«Էրազմուս+» միջազգային կրեդիտային շարժունություն ԵՊՀ-ի և Բիզնեսի բարձրագույն ակադեմիայի (Լեհաստան, Դոմբրովա Գուռնիչա) միջև

«Էրազմուս+» միջազգային կրեդիտային շարժունության գործողության շրջանակում ԵՊՀ-ի և Բիզնեսի բարձրագույն ակադեմիայի (Լեհաստան, Դոմբրովա Գուռնիչա) միջև կնքված պայմանագրով նախատեսվում են  շարժունություններ Ինֆորմատիկայի և կիրառական մաթեմատիկայի, Տնտեսագիտության և կառավարման ֆակուլտետների բակալավրիատի և մագիստրատուրայի ուսանողների համար՝ 2025/2026 ուստարվա 1-ին կիսամյակում ուսանելու նպատակով:

Անգլերենի առնվազն B2 մակարդակի իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս:

Մանրամասն տեղեկություն ֆինանսավորման և «Էրազմուս+» միջազգային կրեդիտային շարժունություն ծրագրի մասին՝ այստեղ:

Ծրագրի դիմումներն ընդունվում են ԵՊՀ միջազգային կապերի բաժնի lia_evoyan@ysu.am էլհասցեով:

Դիմումների ընդունման վերջնաժամկետն է ս․թ․ մայիսի 27-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով).

1. անձնագրի պատճեն,

2. ինքնակենսագրական (CV) «Europass» ձևաչափով,

3. մոտիվացիոն նամակ,

4. ակադեմիական տեղեկագիր (թարգմանված և հաստատված ԵՊՀ Միջազգային կապերի բաժնի կողմից),

5. տեղեկանք՝ ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies):

Մանրամասների համար այցելե՛ք հետևյալ կայքէջ, ինչպես նաև ծանոթացե՛ք կից տեղեկատվական թերթիկին։