«Էրազմուս+» միջազգային կրեդիտային շարժունության գործողություն. Բեռլինի ազատ համալսարան (Գերմանիա)

«Էրազմուս+» միջազգային կրեդիտային շարժունության գործողության շրջանակում Երևանի պետական և Բեռլինի ազատ համալսարանների (Գերմանիա) միջև կնքված պայմանագրով նախատեսվում է շարժունություն Պատմության և Արևելագիտության ֆակուլտետների պրոֆեսորադասախոսական կազմի համար` 2025-2026 ուստարվա 2-րդ կիսամյակում կամ 2026-2027 ուստարվա 1-ին կիսամյակում 1 շաբաթ ժամկետով առնվազն 8 ժամ դասախոսություն կարդալու համար:

Անգլերենի առնվազն B2 մակարդակի իմացությունը պարտադիր է:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետն է ս.թ. փետրվարի 25-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն անգլերեն, pdf տարբերակով)՝

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. շարժունության համաձայնագիր դասավանդման նպատակով (Staff Mobility Agreement for Teaching/traning) (թեմա, նկարագիր, շարժունության նպատակները, ակնկալվող գործողությունները և այլն),

4. տեղեկանք՝ ԵՊՀ-ում աշխատելու վերաբերյալ,

5. հրավեր (Բեռլինի ազատ համալսարանի պրոֆեսորի կողմից)։