Июнь 15, 2026 | 14:26
Наука
Образование
Международное сотрудничество
«Продвижение ценностного образования в высших учебных заведениях». В ЕГУ состоялся курс переподготовки, посвященный методологии «VAKE»
Исполняющая обязанности декана факультета европейских языков и коммуникации Ереванского государственного университета Марине Ягубян провела двухдневный курс переподготовки для преподавательского состава на тему «Продвижение ценностного воспитания в высших учебных заведениях», в котором приняли участие 38 преподавателей факультета.
Դասընթացի առանցքում էր «VAKE» (Values and Knowledge Education՝ արժեքների և գիտելիքի կրթություն) մեթոդաբանությունը, որը միավորում է գիտելիքի ձեռքբերումը և արժեքային կրթությունը՝ նպաստելով ուսանողների քննադատական մտածողության, բարոյական դատողությունների և հիմնավորված որոշումներ կայացնելու կարողությունների զարգացմանը։
Վերապատրաստման ընթացքում Մարինե Յաղուբյանը ներկայացրեց ժամանակակից կրթական միջավայրում «VAKE» մոդելի տեսական հիմքերը, դրա ձևավորման սկզբունքները և բարձրագույն կրթության ոլորտում կիրառման հնարավորությունները։ Նա անդրադարձավ մեթոդաբանության հիմնական գաղափարներին՝ ընդգծելով, որ կրթությունը պետք է ոչ միայն գիտելիք փոխանցի, այլև նպաստի անձի արժեքային համակարգի ձևավորմանը, սոցիալական պատասխանատվության և քաղաքացիական գիտակցության զարգացմանը։
Դասընթացի մասնակիցները ծանոթացան «VAKE» մեթոդի փուլերին և գործնական կիրառման քայլաշարին։ Մասնավորապես, ներկայացվեցին «դիլեմայի պատմությունների» կիրառման առանձնահատկությունները, որոնց միջոցով ուսանողները բախվում են իրական կամ պայմանական բարոյական խնդիրների և ներգրավվում քննարկումների մեջ։ Այնուհետև նրանք հավաքագրում և վերլուծում են անհրաժեշտ տեղեկությունը, համադրում տարբեր տեսակետներ, ձևավորում փաստարկված դիրքորոշումներ և ներկայացնում իրենց եզրակացությունները։
Վերապատրաստման կարևոր բաղադրիչներից էր քննադատական մտածողության զարգացման և բարոյական կողմնորոշման դերի քննարկումը գիտական փաստերի յուրացման գործընթացում։ Շեշտադրվեց, որ ժամանակակից բարձրագույն կրթության պայմաններում ուսանողը պետք է կարողանա ոչ միայն տիրապետել մասնագիտական գիտելիքներին, այլև գնահատել դրանց սոցիալական, մշակութային և էթիկական հետևանքները։
Դասընթացի շրջանակում ներկայացվեցին նաև տարբեր առարկաների դասավանդման փորձից վերցված օրինակներ, որոնց միջոցով ցուցադրվեց, թե ինչպես կարելի է «VAKE» մեթոդաբանությունը ներդնել ուսումնական գործընթացում՝ խթանելով ուսանողների ակտիվ մասնակցությունը, համագործակցային ուսուցումը և հիմնավորված քննարկումների մշակույթը։ Մասնակիցները հնարավորություն ունեցան գործնական առաջադրանքների և խմբային քննարկումների միջոցով մշակելու սեփական դասընթացներում մեթոդի կիրառման տարբերակներ։
Վերապատրաստման ավարտին մասնակիցները նշեցին, որ ներկայացված մոտեցումները կարող են արդյունավետ գործիք լինել ոչ միայն ուսանողների գիտելիքների խորացման, այլև նրանց արժեքային, քաղաքացիական և մասնագիտական կարողությունների զարգացման համար։ Դասընթացը կարևոր քայլ էր կրթության որակի բարձրացման և արժեքահենք ուսուցման սկզբունքների տարածման ուղղությամբ՝ նպաստելով համալսարանական կրթության ժամանակակից պահանջներին համապատասխան միջավայրի ձևավորմանը։
