Июнь 30, 2026 | 10:56
Партнеры
Образование
Непрерывное образование
Были обсуждены новые подходы к обеспечению качества цифрового обучения в университетах Республики Армения
Международный проект «Erasmus+» «eCAMPUS» («Содействие соблюдению социальной дистанции и инклюзивному образованию в армянских университетах. eCAMPUS»), координируемый Ереванским государственным университетом, направлен на цифровую трансформацию высшего образования в Армении. С этой целью в рамках проекта состоялся двухдневный семинар «Внутреннее обеспечение качества цифрового образования», собравший на одной платформе представителей ведущих вузов и отраслевых организаций Армении и Европы для обсуждения современных подходов к обеспечению качества цифрового преподавания, обучения и оценки, а также разрабатываемых общих стандартов и инструментов для армянских вузов.
Աշխատաժողովը տեղի ունեցավ «Մասնագիտական կրթության որակի ապահովման ազգային կենտրոն» հիմնադրամում։ Հունիսի 24-25-ը կայացած միջոցառմանը մասնակցում էին նախագծի գործընկեր եվրոպական և հայաստանյան բուհերի ու հաստատությունների ներկայացուցիչներ։
Եվրոպական գործընկերներից աշխատաժողովին մասնակցում էին Ջենովայի (Իտալիա), Մադրիդի ինքնավար (Իսպանիա), Լիսաբոնի (Պորտուգալիա) համալսարանների և Ստոկհոլմի թագավորական ինստիտուտի (Շվեդիա) ներկայացուցիչները։ Հայաստանյան կողմից մասնակցում էին Երևանի պետական, Խ. Աբովյանի անվան հայկական պետական մանկավարժական, Երևանի պետական բժշկական, Հյուսիսային համալսարանների, ՀՀ ԳԱԱ ինֆորմատիկայի և ավտոմատացման խնդիրների ինստիտուտի, ՀՀ կրթության, գիտության, մշակույթի և սպորտի նախարարության, ինչպես նաև Բարձրագույն կրթության և գիտության կոմիտեի ներկայացուցիչները։
ԵՊՀ-ն աշխատաժողովում ներկայացնում էին Որակի ապահովման կենտրոնի տնօրեն, նախագծի համակարգող Արմեն Բուդաղյանը, կենտրոնի փոխտնօրեն Մարի Սանթուրջյանը, Շարունակական կրթության կենտրոնի տնօրեն Լուսինե Խառատյանը, Եվրոպական լեզուների և հաղորդակցության ֆակուլտետի դեկանի ժամանակավոր պաշտոնակատար Մարինե Յաղուբյանը, նույն ֆակուլտետի դասախոս Լ. Սարգսյանը, ինչպես նաև Փիլիսոփայության պատմության, տեսության և տրամաբանության ամբիոնի դասախոսներ Ս. Պետրոսյանը և Ս. Խաչատրյանը։
Աշխատաժողովի ընթացքում մասնակիցները քննարկեցին թվային կրթության որակի ապահովման չափանիշները, ինքնավերլուծության գործիքները և դրանց կիրառման ուղեցույցները, որոնք նախատեսվում է ներդնել ՀՀ բարձրագույն ուսումնական հաստատություններում։
Առաջին օրը եվրոպացի գործընկերներ Վիկտոր Կորդասը, Ջովաննի Ադորնին, Ռեյես Էռնանդեսը և Ռուի Մենդեսը ներկայացրին իրենց բուհերի փորձը՝ ընդգծելով թվային կրթության ոլորտում որակի ներքին ապահովման մեխանիզմների ներդրման կարևորությունը։ Քննարկումների առանցքում էր նաև կրթության ոլորտում արհեստական բանականության պատասխանատու և արդյունավետ կիրառումը։
Մասնակիցները քննարկեցին նաև նախագծի շրջանակում մշակված ՀՀ բուհերի դասախոսների թվային կարողությունների շրջանակը (ԹԿՇ), որը նպաստում է թվային տեխնոլոգիաների և արհեստական բանականության գործիքների մասնագիտական, պատասխանատու և էթիկական կիրառմանը։
Աշխատաժողովի երկրորդ օրը եվրոպական գործընկերների համակարգմամբ մասնակիցները քննարկեցին ԹԿՇ նպատակները, առանցքային ուղղություններն ու կիրառման հնարավորությունները հայաստանյան բուհերում։
Երկօրյա աշխատաժողովի ընթացքում մասնակիցներն ընդգծեցին, որ թվային և հիբրիդային կրթական միջավայրերում կրթության որակի ապահովումը պահանջում է նույն բարձր չափանիշները, ինչ ավանդական լսարանային ուսուցումը։ Քննարկումները վերաբերում էին ուսումնառության վերջնարդյունքների գնահատմանը, դրանց ձեռքբերման ապացույցների հավաքագրմանը, դասավանդման և գնահատման արդյունավետությանը, ինչպես նաև հետադարձ կապի ապահովմանը։ Ամփոփելով քննարկումները՝ շեշտվեց, որ ուսուցման ձևաչափից (լսարանային, առցանց կամ հիբրիդային) անկախ՝ կրթության որակը պետք է համապատասխանի նույն բարձր չափանիշներին, իսկ ուսումնառության արդյունքների նկատմամբ պահպանվեն նույն ակնկալիքներն ու պատասխանատվությունը։
