• Ուսուցման ձև՝ առկա, տևողություն՝ 1 տարի 
• Վարձավճար՝ 800 000 ՀՀ դրամ
• Ընդունելության քննության ձևաչափ՝ բանավոր
• Որակավորումը՝ լեզվաբանության մագիստրոս

Ծրագրի նպատակը

«Թարգմանչական գործ՝ անգլերեն և հայերեն» մագիստրոսական ծրա­գրի նպատակն է զարգացնել ուսանողների մասնագիտական հմտությունները` տրա­մադրե­լով խորաց­ված ուսուցում թարգմանաբանության ոլորտում, տրամադրել տեսա­կան և գործնական խոր գիտելիքներ` թարգմա­նաբանության ժամանա­կակից մեթոդները, հիմնախնդիր­ները հասկանալու, մեկնաբանելու և վերլու­ծե­լու համար, խթանել ուսանողների քննադատական մտածողությունը և վերլուծական հմտու­թյունները, տեսությունը և պրակտիկան համադրելու և գնահատելու ունակությունը, օժտել ուսանողներին մասնագիտական հմտություններով, որոնք անհրա­ժեշտ են թարգմանչական գործունեություն ծավալելու համար տարբեր մասնա­գիտական ոլորտներում։

Առավելությունները

Ծրագրի շրջանա­վարտ­ները կլինեն մասնագետներ, որոնք ունակ կլինեն ցուցաբերելու ստեղծագործական մոտեցում թարգմանաբանության ոլորտի նոր մեթոդների ինքնուրույն ուսուցման և մշակման գործըն­թացում, ինչպես նաև քննարկելու թարգմանաբանության ոլորտի խնդիրներն ու հիմնահարցերը։ Նրանք կկարողանան կատարել ընդհանուր ուղղվածության և նեղ մասնագիտական տեքստե­րի թարգմանություն, լուծում տալ թարգմանական տարբեր խնդիրներին` կատարելով համար­ժեքների ճիշտ ընտրություն, կատարել միջտեքստային զուգադրական ուսումնասիրություններ և վերլուծութ­յուններ և այլն:

Որակյալ թարգմանիչների պահանջարկը հանրա­պե­տությունում մեծ է, աշխատանքի տեղավորման հնարավորությունները՝ բազմազան: Ծրագրի ավարտին ուսանողը կունենա ամբողջական և խոր գիտելիքներ թարգմանաբանության ոլորտում, ունակ կլինի կատարել գրավոր և բանավոր թարգմանություններ թե՛ գեղարվեստական, թե՛ մասնագիտական տարբեր  ոլորտներում, ինչպես նաև իրականացնել լեզվի խոր իմացություն պահանջող տարբեր գործառույթներ, ինչը կապահովի բարձր մրցունակություն աշխատաշուկայում:

Մագիստրոսական ծրագրի շրջանակում նախատեսված է մասնագիտական պրակտիկա հրատարակչական և լրատվական տարբեր կազմակերպություններում: 

Դասերը կազմակերպվում են առավոտյան՝ շաբաթական 3 օր։

Կարիերայի հնարավորությունները

«Թարգմանչական գործ՝ անգլերեն և հայերեն» մագիստրոսական ծրագրի շրջանավարտները հնարավոր աշխատատեղեր կարող են զբաղեցնել գեղարվեստական և մասնագիտական թարգմանության ոլորտներին առնչվող հետևյալ կազմակերպություններում. հրատարակչություններ, տարբեր նախարարությունների միջազգային բաժիններ, միջպետական համա­տեղ ձեռնարկություններ և միջազգային կազմակերպություններ, գովազդային և PR ոլոր­տում գործող պետական և մասնավոր ձեռնարկություններ և գործակալություններ, դեսպանատներ, լրատվական գործակա­լութ­յուններ, և այլն։

ԾՐԱԳՐՈՒՄ ԸՆԴԳՐԿՎԱԾ ԴԱՍԸՆԹԱՑՆԵՐ

• Մասնագիտական անգլերեն

• Թարգմանական ավանդույթը անգլիախոս երկրներում

• Հաջորդական և համաժամանակյա թարգմանություն

• Միջնորդավորված թարգմանության հիմնախնդիրներ

• Թարգմանությունը և խմբագրումը հրատարակչական ոլորտում

• Անգլիալեզու գրականությունը ռուսական թարգմանական դպրոցում

• ԶԼՄ և հաղորդակցությունների սոցիոլոգիա

• Հայ և համաշխարհային գրականության զուգահեռներ

• Ձեռնարկատիրություն

• Կարիերայի կառավարում

• Նախագծերի կառավարում և գնահատում

• Հետազոտության պլանավորում և մեթոդներ

• Տեղեկատվական տեխնոլոգիաները մասնագիտական ոլորտում

ԸՆԴՈՒՆԵԼՈՒԹՅԱՆ ՔՆՆՈՒԹՅԱՆ ՀԱՐՑԱՇԱՐ

1. Թարգմանություն հասկացությունը․ թարգմանությունը՝ որպես միջլեզվական և միջմշակութային հաղորդակցության տեսակ
2. Թարգմանության տարատեսակները և դրանց միջև հիմնական տարբերությունները
3. Համարժեքությունը՝ որպես թարգմանաբանության կենտրոնական գաղափար
4. Թարգմանական փոխակերպումները, ռազմավարությունները և տեղաշարժերը՝ ըստ Բարխուդարովի, Վինեյ և Դարբելնեի, Քեթֆորդի դասակարգումների
5. Թարգմանության միավորները՝ ըստ լեզվական 7 մակարդակների
6. Թարգմանչի մասնագիտական էթիկան․ արտաքին գիտելիք թարգմանության մասին
7. Ոճագիտության առարկան․ ոճագիտության և բանասիրական այլ գիտակարգերի հարաբերակցությունը
8. Գործառական ոճերի տարբերակումը
9. Ոճական հնարների համակարգը
10. Բառակազմությունը ժամանակակից անգլերենում. բառակազմության հիմնական միջոցները
11. Բառապաշար. բառապաշարի շերտերը և ոճական տարբերակումը
12. Դարձվածքային միավորների դասակարգման սկզբունքները

      Գործնական առաջադրանք․

Թարգմանել նշված հատվածը տրված գեղարվեստական տեքստից (անգլերենից հայերեն)։

Գրականության ցանկ

1. Գաբրիելյան Ս., Թարգմանաբանության քրեստոմատիա, ուս. ձեռնարկ, Երևան, «Սահակ Պարթև», 2007։
2. Գիրունյան Գ., Անգլերենի բառագիտության հիմունքներ (տեսական դասընթաց), Երևան, հեղինակային հրատարակչություն, 2009։ 
3. Սեֆերյան Ս․, Գաբրիելյան Ս․, Խաչատրյան Ա․, Համառոտ ակնարկ թարգմանաբանության, Երևան, «Սահակ Պարթև», 2012։
4. Galperin I.R. English Stylistics. Moscow: URSS, 1981։

Հետադարձ կապ

Էլհասցե՝ interpretatordept@gmail.com

Ֆեյսբուքյան էջ՝ https://www.facebook.com/TranslatorsStudies/ 

Հեռ.՝ (+374 60) 710 561