Կրթաթոշակ ԵՊՀ ասպիրանտների և պրոֆեսորադասախոսական հիմնական կազմի համար․ Գերմանիա

Գերմանիայի Ֆրիդրիխ Շիլլերի անվան Յենայի համալսարանը միջբուհական համագործակցության շրջանակում տրամադրում է կրթաթոշակ ԵՊՀ ասպիրանտների և պրոֆեսորադասախոսական հիմնական կազմի համար (1 ամիս ժամկետով)՝ 2025/2026 ուստարվա առաջին կիսամյակում հետազոտական այց կազմակերպելու նպատակով։

Ասպիրանտների համար կրթաթոշակը կազմում է 1300 եվրո, իսկ պրոֆեսորադասախոսական կազմի համար՝ 2000 եվրո: Ավիատոմսերի գումարը ներառված չէ:

Գերմաներենի և/կամ անգլերենի իմացության առնվազն B2 մակարդակը պարտադիր է:

Համալսարանի մասին հավելյալ տեղեկություններ ստանալու համար անհրաժեշտ է անցնել հետևյալ հղմամբ:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետը ս.թ. մայիսի 16-ն է:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն/գերմաներեն).

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. դիպլոմ,

4. հետազոտական աշխատանքի համառոտ նկարագիր/պլան,

5. ԵՊՀ-ում ասպիրանտ և/կամ աշխատակից լինելու մասին տեղեկանք,

6. հրավեր՝ Յենայի համալսարանի պրոֆեսորի կողմից։