В ЕГУ приняли Чрезвычайного и Полномочного Посла Мексики Эдуардо Вильегаса Мехиаса

По инициативе управления международного сотрудничества ЕГУ в университете состоялась встреча с Чрезвычайным и Полномочным послом Мексиканских Соединенных Штатов в Республике Армения Эдуардо Вильегасом Мехиасом (резиденция в Москве). В рамках встречи состоялось открытие выставки «Мексика: народ, дух и традиции» и презентация книги «История мексиканского народа», автором которой является посол.

ԵՊՀ ռեկտոր Հովհաննես Հովհաննիսյանը բարձր գնահատեց հայ-մեքսիկական մշակութային ու ակադեմիական կապերի ամրապնդմանն ուղղված ջանքերը: Ռեկտորն ու դեսպանը հույս հայտնեցին, որ համագործակցությունը կնպաստի միջբուհական կապերի ամրապնդմանը և ակադեմիական փոխանակումների զարգացմանը։

Մեքսիկային նվիրված ցուցահանդես

ԵՊՀ Սարգիս և Մարի Իզմիրլյանների անվան գրադարանի նախասրահում տեղի ունեցավ «Մեքսիկա. ժողովուրդ, հոգի և ավանդույթներ» ցուցահանդեսի բացման արարողությունը: 16 կանանց հեղինակած ավելի քան երեսուն լուսանկարները՝ արված օդից ու ցամաքից, ներկայացնում էին մեքսիկացիներին բնորոշ գունեղ աշխարհընկալումը, կենսուրախությունն ու երկրի գույները: Դրանք արտացոլում էին Մեքսիկայի հարուստ ժառանգությունն ու ժամանակակից հասարակությունը՝ հազարամյակների պատմություն ունեցող մշակույթով, ավանդույթներով, հավատալիքներով ու տոնակատարություններով: Նախագծի գեղարվեստական համադրողն ու միջազգային համակարգողն է Անդրեա Լորելայնը։

Գրքի շնորհանդես

Ցուցահանդեսի բացմանը հաջորդեց դեսպանի հեղինակած «Մեքսիկայի ժողովրդի պատմությունը» գրքի շնորհանդեսը, որն անցկացվեց ԵՊՀ գիտական խորհրդի նիստերի դահլիճում։ Անդրադառնալով Մեքսիկայի կազմավորմանն ու պատմական զարգացման առանցքային դրվագներին՝ նա խոսեց ներկայիս Մեքսիկայի տարածքում զարգացած հին քաղաքակրթությունների, այդ թվում՝ մայաների և ացտեկների մասին: Դեսպանը ներկայացրեց նաև երկրի մշակութային ժառանգությունը՝ ժողովրդական հավատալիքներից ու սովորույթներից մինչև խոհանոց, երաժշտություն և ճարտարապետություն։ Նա ընդգծեց բնիկ ժողովուրդների, եվրոպական և աֆրիկյան մշակույթների ազդեցությունը Մեքսիկայի մշակութային բազմազանության ձևավորման վրա։

Հանդիպման ավարտին ԵՊՀ ռեկտոր Հովհաննես Հովհաննիսյանը Մեքսիկայի դեսպանին հանձնեց ԵՊՀ հիմնադրման 100-ամյակի առթիվ թողարկված արծաթե հուշադրամ՝ ի նշան երկկողմ բարեկամության, հարգանքի և արդյունավետ համագործակցության։

Միջոցառմանը մասնակցում էին ՀՀ Կառավարության ներկայացուցիչներ, Հայաստանի Հանրապետությունում Մեքսիկայի Միացյալ Նահանգների պատվավոր հյուպատոս Նիկոլայ Կոստանդյանը, ԵՊՀ եվրոպական լեզուների և հաղորդակցության ֆակուլտետի ռոմանական բանասիրության ամբիոնի ուսանողներ և այլ հյուրեր: