ԵՊՀ մագիստրատուրայի 2025/2026 ուսումնական տարվա առկա և հեռակա ուսուցման ձևերով ընդունելությանը դիմելու հնարավորություն ունեն ՀՀ պետական և ըստ մասնագիտությունների հավատարմագրված կամ ինստիտուցիոնալ հավատարմագրում անցած ոչ պետական այլ բուհերի բակալավրի, մագիստրոսի կամ դիպլոմավորված մասնագետի որակավորում ունեցող շրջանավարտները:

ԵՊՀ մագիստրատուրայի 2025/2026 ուսումնական տարվա առկա և հեռակա ուսուցման ձևերով ընդունելությունը կատարվելու է համաձայն «ԵՊՀ մագիստրատուրայի (առկա և հեռակա ուսուցման ձևերով) ընդունելության կարգ»-ի պահանջների:

ԵՊՀ մագիստրատուրայի ընդունելությունը կատարվում է առցանց եղանակով՝ admission.ysu.am կայքէջի միջոցով (տե՛ս «Դիմում-հայտի լրացման կարգ» բաժինը):  

Մագիստրատուրայի ընդունելության համար դիմորդները պետք է մուտքագրեն հետևյալ փաստաթղթերը (սկանավորված).

ա. բարձրագույն կրթության դիպլոմը և դիպլոմի միջուկը* (միջուկի 1-ին էջը և գնահատականների միայն հայերեն հատվածը),
բ. լուսանկար (3X4 չափսի),
գ. զինվորական գրքույկի (առկայության դեպքում) բնօրինակը (անհրաժեշտ է ներբեռնել 1-4-րդ և 18-19-րդ էջերը),
դ. անձնագիրը (1-4-րդ էջերը) կամ նույնականացման քարտը (երկկողմանի),
ե. ընդունելության ծառայությունների համար գանձվող 5000 ՀՀ դրամի վճարման անդորրագիրը (ԵՊՀ՝ «Արդշինբանկ» ՓԲԸ 2470101276000001 հաշվեհամարին)։

Եթե փոխանցումը կատարված է առցանց տարբերակով, և անդորրագրի վրա չեն երևում վճարման նպատակը և դիմորդի անուն-ազգանունը, ապա անհրաժեշտ է դրանք ձեռագիր ավելացնել և սկանավորել։

*2025 թ. ԵՊՀ շրջանավարտները (դեռևս դիպլոմ չստացած) պետք է ներկայացնեն ակադեմիական տեղեկագիր՝ կնքված և ստորագրված ֆակուլտետի դեկանի կողմից, իսկ ՀՀ այլ բուհերի 2025 թ. շրջանավարտները (դեռևս դիպլոմ չստացած)՝ տվյալ բուհի ռեկտորի ստորագրությամբ տեղեկանք՝ բակալավրիատի շրջանավարտ լինելու մասին, և ակադեմիական տեղեկագիր՝ կնքված ու ստորագրված:

*Դիմորդի ներկայացրած դիպլոմի իսկությունը պարզելու նպատակով հանձնաժողովն իրավասու է ըստ անհրաժեշտության դիմորդից պահանջելու «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք դիպլոմի իսկության մասին:

Արտասահմանյան բուհի դիպլոմ ներկայացնելու դեպքում դիմորդը դիպլոմի հետ պետք է ներկայացնի նաև «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք դիպլոմի համարժեքության մասին:

«Երևանի պետական համալսարան» հիմնադրամի 2025-2026 ուսումնական տարվա բակալավրիատի և մագիստրատուրայի ուսման վարձի չափն ըստ մասնագիտությունների հաստատելու մասին. Որոշում N 8/2

Ընդունելության քննության անցկացման ձևաչափը՝ գրավոր:     

