Внешняя политика и стратегическая коммуникация Армении в повестке дня летней школы

В Агверане прошла трехдневная летняя школа «Внешняя политика и стратегическая коммуникация Армении», собравшая более 50 студентов и молодых исследователей из различных университетов и научно-исследовательских институтов Республики Армения. Трехдневная программа была направлена на укрепление сотрудничества между вузами и научно-исследовательскими институтами, а также на развитие знаний и аналитических навыков молодых специалистов в области внешней политики, региональной безопасности и стратегической коммуникации.

Ամառային դպրոցի ծրագիրն իրականացվեց Միջազգային հարաբերությունների և Սոցիոլոգիայի ֆակուլտետների, ՀՀ ԳԱԱ արևելագիտության ինստիտուտի, ինչպես նաև Միջազգային հանրապետական ինստիտուտի համագործակցությամբ։

Տարբեր ակադեմիական և մասնագիտական փորձառություններ միավորող այս ձևաչափը հնարավորություն տվեց քննարկելու արտաքին քաղաքականության ու տարածաշրջանային անվտանգության հարցերը, ռազմավարական հաղորդակցության ժամանակակից մոտեցումները և ապատեղեկատվությանը դիմակայելու արդի մարտահրավերները։

Ծրագրին մասնակցեցին ուսանողներ և երիտասարդ հետազոտողներ ԵՊՀ տարբեր ֆակուլտետներից (Միջազգային հարաբերությունների, Արևելագիտության, Պատմության և Սոցիոլոգիայի), Խ. Աբովյանի անվան հայկական պետական մանկավարժական համալսարանից, ինչպես նաև ՀՀ ԳԱԱ արևելագիտության ինստիտուտից։ Մասնակիցների բազմազան կազմը ամառային դպրոցին հաղորդել էր միջգիտակարգային բնույթ և նպաստել տարբեր մասնագիտական դիտանկյուններից մտքերի և գաղափարների ազատ փոխանակմանը։

Ամառային դպրոցի բանախոսներն էին ԵՊՀ միջազգային հարաբերությունների ֆակուլտետի դեկան Տիգրան Եփրեմյանը, փոխդեկան Գոռ Պետրոսյանը, ՀՀ ԳԱԱ արևելագիտության ինստիտուտի տնօրեն Գոհար Իսկանդարյանը, ինստիտուտի միջազգային հարաբերությունների բաժնի վարիչ Արաքս Փաշայանը, Թուրքիայի բաժնի վարիչ Լևոն Հովսեփյանը, Իրանի բաժնի առաջատար գիտաշխատող Արտյոմ Տոնոյանը, ԵՊՀ սոցիոլոգիայի ֆակուլտետի «Հասարակայնության հետ կապեր (PR)» մագիստրոսական կրթական ծրագրի ղեկավար Նվարդ Մելքոնյանը, «Ռազմավարական հաղորդակցություն» մագիստրոսական կրթական ծրագրի ղեկավար Արտակ Շաքարյանը և նույն ծրագրի դասախոս Աննա Նաղդալյանը։

Բովանդակային դասախոսություններից բացի՝ մասնակիցները «Համաշխարհային սրճարան» («World Café») ձևաչափով ակտիվ քննարկումների ընթացքում փոխանակեցին գաղափարներ, առաջադրեցին հարցեր և համատեղ վերլուծեցին ներկայացված թեմաները։

Ծրագրի ավարտին մասնակիցներին հանձնվեցին հավաստագրեր՝ որպես գիտելիքի, քննարկումների և մասնագիտական նոր կապերի ձևավորմամբ հագեցած երեք օրերի կարևոր ամփոփում։