Օպտիկա

Ընդունելության պահանջները

Ծրագրի դիմորդը պետք է ունենա բակալավրի կամ դրան համարժեք որակա­վո­րում։

«Օպտիկա» մասնագիտությամբ բակալավրի որակավորում ունեցող դիմորդ­ների ըն­դունելությունը կատարվում է մրցութային հիմունքներով՝ նախորդ ուսում­նա­ռու­թյան ըն­թացքում ցուցաբերած առաջադիմության արդյունքների հիման վրա։ Այլ մասնագիտությամբ բակալավրի կամ համարժեք որակավորում ունեցող դի­մորդ­ների ընդունելությունը կատարվում է մրցութային հիմունքներով՝ «Օպտիկա»  մաս­­նագիտության բակալավրի ամփոփիչ ատեստավորման քննա­կան ծրագրին հա­մա­պա­տասխան անցկացված քննությունների արդյունք­նե­րի հիման վրա։

Ուսուցումն իրականացվում է առկա ձևաչափով՝ երկու տարի տևողությամբ։ Ուսման վարձը՝ 500.000 ՀՀ դրամ։ 

Ընդունելությունը կատարվում է Երևանի պետական համալսարանի մագիստրա­տու­րայի ընդունելության կանոնակարգի համաձայն։

Ծրագրի նպատակը

Ծրագրի նպատակն է ծանոթացնել բնական և հումանիտար գիտությունների բնագավառներում լայնորեն տարած­­ված նկարա­գրա­կան մե­թոդ­ներին, ձևավորել պատշաճ մասնագիտական պատ­կե­րացում այդ ասպարեզի արդի նվաճում­ների մասին, պատրաստել հիմնարար և կիրառական ֆիզիկայի տարբեր բնագավառներում ֆիզիկայի հետա­զո­տու­­թյուն­ներով զբաղվող մասնագետներ, գիտաարտադրական միավորում­նե­րում օպտիկական սարքեր և սարքավորում­ներ նախագծող, դրանց բնու­թա­գ­րե­րն ուսումնասիրող և աշխատանքային ռեժիմներն օպ­տիմա­լա­ցնող մաս­նա­գետ­ներ, գիտամեթոդական, գիտամանկավարժական աշխատանքներ, ինչ­պես նաև ուսում­նա­կան ծրագրե­րով մանկավարժական աշխատանք իրակա­նացնող մաս­նա­գետ­ներ:

Առավելությունները

Այս ծրագրի ավարտին ուսանողն ունակ կլինի կիրառելու ՏՀՏ-ները մաս­նագիտական և/կամ միջմաս­նա­գի­տա­կան ոլորտնե­րում նոր ու բարդ խն­դիր­ներ լուծելու և հետա­զո­տու­թյուն­ներ կատարելու նպա­տակով, ստեղծագոր­ծաբար կիրառելու ֆիզիկական երևույթների ուսումնասիրման մեթոդ­ները և նոր տեխ­նոլոգիաները, ինչպես նաև մասնա­գիտա­կան հաղորդա­կցման միջոց­ները՝ իր եզրահան­գում­ները, հա­մա­­պա­­տաս­­խան հիմնա­վո­րումներն ու հե­տա­զոտության արդ­յունքները լայն հանրու­թյա­նը պատ­­շա­ճորեն ներ­կա­յացնելու համար։ Ուսանողը կկարողանա վերլուծել, գնահատելու և համակարգել ՏՀՏ միջոցների կիրառմամբ մասնա­գի­տական ոլոր­տի համապատասխան տեղեկատվությունը՝ ըստ առաջնա­հեր­­թու­թյան, ստեղծագործաբար կիրառել ձեռք բերված գիտե­լիքները հե­տա­զոտական աշ­խա­տանք­ներում, ծրագրել գիտական նախա­գծեր, բիզնես ծրագրեր, ղեկավարել գիտա­կան ուղղություններ և արտադրական գործ­ըն­թացներ։

Շրջանավարտների կարիերայի հնարավորությունները

«Օպտիկա» ծրագրի շրջանավարտները կարող են աշխատանքի անցնել այդ ոլորտում գոր­ծող ձեռնարկություններում` զբաղեցնելով հետևյալ պաշտոնները.

Բարձրագույն ուսումնական հաստատություններում՝

• գիտահետազոտական լաբորատորիաների գիտաշխատողներ,

• դասախոսներ, ասիստենտներ։

Ակադեմիական և այլ գիտահետազոտական ինստիտուտներում՝

• բաժնի վարիչներ,

• խմբերի ղեկավարներ,

• գիտաշխատողներ:

Հնարավոր աշխատավայրերն են.

• ԵՊՀ ֆիզիկայի և ռադիոֆիզիկայի ֆակուլտետների ու­սում­նական և գիտական ստորաբաժանումները,

• ԵՊՀ ֆիզիկայի գիտահետազոտա­կան ինս­տիտուտը (ԵՊՀ ՖԳՀԻ),

• ՀՀ ԳԱԱ ֆիզիկայի կիրառական պրոբլեմների և ֆիզիկական հե­տա­զոտությունների ինստիտուտները,

• Կապի բնագավառում գործող պետական և մասնավոր ձեռ­նարկությունները: 

Ծրագրի շրջանավարտները կարող են շարունակել իրենց ուսումը ԵՊՀ ֆիզիկայի և ՀՀ ԳԱԱ պրոֆիլային ինստիտուտ­ների ասպիրանտուրայում: