԵՊՀ պաշտոնական կայքէջի «Ընդունելություն» բաժնի «Բակալավրիատ»-ի «Առկա ուսուցում» ենթաբաժնում հուլիսի 18-ին կտեղադրվեն ԵՊՀ առկա ուսուցման հիմնական փուլի ընդունելության, իսկ հուլիսի 30-ին՝ լրացուցիչ փուլի ընդունելության արդյունքները:

Առկա ուսուցմամբ ընդունված դիմորդները, առկա ուսուցման ընդունելության կարգի 89-րդ կետի համաձայն, պահանջվող փաստաթղթերի բնօրինակները, այդ թվում՝ գնահատականների վերաբերյալ ԳԹԿ-ի տված վկայագիրը, պետք է դասերը սկսելուց մեկ շաբաթվա ընթացքում ներկայացնեն համապատասխան ուսումնական ստորաբաժանման (ֆակուլտետ, ինստիտուտ, կենտրոն) գրասենյակ (դեկանատ):

Առկա ուսուցման դասերը սկսվում են սեպտեմբերի 1-ից:

Առկա ուսուցմամբ ընդունված և ազգային բանակ զորակոչված դիմորդների ընտանիքի անդամներից մեկը ս.թ. սեպտեմբերի 1–10-ն ընկած ժամանակահատվածում պետք է համապատասխան ուսումնական ստորաբաժանման գրասենյակ (դեկանատ) ներկայացնի պահանջվող փաստաթղթերը, ինչպես նաև ազգային բանակ զորակոչվելու մասին հավաստող փաստաթուղթը, ապա կձևակերպվի տարկետում: Հակառակ դեպքում՝ դիմորդը կկորցնի իր տեղը:

1. Ավարտական փաստաթուղթ` ատեստատ կամ դիպլոմ (միջուկով),
2. 1 լուսանկար (3x4 չափսի),
3. անձը հաստատող փաստաթուղթ (բնօրինակը և պատճենը՝ 1 օրինակից),
4. գնահատականների վերաբերյալ ԳԹԿ-ի կողմից տրված վկայագիր (բնօրինակը),
5. զինվորական գրքույկ (բնօրինակը) (առկայության դեպքում),
6. արտոնություններից օգտվելու դեպքում՝ անհրաժեշտ լրացուցիչ փաստաթղթեր։

Կարդալ ավելին

ԵՊՀ ընդունող հանձնաժողովն աշխատում է ապրիլի 15-ից մինչև մայիսի 10 ներառյալ՝ ժամը 10:00–17:00-ն, 

մայիսի 10-ին՝ ժամը 10:00–18։00-ն։

Ոչ աշխատանքային օրեր` ապրիլի 19, 24, 25, 26, մայիսի 1, 2, 3, 4, 9։

 

Հունիսի 26-ից մինչև հուլիսի 1-ը ներառյալ հանձնաժողովն աշխատում է ժամը 10:00–17:00-ն։

Ոչ աշխատանքային օրեր` հունիսի 27, 28։

Հուլիսի 20–26-ը ներառյալ հանձնաժողովն աշխատում է ժամը 10:00–17:00-ն, 

հուլիսի 26-ին՝ ժամը 10:00–18:00-ն։

Ոչ աշխատանքային օր` հուլիսի 25։

 ԸՆԴՄԻՋՈՒՄ՝ ժամը 13:00–14:00

Ընդունող հանձնաժողով

Հեռ.` (+374 60) 710 777 (ներքին՝ 87-77)

Էլհասցե` dimord@ysu.am