Средневековое искусство в новом ракурсе. В ЕГУ прошла выставка миниатюр Маргариты Овсепян

В Музее истории имени профессора Людвига Гарибджаняна ЕГУ прошла выставка «Маргарита Овсепян: средневековое искусство по-новому», объединившая художников, студентов, преподавателей и любителей искусства. Творческий путь Маргариты Овсепян, автора представленных картин, связан с ЕГУ: более трёх десятилетий она проработала в университете, внося свой вклад в формирование образовательной и культурной среды.

Մարգարիտա Հովսեփյանի ստեղծագործությունների ցուցահանդեսը ԵՊՀ-ում կազմակերպելու որոշումը պայմանավորված էր այն հանգամանքով, որ հենց ԵՊՀ-ն է եղել այն միջավայրը, որտեղ հնատիպ գրքերը դարձել են հեղինակի ներշնչման աղբյուրը, և որտեղից սկսվել է նրա ստեղծագործական ուղին։

ԵՊՀ պրոֆեսոր Լյուդվիգ Ղարիբջանյանի անվան պատմության թանգարանի տնօրեն Տաթևիկ Սարոյանն ուրախությամբ ընդգծեց, որ ներկայում ունենք մանրանկարիչներ, որոնք արժանապատվորեն շարունակում են Թորոս Ռոսլինի, Սարգիս Պիծակի և մեծանուն այլ վարպետների ստեղծագործական ուղին։

«Վստահ եմ՝ տարիներ անց հիշվելու են նաև մերօրյա արվեստագետների անունները՝ որպես սերնդեսերունդ փոխանցվող արժեքների կրողներ։ Այսօր Մարգարիտա Հովսեփյանի արվեստն իր հերթին պատմություն է կերտում»,- մատնանշեց նա։

Մանրանկարչի՝ Մարգարիտա Հովսեփյանի խոսքով՝ 2020 թ․ պատերազմի օրերին, երբ ցավը, մտահոգությունը և տագնապը դարձել էին առօրյայի անբաժան մաս, արվեստը նրա համար դարձավ ապրումներն արտահայտելու գլխավոր միջոց․ նա սկսեց կրկնօրինակել և նկարել մանրանկարներ՝ գույների ու պատկերների միջոցով արտահայտելով իր ապրումները:

Սրբապատկերներ, խորաններ, թռչնատառեր, անվանաթերթեր, լուսանցքազարդեր և պատկերներ միջնադարյան մանրանկարչությունից․ այս ամենը հեղինակը ստեղծել է՝ օգտագործելով թուղթ, ջրաներկ, ակրիլ և տեմպերա։

«Ես չէի կարող այս ամենն անել, եթե իմ կյանքում չլինեին երկու բացառիկ անձինք․ Մատենադարանի «Ծաղկելու արվեստ» մանրանկարչության ստուդիայի ուսուցիչ Լիլիթ Վարդումյանն ինձ սովորեցրեց մանրանկարչության տեխնիկան, գաղտնիքները, ինչպես նաև խրախուսեց ստեղծել հեղինակային աշխատանքներ։ Իսկ Հայկական մանրանկարչության ստուդիայի հիմնադիր Աննա Մարգարյանն ինձ ներկայացրեց տարբեր հմտություններ և տարբեր նյութերի վրա նկարելու տեխնիկան»,- նշեց մանրանկարիչը։

Մարգարիտա Հովսեփյանը սիրում է իր կտավները նվիրել ընկերներին ու հարազատներին։ Նա պատմեց, որ նկարելիս արդեն պատկերացնում է, թե տվյալ գործը ում պետք է նվիրի և փորձում է այդկերպ իր դրական էներգիան փոխանցել մարդկանց։

«Կրկնօրինակներ անելու ընթացքում միշտ ձգտել եմ հավատարիմ մնալ ծաղկողների աշխատանքներին, ամեն բան պատկերել այնպես, ինչպես կա։ Այստեղ ցուցադրված են նաև գծանկարներ, որոնց գույների ընտրությունը ինքս եմ կատարել։ Սկզբում կրկնօրինակներ էի ստեղծում, հետո անցա նաև հեղինակային աշխատանքների։ Կարծում էի, թե չի ստացվի, սակայն ստացվեց»,- ասաց նա։

Այսօր էլ շարունակելով իր գործունեությունը Հայաստանի գեղարվեստի պետական ակադեմիայում՝ հեղինակը մնում է հավատարիմ նույն սկզբունքներին, որոնց հիման վրա կերտվել է իր ստեղծագործական էությունը։