Сентября 02, 2025 | 09:20
Образование
Студенческий
«Я хочу стать достойным специалистом ради своей семьи и страны». Студентка ЕГУ Ева Даллакян, лауреат премии в области информационных технологий
«Подобные награды создают новые возможности для профессионального роста и развития», — говорит Ева Даллакян, студентка Института физики Ереванского государственного университета. Это первая награда Евы в её профессиональной сфере, и, как отмечает студентка, подобный успех приносит с собой большой энтузиазм и ответственность. Секрет успеха студентки ЕГУ — не только трудолюбие, но и самокритичное отношение к себе. Она убеждена, что без внутренней требовательности и стремления к постоянному саморазвитию добиться успеха в профессиональной сфере невозможно.
Տեղեկատվական տեխնոլոգիաների (ՏՏ) ոլորտում ամենամյա կրթական պարգևների այս տարվա մրցանակաբաշխության արդյունքներով «Լավագույն բակալավր» անվանակարգում 2-րդ կարգի մրցանակի արժանացած Եվան նշում է, որ շատ ոգևորված է մրցույթի արդյունքներից։
«Մասնագիտական ոլորտում առաջ շարժվելու և զարգանալու համար պետության աջակցությունն ու գնահատանքը շատ կարևոր են։ Այսօրինակ մրցույթներն էլ իրենց հերթին ոչ միայն մոտիվացնում, այլև նոր դռներ են բացում ավելի մեծ նպատակների ու ձեռքբերումների համար»,- նշում է նա։
Եվայի խոսքով՝ իր աշխատասիրությունը, նպատակասլացությունը, կամքի ուժը, անընդհատ զարգանալու ու գիտելիքները հարստացնելու ձգտումը էական դերակատարում են ունեցել այս արդյունքին հասնելու գործում։
Ֆիզիկայի ինստիտուտի «Գերմեծ ինտեգրալ սխեմաների նախագծում» մագիստրոսական կրթական ծրագրի առաջին կուրսի ուսանողին դեռ դպրոցական տարիներից հետաքրքրել են ֆիզիկան ու մաթեմատիկան։ Ժամանակի ընթացքում այս հետաքրքրությունը վերածվել է մասնագիտության ընտրության։
Եվան կարևորում է ԵՊՀ ֆիզիկայի ինստիտուտի նշանակությունն իր մասնագիտական ճանապարհի ձևավորման գործում։ Նա համոզված է, որ ճիշտ որոշում է կայացրել՝ ընտրելով հենց մայր բուհը։
«ԵՊՀ ֆիզիկայի ինստիտուտը տալիս է այն գիտելիքներն ու հմտությունները, որոնք ինձ անհրաժեշտ են որպես մասնագետ կայանալու ճանապարհին։ Մեծապես գնահատում եմ դասախոսների աջակցությունը, ինչպես նաև ուսանողամետ մոտեցումը, որ ցուցաբերում է ինստիտուտի ողջ անձնակազմը»,- մատնանշում է նա։
Խոսելով ՏՏ ոլորտում իր նախասիրությունների մասին՝ ուսանողն ասում է, որ իրեն գրավում են ոչ միայն ոլորտի արդիականությունն ու դինամիկ զարգացումը, այլև ստեղծագործական և վերլուծական ազատությունը։
«Այդ ամենը համատեղվում է արհեստական բանականության և ժամանակակից ծրագրային գործիքների կիրառման հետ, ինչը ոլորտը դարձնում է առավել հետաքրքիր ու հեռանկարային»,- ընդգծում է նա։
Եվայի համար ցանկալի կլիներ նաև ակադեմիական կրթությանը զուգահեռ՝ գործնական դասընթացների ավելացումը, որ գիտելիքի կիրառումը է՛լ ավելի ամրապնդեր ձեռք բերած տեսական գիտելիքը՝ հեշտացնելով գործնական նախագծերի շուրջ աշխատանքը։ Այս ուղղությամբ նա արդեն ունի փորձ․ 2024 թվականից աշխատում է «Սինոփսիս Արմենիա» ընկերությունում՝ արագագործ հաղորդիչ-ընդունիչ կապի համակարգերի նախագծման բաժնում։ Այս աշխատանքը, ըստ նրա, հնարավորություն է տալիս ակադեմիական գիտելիքը կիրառելու գործնականում և մշտապես զարգանալու։
ԵՊՀ ուսանողն ունի բազմաթիվ նպատակներ․ ցանկանում է դառնալ ոլորտի առաջատար մասնագետ։ Ասում է՝ կփորձի անել առավելագույնը՝ հարստացնելու մասնագիտական գիտելիքները և նպաստելու ոլորտի առաջընթացին։
