Состоялся выпускной вечер первых выпускников старшей STEM-школы ЕГУ

В Центре культуры имени Шарля Азнавура ЕГУ прозвучал «Последний звонок» для первых выпускников старшей STEM-школы. Первые 7 выпускников попрощались со школой, оставив свой след и начав новый путь, полный целей, мечтаний и знаний.

ԵՊՀ ՍԹԵՄ ավագ դպրոցի «Վերջին զանգ» միջոցառմանը ներկա էին ԵՊՀ ակադեմիական հարցերի գծով պրոռեկտոր Էլինա Ասրիյանը, ՍԹԵՄ ավագ դպրոցի տնօրեն Արամ Խաչատրյանը, ուսուցչական աշխատակազմը, ինչպես նաև ծնողներն ու հյուրերը:

ԵՊՀ ակադեմիական հարցերի գծով պրոռեկտոր Էլինա Ասրիյանը, անդրադառնալով օրվա խորհրդին, ընդգծեց. «Այս դպրոցը սկսվեց երազանքից։ Այն, ինչ սկսում է երազանքից, չի կարող վատը լինել: Շատ լավ հիշում եմ խոսքերս, որ ասել եմ առաջին աշակերտներին ընդունվելու ժամանակ։ Այն է՝ դուք արդեն հաջողակ եք, որովհետև դուք 100-ամյա բուհի առաջին դպրոցի անդրանիկ սաներն եք։ Առաջին լինելը և՛ մեծ պատասխանատվություն է, և՛ կարևոր ձեռքբերում։ Ցանկանում եմ, որ միշտ երազեք՝ փոխելու աշխարհը։ Լիահույս եմ՝ ձեր մեջ կլինեն բժշկության, գիտության, տնտեսագիտության ոլորտների մեծանուն գիտնականներ ու հետազոտողներ։ Երազեք շա՛տ, քայլեք համարձա՛կ»:

ԵՊՀ ՍԹԵՄ ավագ դպրոցի տնօրենն իր ելույթում մեծ հպարտությամբ նշեց. «Այսօր ճանապարհում ենք մեր դպրոցի առաջին շրջանավարտներին։ Երկու տարի առաջ, երբ ողջունում էի նրանց, նրանք լցված էին սպասումներով, հույսերով, իսկ այսօր արդեն կայացած անհատներ են։ Դժվար է ասել, թե որ սպասումներն արդարացան կամ չարդարացան, բայց մի բան վստահ կարող եմ ասել՝ ՍԹԵՄ դպրոցը պարզապես ուսումնական հաստատություն չէ, այն մեծ ու ջերմ ընտանիք է, որը միասին ենք ստեղծել։ Եվ այո՛, այստեղից բաժանվելը հեշտ չէ։ Սիրելի՛ շրջանավարտներ, սա ձեր կյանքի մի շրջափուլ է, որի ավարտից հետո յուրաքանչյուրդ քայլելու եք ձեր մասնագիտական ճանապարհով։ Գիտելիքն ու արժեքները, որոնք ստացել եք այստեղ, ձեզ հետ են լինելու միշտ՝ որպես փարոս։ Հանդուրժո՛ղ եղեք, արարո՛ղ եղեք և հավատացե՛ք ձեր ուժերին»։

Միջոցառման ընթացքում շրջանավարտներն իրենց երախտիքի խոսքն ասացին հարազատ կրթօջախին՝ պատմելով դպրոցի հետ կապված ջերմ հիշողությունները: Շրջանավարտները շնորհակալություն հայտնեցին ուսուցիչներին՝ իրենց հավատալու, գիտելիքով զինելու և համարձակ երազել սովորեցնելու համար։ Աշակերտների հավաստմամբ իրենց նոր ուղին սկիզբ է առել հենց այս դպրոցից, որտեղ կրթությունը, գիտությունը և նորարարությունը նպաստել են անձնական աճին՝ ձևավորելով նոր որակներ։ Ուսուցիչներն իրենց հերթին հպարտությամբ նշեցին, որ իրենց աշակերտները սոսկ սովորողներ չեն, այլ դպրոցի արժեհամակարգի կրողներն ու տարածողներն են։

2024-2025 ուստարվա 7 շրջանավարտով սկիզբ դրվեց ԵՊՀ ՍԹԵՄ ավագ դպրոցի պատմության նոր էջին՝ դառնալով խորհրդանշական ուղենիշ ապագա հաղթանակների համար։