Подведены итоги «Олимпиады ЕГУ-2025». Лучшие участники были награждены

В зале заседаний Учёного совета ЕГУ состоялось итоговое мероприятие по подведению итогов «Олимпиады ЕГУ-2025», проходившей в апреле-мае. В ходе торжественной церемонии награждения школьникам, победившим в олимпиаде, были вручены дипломы первой, второй и третьей степени, а также похвальные грамоты и подарки.

ԵՊՀ ռեկտոր Հովհաննես Հովհաննիսյանն իր ողջույնի խոսքում շեշտեց․ «Գիտելիքն ու գերազանցությունը խրախուսելու նպատակով ԵՊՀ-ն տարիներ շարունակ անցկացնում է այսօրինակ օլիմպիադաներ։ Ուրախ եմ, որ այս դահլիճում իսկապես լավագույններն են՝ արդեն իսկ հաղթողները։ Մեր հաջորդ կարևոր նպատակը ԵՊՀ-ի և աշակերտների կապի ամրապնդումն է։ Քանի որ օլիմպիադան միաժամանակ ուղի է դեպի համալսարան, ԵՊՀ ընդունվելու դեպքում մրցանակակիրները կստանան արտոնություններ, այդ թվում՝ ուսման վարձի մասնակի զեղչ»:

ԵՊՀ ակադեմիական հարցերի գծով պրոռեկտոր Էլինա Ասրիյանը, կարևորելով երիտասարդների դերը կրթական միջավայրի շարունակական փոփոխության պայմաններում, ընդգծեց․ «Այսօրվա կրթությունը փորձում է համընթաց քայլել տեխնոլոգիաների արագ զարգացման հետ, ուստի մենք գիտակցում ենք, որ իրավունք չունենք կանգ առնելու։ Դուք՝ օլիմպիադայի հաղթողներդ, ապացուցեցիք, որ նորարարությունը ճիշտ ձեռքերում է։ Շնորհավորում եմ և մաղթում, որ մշտապես լինեք գիտելիքի, զարգացումների ու ինքնակատարելագործման շարունակական ընթացքի մեջ»։

Օլիմպիադայի կազմակերպիչ, ԵՊՀ ընդունելության և դիմորդների հետ տարվող աշխատանքների կենտրոնի նախկին ղեկավար Քրիստինե Հարությունյանը, մատնանշելով, որ միջոցառման սպասելիքները լիովին արդարացվել են, ասաց. «Հաղթում են լավագույնները, և նրանցից շատերն արդեն ասել են, որ իրենց ապագան տեսնում են ԵՊՀ-ում։ Դա մեզ համար ամենաոգևորիչ արդյունքն է»։

Մրցանակների հանձնմանը մասնակցում էին համապատասխան առարկայական ֆակուլտետների դեկանները և ներկայացուցիչները: Նրանք իրենց հերթին շնորհավորեցին աշակերտներին և ընդգծեցին օլիմպիադայի՝ որպես կրթական խթանի ու սերունդների միջև կապ ստեղծող կամուրջի կարևորությունը:

Մրցանակներ հանձնվեցին «Կենսաբանություն», «Մաթեմատիկա», «Ինֆորմատիկա», «Ֆիզիկա», «Հայոց պատմություն», «Հայոց լեզու և գրականություն, «Պետություն և իրավունք», «Աշխարհագրություն», «Անգլերեն», «Ռուսերեն», «Գերմաներեն», «Ֆրանսերեն» և «Տրամաբանություն» առարկաներից:

ԵՊՀ կենսաբանության ֆակուլտետի դեկան Կարեն Ղազարյանը, առանձնահատուկ ընդգծելով բնագիտական ուղղության մասնակիցների առաջադիմությունը, նշեց. «Սա ձեր առաջին քայլն է դեպի համալսարան։ Ուրախ եմ տեսնելու, որ այսքան շնորհալի աշակերտներ կան կենսաբանության բնագավառում։ Վստահ եմ՝ դուք կդառնաք ԵՊՀ-ի կարևոր մասնիկը»։

Պատմության ֆակուլտետի դեկան Մխիթար Գաբրիելյանը կարևորեց ազգային ինքնության գիտակցումը․ «Ձեր ցուցաբերած գիտելիքները հույս են ներշնչում, որ ունենք այնպիսի երիտասարդություն, որը ոչ միայն ճանաչում է սեփական պատմությունը, այլև պատրաստ է լինելու մեր ապագայի արժանապատիվ շարունակողը»։

Աշխարհագրության և երկրաբանության ֆակուլտետի դեկան Սարգիս Քելյանը, անդրադառնալով իր բնագավառին, փաստեց․ «Տարածված կարծիք է, թե աշխարհագրությունը հետաքրքրություն չի առաջացնում երիտասարդության շրջանում, սակայն այսօր համոզվեցի՝ ունենք տաղանդաշատ աշակերտներ, որոնց հպարտությամբ կարող ենք համարել ապագա ուսանողներ»։

ԵՊՀ գիտական խորհրդի որոշմամբ օլիմպիադայում հանրակրթական առարկաներից հաղթող ճանաչված (I, II և III կարգի դիպլոմների արժանացած) աշակերտներին համալսարանի վճարովի համակարգ ընդունվելու դեպքում առաջին կուրսում կտրամադրվի համապատասխանաբար 50, 40, և 30 տոկոս ուսման վարձի զեղչ: