Микроквалификации - новый путь развития систем высшего образования

В зале заседаний Учёного совета ЕГУ прошел очередной семинар проекта «MICRO-GEAR», реализуемого в рамках программы ЕС «Erasmus+». Он направлен на поддержку структурных реформ в сфере образования, в том числе на широкое распространение и применение микроквалификаций в системах высшего образования, в частности в Армении и Грузии.

«MICRO-GEAR»-ի շրջանակում իրականացվող «Միկրոորակավորում Հայաստանում և Վրաստանում՝ բարձրագույն կրթության համակարգերի համար. «Հարավկովկասյան փարոս»» («Micro-Credentials for Higher Education Systems of Georgia and Armenia: South Caucasus Lighthouse») ծրագիրը միտված է բարձրագույն կրթության՝ շարունակական կրթության և կրթական համակարգերի արդիականացման համատեքստում միկրոորակավորումների դերի բարձրացմանը։ Ծրագիրն անցկացվում է հիբրիդ ձևաչափով Երևանում և Թբիլիսիում՝ միաժամանակ ապահովելով ինչպես անցանց, այնպես էլ առցանց մասնակցություն։

Նախագծի շրջանակում ակադեմիական հաստատությունների, հասարակական կազմակերպությունների ներկայացուցիչները, ոլորտի փորձագետները, մասնագետները ոչ միայն Հայաստանից, այլև եվրոպական տարբեր բուհերից համատեղ կքննարկեն միկրոորակավորումների մշակման սկզբունքները, քաղաքականության ձևավորման մարտահրավերներն ու հնարավորությունները։

ԵՊՀ գիտական հարցերի գծով պրոռեկտոր Ռաֆայել Բարխուդարյանը, ողջունելով ներկաներին, ապա ներկայացնելով ծրագրի մասնակիցներին ու գործընկեր կառույցները, ընդգծեց աշխատաժողովի կարևոր նշանակությունը տարածաշրջանային կրթական համագործակցության և կրթական համակարգերի բարելավման տեսանկյունից։

«Հուսով եմ, որ առաջիկա երկու օրերի ընթացքում՝ այսօր ԵՊՀ-ում, հաջորդիվ Վրաստանի տեխնիկական համալսարանում, մենք կքննարկենք, թե ինչպես կարող ենք բարելավել մեր կրթական համակարգերը։ Միկրոորակավորումները կարող են դառնալ կարողությունների վրա հիմնված ուսուցման կարևոր գործիք՝ նպաստելով նաև տարածաշրջանային համագործակցության ամրապնդմանը։ Եկեք աշխատենք միասին՝ մեր քննարկումները վերածելով գործնական ռազմավարությունների, որոնք ծառայելու են ոչ միայն համալսարաններին և գործատուներին, այլև, որ ամենակարևորն է, մեր ուսանողներին»,- նշեց պրոռեկտորը։

ԵՊՀ միջազգային համագործակցության վարչության բաժնի վարիչ Արսեն Ապրոյանն ընդգծեց «MICRO-GEAR» ծրագրի կարևորությունը բուհերի համար՝ մասնավորապես միկրոորակավորումների տարածման և համատեղ նախաձեռնությունների խթանման համատեքստում։

«Շատ ուրախ եմ այսօր ձեզ տեսնելու Երևանի պետական համալսարանում։ Ուրախ եմ ողջունելու Իտալիայի, Իսպանիայի, Գերմանիայի և Վրաստանի մեր գործընկերներին։ Արդեն ավելի քան մեկ տարի է, ինչ համագործակցում ենք այս ծրագրի շրջանակում։ Այն ոչ միայն հետաքրքիր է, այլև շատ կարևոր բարձրագույն ուսումնական հաստատությունների զարգացման տեսանկյունից։ Հուսով եմ, որ առաջիկա օրերի ընթացքում մեր գործընկերների ու հյուրերի ակտիվ ներգրավվածությամբ հնարավոր կլինի ձևավորել հստակ ճանապարհային քարտեզ, որի միջոցով կկարողանանք հստակեցնել հիմնական նպատակներն ու միջոցառումները՝ ուղղված միկրոորակավորումների և ոչ ավանդական կրթական ուղիների զարգացմանը մեր համալսարաններում»,- նշեց նա։

ԵՊՀ-ում անցկացված աշխատաժողովին ներկաներին ողջունեց նաև նախագծի համակարգող, պրոֆեսոր Զազա Թսիամուրան: Հետայդու ներկայացվեցին մի շարք զեկուցումներ, տեղի ունեցան որոշ քննարկումներ՝ ուղղված միկրոորակավորումների հայեցակարգի հստակեցմանը, ազգային օրակարգերում դրանց ներառման հնարավորություններին և մի շարք այլ հարցերի։ Քննարկումները, որոնք նվիրված էին կրթական նորարարական մոդելների ներդրմանը, նպաստեցին փորձի փոխանակմանը և տարածաշրջանային համագործակցության ամրապնդմանը:

Նախագծի շարունակական իրականացումը փաստում է, որ ժամանակակից կրթական համակարգերը ձգտում են լինել առավել ճկուն, անհատականացված և ինտեգրված՝ ի նպաստ ուսանողների և աշխատաշուկայի կարիքների։