От науки к технологическим решениям: ЕГУ представил свои инновационные разработки на выставке «Silicon Mountains Expo 2026»

Ереванский государственный университет представил свои исследования и инновационные разработки в области материаловедения, нанотехнологий, фотоники и искусственного интеллекта на международной технологической выставке «Silicon Mountains Expo 2026».

Նոյեմբերի 3-4-ը «Դվին» մյուզիք-հոլում անցկացված ցուցահանդեսում ԵՊՀ-ն ներկայացել է երկու գիտական կենտրոնների մշակումներով՝ ցուցադրելով համալսարանում կատարվող հետազոտությունների կիրառական ներուժը։

Ցուցահանդեսի առաջին օրը ԵՊՀ նյութագիտության և նանոտեխնոլոգիաների գիտական կենտրոնը ներկայացրել է կիսահաղորդչային գազային և լարվածության սենսորներ, ինչպես նաև հեղուկ-բյուրեղային օպտիկական տարրեր։

Այս մշակումները կիրառության հեռանկարներ ունեն արդյունաբերական և բնապահպանական անվտանգության, ինժեներական ճշգրիտ չափումների, լույսի և օպտիկական ազդանշանների կառավարման ոլորտներում։ Դրանք ցույց են տալիս, թե ինչպես կարող են հիմնարար գիտական հետազոտությունները հիմք դառնալ իրական խնդիրների լուծմանն ուղղված տեխնոլոգիաների մշակման համար։

Երկրորդ օրը ԵՊՀ ֆոտոնիկայի և արհեստական բանականության լաբորատորիան ներկայացրել է իր հետազոտական ուղղությունները՝ առանձնացնելով ֆիզիկական արհեստական բանականության (Physical AI) հնարավորությունները։

Լաբորատորիայում մշակված փորձարարական համակարգի միջոցով ցուցադրվել է, թե ինչպես կարող է արհեստական բանականությունը դուրս գալ թվային միջավայրի սահմաններից, ինքնուրույն կառավարել ֆիզիկական սարքավորումները և կատարել գիտական փորձեր։

Այս ուղղության զարգացումը նոր հնարավորություններ է ստեղծում հետազոտական գործընթացների ավտոմատացման, փորձարարական աշխատանքի արդյունավետության բարձրացման և արհեստական բանականության կիրառման շրջանակի ընդլայնման համար։

ԵՊՀ մասնակցությունը տեխնոլոգիական ցուցահանդեսին կարևոր է նաև համալսարանի գիտական ներուժի ճանաչելիության բարձրացման և նոր համագործակցությունների ձևավորման տեսանկյունից։ Այն հնարավորություն է տալիս գիտական մշակումները ներկայացնելու ոչ միայն ակադեմիական միջավայրում, այլև տեխնոլոգիական ընկերություններին, ներդրողներին և հնարավոր գործընկերներին։

«Ներդրումներ նորարարության մեջ» («Invest in Innovation») խորագրով «Silicon Mountains 2026» միջազգային գագաթնաժողովն այս տարի առաջին անգամ ուղեկցվել է տեխնոլոգիական ցուցահանդեսով՝ միավորելով գիտության, տեխնոլոգիական արդյունաբերության և ներդրումային ոլորտների ներկայացուցիչներին։

ԵՊՀ-ն հետևողականորեն զարգացնում է այնպիսի գիտահետազոտական միջավայր, որտեղ նոր գիտելիքի ստեղծումը զուգակցվում է կիրառական տեխնոլոգիաների մշակմամբ։ Այս մոտեցմամբ համալսարանը ձգտում է ընդլայնելու գիտություն-բիզնես համագործակցությունը, խթանելու գիտական արդյունքների գործնական կիրառումը և իր գիտական ներուժով նպաստելու Հայաստանի տեխնոլոգիական զարգացմանը։