Профессиональный праздник геолога в Ереванском государственном университете отметили открытием интерактивной аудитории

На факультете географии и геологии Ереванского государственного университета отметили профессиональный праздник геолога. Этот день также ознаменовался открытием интерактивной аудитории имени известного геолога Гагика Карапетяна. Мероприятие началось с показа видеоролика, посвященного жизни и творчеству Гагика Карапетяна.

Ինտերակտիվ լսարանում ժամանակակից լուծումներով ներկայացված են և՛ մետաղական օգտակար հանածոների նմուշներ, որոնք կիրառվում են արդյունաբերության, մեքենաշինության, նորագույն տեխնոլոգիաների մեջ, և՛ հնէաբանական, ինչպես նաև այնպիսի նմուշներ, որոնք կիրառվում են շինարարությունում, քիմիական արդյունաբերությունում և այլ ոլորտներում:

Լսարանը հագեցած է արդի տեխնիկական սարքավորումներով, որոնք թե՛ տեսական, թե՛ գործնական լայն գիտելիքներ ստանալու հնարավորություն են ընձեռում ուսանողներին. նրանք կարող են ինտերակտիվ էկրանի միջոցով խորությամբ ուսումնասիրել երկրի կառուցվածքը, կատարված և սպասվող իրադարձությունները, նորագույն սարքավորումների կիրառմամբ մանրամասն ուսումնասիրել ապարների ու միներալների կառուցվածքային առանձնահատկությունները, VR ակնոցների շնորհիվ «մտնել» հանքավայր՝ տեսնելու հանքարդյունաբերական աշխատանքները:

ԵՊՀ ռեկտոր Հովհաննես Հովհաննիսյանը շեշտեց, որ տարիներ շարունակ ընդգծվում է բիզնեսի և կրթության կապի ամրապնդման կարևորությունը, քանի որ մեկն առանց մյուսի չի կարող գոյատևել, և այսօրինակ համագործակցությունները դրա վկայությունն են։

«Բիզնեսը ներդրում է անում կրթության ոլորտում, իսկ համալսարանն ապահովում է որակյալ կադրեր՝ բիզնեսի բարգավաճման համար: Վստահ եմ, որ նմանատիպ համագործակցությունները տարբեր ընկերությունների հետ շարունակվելու են, և պտուղներն իրենց սպասեցնել չեն տալու: Կարծում եմ, որ այսօրինակ համագործակցությունները կխթանեն Աշխարհագրության և երկրաբանության ֆակուլտետի զարգացումն ու առաջընթացը»,- ասաց ռեկտորը՝ ընդգծելով հանքարդյունաբերության դերը՝ որպես մեր երկրի տնտեսության հիմնական ճյուղերից մեկը:

Հովհաննես Հովհաննիսյանը նշեց նաև, որ ԵՊՀ ռազմավարությամբ որդեգրել են առաջիկա տարիներին ստեղծել նոր կրթական միջավայր՝ ավելի որակյալ կրթություն ապահովելու համար, իսկ երկրաբանի մասնագիտությունը կվերականգնի իր երբեմնի փառքն ու դիրքը:

Անվանի երկրաբան Գագիկ Կարապետյանի որդին՝ «Նորգեո» ՍՊԸ համահիմնադիր Մկրտիչ Կարապետյանը, շեշտեց, որ երկրաբանությունը որքան կարևոր է օգտակար հանածոների որոնման, հայտնաբերման ու գնահատման համար, այնքան էլ բնական աղետների կառավարման ու այլ գործընթացների համար։ Համալսարանում իրենց ունեցած ներդրումը նաև միտված է Հայաստանի տնտեսության զարգացմանը:

ՀՀ բնապահպանության և ընդերքի տեսչական մարմնի ղեկավար Հովհաննես Մարտիրոսյանն էլ հիշատակեց, որ Աշխարհագրության և երկրաբանության ֆակուլտետի հետ բավական հաջող փորձ ունեն համագործակցության։ Արդեն երկու տարի է՝ տեսչական մարմնի աշխատակիցները տարբեր կրթական ծրագրերի են մասնակցում ֆակուլտետում, ինչը նպաստում է նրանց կրթական մակարդակի կատարելագործմանը: Հովհաննես Մարտիրոսյանն ընդգծեց, որ համագործակցությունը ֆակուլտետի հետ շարունակական է լինելու:

«Նորգեո» ընկերության տնօրեն Դավիթ Դավթյանը շեշտեց, որ ինտերակտիվ լսարանի բացումը իրենց հոգատարության և հավատարմության նշանն է ոլորտի ուսանողների հանդեպ։

«Գագիկ Կարապետյանի աշխատանքը ոգեշնչել է շատերին: Մենք հավատում ենք ուսանողների մեծ ներուժին և հավատով սպասում, թե ինչպես է ձևավորվելու ոլորտի ապագան»,- ասաց նա:

