Театр-студия «Университетский» Центра культуры имени Шарля Азнавура ЕГУ стала победителем конкурса «Универсиада-2026»

Студенты театра-студии «Университетский» Центра культуры имени Шарля Азнавура Ереванского государственного университета в рамках конкурса «Универсиада-2026» представили театральную постановку «Слуга Симон» по произведению Аветика Исаакяна (художественный руководитель: Гаяне Егиазарян), разделив почетное первое место с представителями Российско-Армянского университета.

Հայ-ռուսական համալսարանում կազմակերպված «Ունիվերսիադա-2026» միջոցառումը անցկացվում է ամեն տարի՝ 2014 թվականից ի վեր, Հայաստանի Հանրապետության պաշտպանության նախարարության հետ գործակցությամբ՝ ընդգծելով կրթության, սպորտի և հայրենասիրական արժեքների սերտ փոխկապակցվածությունը։ «Ունիվերսիադա-2026»-ի առաքելությունն է ձևավորել բարեկամական և համերաշխ միջավայր, որտեղ ուսանողները հնարավորություն ունեն ոչ միայն մրցելու, այլև ճանաչելու միմյանց, կառուցելու նոր կապեր և կիսվելու փորձով։ Միջոցառմանը այս տարի մասնակցում են ՀՀ 22 բուհեր, որոնց ներկայացուցիչները իրենց ուժերն են չափում մարզական, մշակութային և ինտելեկտուալ հարթակներում։

Միջոցառման մշակութային՝ թատերական արվեստի ուղղությամբ մրցույթում «Համալսարանական» թատրոն ստուդիայի սաները հանդիսատեսին ներկայացրին «Ծառա Սիմոնը» բեմադրությունը։

Ժյուրիի անդամ Սոնա Թորոսյանը բարձր գնահատեց համալսարանականների ելույթը՝ ընդգծելով նրանց բեմական կեցվածքը, ներդաշնակությունն ու պրոֆեսիոնալ մոտեցումը։ Մեծապես արժևորելով երիտասարդ դերասանների նվիրված աշխատանքը և բարձրարվեստ կատարումը՝ նա նշեց, որ ներկայացումը առանձնանում էր դերասանական համաչափ խաղով և բեմական ամբողջականությամբ։

Թատրոն-ստուդիայի սաները մեծ պատասխանատվությամբ էին մոտեցել ներկայացման բեմադրությանը․ նրանց համար սա ոչ միայն ստեղծագործական աշխատանք էր, այլև կարևոր հնարավորություն՝ իրենց ուժերն ու կարողությունները դրսևորելու մասնագիտական միջավայրում։ Նրանք նշեցին, որ խորապես տպավորված և հուզված էին, քանի որ այսօրինակ հարթակները ոչ միայն նպաստում են իրենց ստեղծագործական աճին, այլև նոր վստահություն են ներշնչում հետագա բեմական գործունեության համար։

Թատրոն-ստուդիայի գեղարվեստական ղեկավար Գայանե Եղիազարյանը մատնանշեց, որ այս աշխատանքը ստեղծագործական հետաքրքիր գործընթաց էր, որտեղ հատկապես կարևոր էին երիտասարդ դերասանների ներուժը բացահայտելը և նրանց մեջ բեմի հանդեպ սեր ու նվիրվածություն սերմանելը։

ԵՊՀ Շառլ Ազնավուրի անվան մշակույթի կենտրոնը այսպիսով եզրափակեց այս տարվա մասնակցությունը «Ունիվերսիադա-2026» մրցույթին, որը հնարավորություն տվեց ուսանողներին և երիտասարդ ստեղծագործողներին ներկայացնելու իրենց տաղանդը, փոխանակվելու փորձով և հանդես գալու ստեղծագործական առողջ մրցակցային միջավայրում։

Նշենք, որ միջոցառման մշակութային մրցույթներին մասնակցել են նաև ԵՊՀ Շառլ Ազնավուրի անվան մշակույթի կենտրոնի աղջիկների պարային համույթը՝ ներկայանալով Սայաթ-Նովայի «Նազանի» կատարումով (բեմադրությունը՝ գեղ․ ղեկավար Անի Հարոյանի), և ԵՊՀ երգչախումբը՝ կատարելով Սայաթ-Նովայի «Քանի վուր ջան իմ», «Դուն էն հուրին իս», «Չկա քիզի նման» երգերի շարանը (խմբավար՝ Ռուբեն Կարասեֆերյան, գեղարվեստական ղեկավար՝ ՀՀ վաստակավոր արտիստ Կարեն Սարգսյան)։