1. Անվանական և իրական ՀՆԱ: Գների ինդեքսները, դրանց տեսակները
2. Առաջարկ և պահանջարկ․ առաջարկի և պահանջարկի ոչ գնային գործոնները, առաձգականությունը
3. Խնայողությունների, ներդրումների և ընթացիկ հաշվի ֆորմալ վերլուծությունը: Ընթացիկ հաշիվը և միջազգային առևտուրը: Առևտրային հաշվեկշիռ
4. Փողի տեսակները և ֆունկցիաները: Փողի առաջարկը: Փողի բազա և զանգված
5. Ինֆլյացիա. էությունը, տեսակները, հետևանքները
6. Կարճաժամկետ ծախքերի ֆունկցիաներ: Ընդհանուր, միջին և սահմանային ծախքերի կորերը
7. Բնական մոնոպոլիաները և դրանց կարգավորումը
8. Մաքսային և ոչ մաքսային քաղաքականությունների ազդեցությունը արտաքին առևտրի վրա
9. Ֆինանսական համակարգ և ֆինանսական միջնորդներ
10. Արժեթղթերի շուկայի էությունը, տեսակները և ֆունկցիաները
11. Արժեթղթերի շուկայի անհատական և ինստիտուցիոնալ մասնակիցները
12. Արժույթի շուկա. ֆունկցիաները և գործարքները շուկայում
13. Արժեթղթերի արժեքի և եկամտաբերության գնահատումը
14. Ներդրումային և կենսաթոշակային ֆոնդեր. գործունեության մեխանիզմները
15. Հարկաբյուջետային քաղաքականություն․ գործիքները
16. ՀՀ հարկման համակարագերը և հարկերի տեսակները, դրույքաչափեր
17. Ֆինանսական հաշվարկների իրականացում, տոկոսադրույքներ, զեղչադրույքներ
18. Անվերջ և ժամկետային անուիտետներ․ անուիտետի աճած և բերված արժեքներ
19. Ֆինանսական վերլուծության նպատակը և հիմնական տեսակները
20. Ֆինանսական վերլուծություն․ կարճաժամկետ իրացվելիության և ակտիվների կառավարման գործակիցներ
21. Ֆինանսական վերլուծություն․ պարտքի կառավարման (կապիտալի) և շահութաբերության գործակիցներ
22. Կապիտալ բյուջետավորման էությունը և մեթոդները
23. Հետգնման ժամկետ, եկամտաբերության ներքին նորմի հաշվարկ
24. Ֆինանսական հաշվետվությունների էությունը և ձևերը
25. Հիմնական ֆինանսական հաշվետվությունների կառուցվածքը
26. Աուդիտի էությունը և հիմնարար սկզբունքները
27. Դրամավարկային քաղաքականություն, նպատակները, գործիքները և փոխանցումային մեխանիզմը
28. Դրամավարկային և հարկաբյուջետային քաղաքականությունների համադրումը
29. ՀՀ մաքսային համակարգը․ մաքսատուրքեր և մաքսավճարներ
30. Ձեռնարկատիրական գործունեության պլանավորումը և կազմակերպումը. բիզնես պլան

Գրականություն

1. Մենքյու Գ., Մակրոտնտեսագիտություն, Երևան, 1997։
2. Մնացականյան Հ., Սահակյան Գ., Ֆինանսների կառավարման հիմունքներ, Երևան, 2016։
3. Սարգսյան Ա.Զ. և ուրիշներ, Հաշվապահական հաշվառում ուս. ձեռն., Երևան, «Տնտեսագետ», 2007։
4. Ասատրյան Բ. և ուրիշներ, «Բանկային գործ» ուս. ձեռն., Երևան, 2004։
5. Թորոսյան Թ., Միջազգային տնտեսագիտություն. առևտուր և ֆինանսներ, Երևան, 2005։
6. Макконел К.П., Брю С.Л., Макроэкономика (ցանկացած հրատ․)․
7. Сакс Дж., Ларрен Ф., Макроэкономика: глобальный подход, Москва, 1996.
8. Тарасевич Л.С., Гребенников П.И., Леусский А.И., Макроэкономика (ցանկացած հրատ․)․
9. Халл Вариан, Микроэкономика. Промежуточный уровень. Современный подход․
10. Ломакин В.К., Мировая экономика, М., 2007.
11. Роуз П., Банковский менеджмент., М., ''Дело'', 1997.
12. Стояновой Е.С., Финансовый менеджмент (теория и практика) под ред., М., 2003.
13. Брейли Ф., Майерс С., Принципы корпоративных финансов, М., ''Олимп Бизнес'' (ցանկացած հրատ.).
14. Мескон М.Х. и др., Основы менеджмента. Пер. с англ., М., “Дело”, 1994.
15. Котлер Ф., Управление маркетингом, М., 1989.
16. Девид Дж. Речмен, Майкл Х. Мексон и др., Современный бизнес в 2-х томах. Изд. ''Республика", М., 1995.
17. Экономика предприятия. Под ред. Волкова, М., 2003.
18. Стиглиц Дж., Экономика государственного сектора. М., 1997.