Աշխարհագրության ֆակուլտետի դեկան Սարգիս Քելյանը, շնորհավորելով Երկրաբանի մասնագիտության օրվա առթիվ, ընդգծեց, որ սա այն մասնագիտությունն է, որը ձևավորում է մեր գիտակցական կապը երկրի հետ՝ նպաստելով տեսնելու ոչ միայն նրա նյութական կառուցվածքը, այլև ընկալելու կենսագործունեությունը, նշանակությունը խորքային մակարդակում. «Երկրաբանի մասնագիտությունը մեծ նշանակություն ունի մեր երկրի կայուն զարգացման համար, հատկապես՝ արդյունաբերության, էներգետիկայի, բնական աղետների, շրջակա միջավայրի պահպանության և նորարարական տեխնոլոգիաների ոլորտներում: Հայաստանում, որտեղ հանքարդյունաբերությունը տնտեսության հիմնական բաղադրիչներից է, երկրաբան մասնագետներն ունեն առանցքային դերակատարություն, հենց նրանք են, որ ճշգրտությամբ ուսումնասիրում են երկրակեղևի կառուցվածքը՝ բացահայտելով օգտակար հանածոների հանքավայրերը, գնահատելով դրանց տնտեսական նշանակությունը և մշակելով արդյունահանման մեթոդները»:

Դեկանն ընդգծեց, որ եկրաբանների գիտելիքն ու փորձը ոչ միայն խթանում են հանքարդյունաբերության զարգացումը, այլև վճռորոշ դեր են խաղում բնական ռեսուրսների ռացիոնալ կառավարման, շրջակա միջավայրի պահպանման և մարդկության կայուն զարգացման մեջ. «Եկրաբանական գիտությունը կարևոր դերակատարում ունի նաև կլիմայի փոփոխության կանխարգելման և բնական աղետների կանխատեսման ուղղությամբ, ինչը ոչ միայն գիտական, այլև սոցիալական, տնտեսական, ռազմավարական նշանակություն ունի»:

Սարգիս Քելյանը շեշտեց, որ ֆակուլտետը երկար տարիներ հանդես է գալիս որպես կարևորագույն գիտական կենտրոն՝ պատրաստելով բարձր որակավորում ունեցող մասնագետներ երկրաբանական, հանքաբանական, շրջակա միջավայրի գիտությունների և այլ ոլորտներում. «Սա իրականանում է նվիրված ու բանիմաց դասախոսկան կազմի, ինչպես նաև պետական կառույցների, մասնավոր ընկերությունների ու միջազգային կազմակերպությունների հետ տարիներ ի վեր կառուցած համագործակցությունների շնորհիվ»:

Միջոցառմանը զեկույցներով հանդես եկան ԶՊՄԿ գլխավոր տնօրենի առաջին տեղակալ, Հայաստանի հանքագործների և մետալուրգների միության նախագահ Վարդան Ջհանյանը՝ ներկայացնելով «Հանքարդյունաբերության ներուժը ու հեռանկարները ՀՀ տնտեսության զարգացման համատեքստում» թեման:

«Լիդիան Արմենիա» ընկերության հիմնադիր և գործադիր տնօրեն Հայկ Ալոյանը պատմեց, թե ինչ ազդեցություն ունի գիտության զարգացումը մետաղների համաշխարհային պահանջարկի վրա։

ԵՊՀ երկրաֆիզիկայի, ճարտարագիտական երկրաբանության և ջրաերկրաբանության ամբիոնի պրոֆեսոր Սարգիս Հայրոյանը ներկայացրեց «Հայաստանում վտանգավոր երկրաբանական երևույթների տարածումը» թեման, իսկ Ռեգիոնալ երկրաբանության և օգտակար հանածոների հետախուզման ամբիոնի դոցենտ Ռուբեն Մովսեսյանը անդրադարձավ հանքային երկրաբանության արդի հիմնախնդիրներին:

Կայացավ նաև ֆակուլտետի երկարամյա պատմությունն ամփոփող ֆոտոգրքի շնորհանդեսը: Այն ներկայացնում է ֆակուլտետի 90-ամյա կենսագրությունը՝ հիմնադրումից մինչև մեր օրեր, անդրադարձ է կատարվում նաև ֆակուլտետում գործող կրթական ծրագրերին և ուսանողական կյանքին:

Աշխարհագրության և երկրաբանության ֆակուլտետի հետ ակտիվ կրթագիտական համագործակցության համար շնորհակալագրեր շնորհվեցին «Նորգեո» ՍՊԸ գիտատեխնիկական գծով տնօրեն Հայկ Իգիթյանին, համահիմնադիր Սուրեն Ամիրբեկյանին, համահիմնադիր-տնօրեն Դավիթ Դավթյանին, իսկ ԵՊՀ 100-ամյակի հուշամեդալով պարգևատրվեցին «Նորգեո» ՍՊԸ համահիմնադիրներ Մկրտիչ Կարապետյանն ու Ռոբերտ Կարապետյանը:

Ոսկե մեդալով պարգևատրվեցին ԵՊՀ պրոֆեսոր Սարգիս Հայրոյանը և դոցենտ Ռուբեն Մովսեսյանը: