Подведены итоги деятельности СНО ЕГУ в первом семестре 2025-2026 года

В зале заседаний Учёного совета ЕГУ состоялось заключительное заседание Студенческого научного общества, подводящее итоги деятельности структуры за 1-й семестр 2025–2026 учебного года.

ԵՊՀ ՈՒԳԸ նախագահ Սիրանուշ Բաղումյանը ներկայացրեց կիսամյակի ընթացքում կատարված աշխատանքները՝ ընդգծելով կառույցի գործունեության շարունակական զարգացման կարևորությունը։

Յուրաքանչյուր կիսամյակ ՈՒԳԸ-ն կատարում է համապարփակ գնահատում՝ ուսումնասիրելով ֆակուլտետների ՈՒԳԸ-ների կատարած աշխատանքները, ակտիվությունը և որակական ցուցանիշները։ Կիսամյակային ամփոփումները հնարավորություն են տալիս տեսնելու, թե որ ֆակուլտետներն են առավել արդյունավետ աշխատել, ինչպես նաև խթանելու առողջ մրցակցությունն ու գիտական ակտիվությունը։ Ուսանողական կառույցում ընդգրկված են բարձր առաջադիմություն և գիտական հետաքրքրվածություն ունեցող ուսանողներ, ինչը ևս նպաստում է իրականացվող ծրագրերի բարձր որակի ապահովմանը։

Ընդլայնված և ամփոփիչ նիստի ընթացքում ֆակուլտետների ՈՒԳԸ նախագահները հանդես եկան հաշվետվություններով՝ ներկայացնելով իրականացված ծրագրերը, գիտական և կազմակերպական աշխատանքները։

Կիսամյակի ընթացքում կազմակերպվել են միջազգային և հանրապետական նշանակության գիտաժողովներ ու ծրագրեր, ինչպես՝ ԵՊՀ ՈՒԳԸ միջազգային երիտասարդական ամենամյա գիտաժողովը և «Հոդվածագրության դպրոց» ծրագիրը, իրականացվել են նաև ՈՒԳԸ խոշոր և ամենամյա ծրագրեր, որոնցից են ԵՊՀ աշխարհագրության և երկրաբանության ֆակուլտետի «GeoCaching» ծրագիրը, սոցիոլոգիայի ֆակուլտետի նախաձեռնությամբ կազմակերպվող «Soc Camp» կոնֆերանսը, պատմության ֆակուլտետի՝ պատմաբանին նվիրված գիտաժողովը, միջազգային հարաբերությունների ֆակուլտետի «ՄԱԿ մոդել» ծրագիրը։

Հաշվետվություններից հետո, ըստ ՈՒԳԸ աշխատակարգի և հավաքած միավորների, կատարվեց համապատասխան գնահատում, որի արդյունքում պարգևատրվեցին ակտիվ գործունեություն ծավալած ՈՒԳԸ անդամները։

Նիստն ամփոփվեց ֆակուլտետային լավագույն ՈՒԳԸ-ների պարգևատրման հանդիսավոր արարողությամբ։ Ակտիվ գործունեության համար հավաստագրերի արժանացան Իրավագիտության, Պատմության, Միջազգային հարաբերությունների, Փիլիսոփայության և հոգեբանության ֆակուլտետների և Ֆիզիկայի ինստիտուտի ուսանողական գիտական ընկերությունները: